Yɔni 6:46 - ALLALA KUMƐ

⁴⁶ Nde min bɔnɛ Alla wara, nde le kelen pe ara n Fa Alla yen. Mɔgɔ-gbɛrɛkɛ ma n Fa Alla yen mumɛ!

Yɔni 6:46 ပူးပေါင်းရင်းမြစ်များ

Bɔ-Koe-Iyipiti 24:10

Anu ya anuta Alla yen. Alla sɔra kan min, anu ya nyɔ fanan yen, a matɛgɛnɛ iko safaira. Safaira wo, kuru-da-gbɛlɛ do le wo la min matɛgɛnɛ iko san-kolo-bilolamɛ.

Matiyu 11:27

“N Fa ara fan bɛɛ di n ma. Mɔgɔ-wo-mɔgɔ ma nde, Allala dan lɔn fɔ a Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.

Luka 10:22

“N Fa ara fan bɛɛ dantɛgɛ n ma. Mɔgɔ-wo-mɔgɔ ma nde, ala dan lɔn fɔ n Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.”

Yɔni 1:18

Mɔgɔ ma Alla yen bɛ. Allatalata Den kelen pe, Alla nyɛrɛ, kɔni, wo ara a Fa yira ma la, ado a gbɛrɛnnɛ a Fa ma.

Yɔni 14:7

Wo ara nde lɔn min kɛ, wo si na n Fa Alla fanan lɔn, ado ka a bi bi ma, wo ara ale lɔn ka a yen.”

Yɔni 15:24

Ni n ma kabana-ko-tamaserenu kɛ anu tɛma nun, mɔgɔ-gbɛrɛ ma min nyɔgɔn kɛ wɛ, anu ti yiliki hakɛla ko la nun. Kɔnɔ kaka, n bara minnu kɛ, anu bara wonu yen woletɔ mabɛ n Fa Alla gboyara anu ye,

Yɔni 5:37

N Fa Alla min ya n sɔ, wo fanan ye sereyɛ bɔla n ye. Wo ma a kan lamɔɛn, ado wo ma a yakɔrɛ yen mumɛ!

Yɔni 7:29

kɔnɔ nde ya a lɔn bawo n bɔra a warɛ le. Ale le ya n sɔ.”

Yɔni 8:19

Anu ya a manyinika ko, “I fa ye mi?” Yisa ya anu yabi ko, “Wo ma nde lɔn. Woletɔ wo ma n Fa lɔn. Ni wo ya nde lɔn nun, wo si n Fa fanan lɔn.”

Yɔni 8:55

Wo ma ale lɔn mumɛ! Kɔnɔ nde le ya a lɔn. Ni n ya a fɔ ko nde ma a lɔn, n si ma foninya-fɔlɛ la iko wole. Kɔnɔ n ya a lɔn feu, ado n bi ala kumɛ birala.

Kɔlɔsi 1:15

Alla min ti yen, ata muninyɛ le Kirasiti la. Yanni fenfen ni dan, a ye nyɔ nun, ado dali-fan-bɛɛta kun-tigi le ale la.

1 Timoti 6:16

Ale kelen pe ti faga. A ye waan min tɔ, mɔgɔ-wo-mɔgɔ ti a madon wo la. Mɔgɔ-wo-mɔgɔ ma ale yen bɛ, ado mɔgɔ-wo-mɔgɔ ti ke a yenna lefan. Alamɛ gbiliyɛ anubɛ habadan-sɛnbɛ dira ale ma! Amina.

1 Yɔni 4:12

Mɔgɔ ma Alla yen fɔlɔn. Kɔnɔ ni ma ya ma nyɔgɔn keni, Alla ara sigi ma yisi rɔ. Ala keninteyɛ ara kanbali male wara la.