Yɔni 6:44 - ALLALA KUMƐ

⁴⁴ Mɔgɔ-wo-mɔgɔ ti na n bara fɔ n Fa min ya n sɔ, ale le si wo lana n ma. Nba, tele-laban-lun, n si wo lawuli ka niyi di a ma.

Yɔni 6:44 ပူးပေါင်းရင်းမြစ်များ

Keninteya-Siginu 1:4

N bi! Ma ni ta ma kun fɛ pon! I ni ma nna mansɛ la ka ta n na i bolo konko la. Ma si ma nyɔgɔn-diya bɔ. Ma ni tunu keninteyɛ rɔ pɔɛ! Ni i diyara musi bɛɛ ye, i kana tɛrɛna wo la.

Yɛrɛmaya 13:23

Mɔgɔ ti ke a fɛrɛ yɛlɛmana. Kuli fanan ti ke a manyɛgannɛ bɔla a ma. Wole Yerusalɛm kɛnu fanan bi wo nya le. Wo ti ke yɛlɛmana tun ka ko-nyimɛ kɛ. Wo ye karagbɛlɛyɛ le la tolon!

Yɛrɛmaya 31:3

a ya a nyɛrɛ yira wo la wula-yan la. A ko wola habadan-keninteyɛ ye a rɔ, ado a ko a si to keninteyɛ wo kun na.

Hoseya 11:4

N ya wo madon n na kinikinɛ anubɛ keninteyɛ la ka wo sigi n kian kuma ka wo mayɛgɛyɛgɛ. N ya n mayigi wo ye ka wo de-nyini.

Matiyu 12:34

Wo sɔn yogo iko duguma-fannu. Wo sɔn yogoyanɛ min kɛ, wo si ke kuma-nyimɛ fɔla kama? Ado nfan, mɔgɛ yisi fannɛ min na, a dɛ ye wo le fɔla.

Matiyu 16:17

Yisa ya a fɔ a ye ko, “Yɔnila den Saimon, duwa-dan le ile la! N bi kɛ fɔla bawo hadama-dan ma i labila tonyɛ kɛ la fɔ n Fa Alla min bi Arinyɛni tɔ.

Yɔni 12:32

Anu ba n nayɛlɛ san ma tumɛ min ka bɔ duninya kɛ rɔ, n si mɔgɛ bɛɛ madon n na.” (

Yɔni 5:44

A di wo ye wo ni matɔgɔlɛ sɔrɔn wo nyɔgɔn bolo kɔnɔ wo sa wo rayala ka matɔgɔlɛ sɔrɔn Alla kelen pe bolo. Wo si ke lala nde la kama worɔ?

Yɔni 6:43

Yisa ya anu yabi ko, “Wo ni fara da-kɔrɔ-kumɛ la wo nyɔgɔn tɛma.

Yɔni 6:45

Nɛbinu ya a sɛbɛ ko, ‘Alla si mɔgɛ bɛɛ karan.’ Min bɛɛ wa a tole masɔ n Fa Allala kumɛ la ka a karan, wo si na n bara.

Yɔni 6:65

A ko tun, “Mɔgɔ-wo-mɔgɔ ti ke bilala n fɛ a nyɛrɛ ma, fɔ n Fa wa min madɛnbɛ. Wo le ya a to, n ya kɛ fɔ wo ye.”

Yɔni 8:43

N bi min fɔla, nfenna wo sa wo nya-yenna? Ado nfan, wo ti ke wo nya-yenna bawo wo sa sɔnna nna kumɛ lamɔɛnna.

Filipai 1:29

Wo ara fɛrɛ sɔrɔn ka dɛnkɛninya Kirasiti ma. Kɔnɔ a ma dan wo dɔrɔn ma. Wo ara fɛrɛ sɔrɔn ka tɔrɔ fanan ala ko la.

Kɔlɔsi 2:12

Wo batasira tumɛ min, wo togonta Kirasiti fɛ. Wobɛ Kirasiti lawulita wo nyɔgɔn fɛ fanan batasilɛ rɔ bawo wo dɛnkɛninyanɛ ale Kirasiti le ma. Allata sɛnbɛ le ya a lawuli ka bɔ furinu tɛma.