Yɔni 6:68 - ALLALA KUMƐ

⁶⁸ Saimon Pita ya a yabi ko, “Mari, ma si ta yon bara gbɛ? Habadan-niyi-kumɛ ye ile le bolo.

Yɔni 6:68 ပူးပေါင်းရင်းမြစ်များ

Yaburi 73:25

Fenfen sa nde bolo Arinyɛni tɔ ile kɔma n dɛnbɛn-koe rɔ. N bi nyinina nfen ma duninya kɛ rɔ ile Alla kɔma?

Matiyu 16:16

Saimon Pita ya a yabi ko, “Allata-Mɔgɔ-Yabɔnɛ le ile la, Alla Nimɛta dan, kɔni.”

Maraka 8:29

A ya anu manyinika ko, “Wole don? Wole ko kama? Yon bi nde la wole yala?” Pita ya a yabi ko, “Allata-Mɔgɔ-Yabɔnɛ le ile la.”

Luka 9:20

A ya anu manyinika ko, “Wole don? Wole ko kama? Yon bi nde la?” Pita ya a yabi ko, “Allata-Mɔgɔ-Yabɔnɛ le ile la!”

Yɔni 12:49

Tonyɛ le kɛ la bawo n ma kuma n nyɛrɛta sɛnbɛ la kɔnɔ n Fa min ya n sɔ, wo ara wo bɛɛ fɔ n ye nun.

Yɔni 12:50

N ya a lɔn ko n Fala kumɛ si habadan-nimayɛ lana mɔgɛnu ma. A ara min bɛɛ fɔ, wo le wonu na n Fa ya min fɔ n ye.”

Yɔni 17:8

I ya sarakanɛ min don n bolo, n bara wo lake anu ma. Anu bara sarakanɛ wo bira. Anu ya a lɔn yati, ko n bɔra ile le warɛ. Anu bara la a la gbɛ, ko ile le ya n sɔ.

Yɔni 5:24

“N bi tonyɛ fɔla wo ye, min ba nna kumɛ lamɔɛn ka dɛnkɛninya n Fa Alla ma min ya n sɔ, habadan-nimayɛ ye wo bolo. Kiti sa wo tigi ma. A manɛ iko mɔgɛ min bara faga nun kɔnɔ kaka, a ara niyi-kurɛ sɔrɔn tun.

Yɔni 6:40

N fa diyana-koe le ko min bɛɛ wa nde, ala dan mafɛlɛn ka dɛnkɛninya n ma, wo si habadan-nimayɛ sɔrɔn. Nba, tele-laban-lun, n si anu nawuli ka niyi-kurɛ di anu ma.”

Yɔni 6:63

Allata Ni-Sɛnimɛ le ye niyi dila mɔgɛnu ma. Sɛnbɛ sa mɔgɔ-wo-mɔgɔ bolo ka niyi di mɔgɛ ma. N bara kumɛ minnu fɔ wo ye kɛ la, Allala Ni-Sɛnimɛ min si niyi di mɔgɛ ma, wo le si niyi lana wo ma.

Kɛwɔlɛnu 13:26

“Nba, n na-kelen-nyɔgɛ Isirɛla mɔgɛnu, Iburayima bɔnsɔnnu, wobɛ sibolo-gbɛrɛ min bi Alla batola yan, Alla ya male sɔ ko wo ni a lɔn wo si kisi nya min, ado bɛɛta sarakanɛ le wo la.

Kɛwɔlɛnu 4:12

ado Alla ara tɔgɔ kelen pe min di mɔgɛnu ma anu si kisi min fɛ, wo tɔgɔ-gbɛrɛ sa duninya rɔ fɔ ale Yisa tɔgɔ kelen pe.”

Kɛwɔlɛnu 5:20

“Wo ta wo sɔ Alla-Bato-Bɔn la ka ni-kurɛ kɛ wara-koe fɔ mɔgɛnu ye.”

Kɛwɔlɛnu 7:38

Isirɛla mɔgɛ minnu nadɛnta wulɛ rɔ, ale Musa taranta wonu fɛ nun. Melika min kumara a ye Sinayi kɔnkɛ kuma wo, ale Musa ya kumɛ wo latenbi ma benbanu ma. Allala kumɛ min si niyi di mɔgɛ ma, ale Musa ya wo sɔrɔn nyɔ ka wonu natenbi ma ma.

Kɛwɔlɛnu 8:37

Filipi ya a fɔ a ye ko, “Ni i wara dɛnkɛninya i yisi bɛɛ la, i si batasi.” A ya a yabi ko, “N bara dɛnkɛninya. N bara la a la ko Allala dan le Yisa la.”]