Yɔni 7:11 - ALLALA KUMƐ

¹¹ Yahudiyanuna kun-tiginu bi Yisa nyinina ladɛn wo rɔ. Anu ko, “Kei kɛ ye mintɔ?”

Yɔni 7:11 ပူးပေါင်းရင်းမြစ်များ

Yɔni 1:19

Yahudiyanuna kun-tigi minnu bi Yerusalɛm, wonu ya saraka-masɔlɛnu anubɛ Lifayi bɔnsɔnnu nata Yɔni ma ka a manyinika ko, “Yon bi ile la?” Yɔni ya min fɔ, wo le kɛ la.

Yɔni 11:56

Mɔgɛnu tora Yisa nyinina. Nba, anu ya anu kundɛn Alla-Bato-Bɔn la tumɛ min, anu ya anu nyɔgɔn manyinika ko, “Wo miriya ye kama? Wo miri ko a si na ladiyɛ kɛ rɔ, wa?”

Yɔni 7:1

Wo kɔma, Yisa ya Kalili sigisɔn ratagama. A ma sɔn tala Yudiya nyamanɛ rɔ bawo Yahudiyanuna kun-tigi minnu bi nyɔ, wonu bi a faga-koe rɔ.

Yɔni 7:13

Kɔnɔ mɔgɔ-wo-mɔgɔ ma sisi ka kuma gbɛ rɔ Yahudiyanuna kun-tiginu yala.

Yɔni 7:15

Yahudiyanuna kun-tiginu kawara kati! Anu ko, “Kei kɛ ya kɛ bɛɛ lɔn kama, a ma karan nun lun-kelen-bɛrɛn?”

Yɔni 9:12

Anu ya a manyinika ko, “Kei wo ye mi?” A ya anu yabi ko, “Nde ma a lɔn a ye kan min.”