Yɔni 6:31 - ALLALA KUMƐ

³¹ Musa ya biredi-su do di ma benbanu ma wulɛ rɔ ka bɔ Arinyɛni tɔ iko a sɛbɛnɛ Allata kitabu rɔ nya min.”

Yɔni 6:31 ပူးပေါင်းရင်းမြစ်များ

Nihɛmaya 9:15

“Kɔnkɛ ya anu bira wati min, i ya biredi layigi anu ma ka bɔ san-kole rɔ. Anu kan lagbalata wati min, i ya yi labɔ anu ye farɛ rɔ. I ya anu yili-madiya nyamanɛ minna ko la, i ya a fɔ anu ye ko anu ni nyɔ bi.

Nihɛmaya 9:20

I ya i nyɛrɛta ni-bɛrɛ di anu ma alako wo ni anu karan. I ya anu de-nyini ita biredi la ka yi fanan di anu ma.

Yaburi 105:40

Anu ya mataralɛ kɛ tumɛ min, Alla ya wonderenu di anu ma. A ya dɔn-fan layigi ka bɔ san-kole rɔ min si anu tabɔ.

Bɔ-Koe-Iyipiti 16:35

Isirɛla mɔgɛnu tora Allata biredi wo dɔnna ha san bi-nanɛ da fara ha anu tara Kenan nyamanɛ-dan ma, anu bi nala sigila nyamanɛ min tɔ, kɔni.

Yɔni 6:32

Yisa ko, “N bi tonyɛ fɔla wo ye, Nɛbi Musa ma biredi di wo ma ka bɔ Arinyɛni tɔ kɔnɔ n Fa le ara biredi di wo ma ka bɔ Arinyɛni tɔ,

Yɔni 6:49

Wo benbanu ya biredi dɔn min bɔra Arinyɛni tɔ kɔnɔ hali wo, anu bɛɛ fagara.

Yɔni 6:58

Nde le wo biredi la min yigira ka bɔ Arinyɛni tɔ. Wo benbanu ya biredi min dɔn, anuta sa wo nya bawo anu ban wo dɔnna, anu fagara. Kɔnɔ min ba biredi kɛ dɔn, wo si to habadan!”

1 Kɔrɛnti 10:3

Anu dama ya dɔn-fen kelan wo dɔn min bɔra Alla bolo.

Tɔn-Fɔɛ-Fila-Nyɔgɛ 8:3

A ya a yira wo la ko wo makoe ye ale la woletɔ a ya wo lakɔnkɔ. Wo kɔma, a ya biredi-su do di wo ma hali wo benbanu ma min dɔn nun. A ya wo ma alako wo kana wo to dɔntɛ dɔrɔn ma, fɔ ale Allata kumɛ, wo ni ma wola dɔn-fan la.

Yasowa 5:12

Wo kɔma, Allata biredi wo ma yigi anu ma tun bawo wo san la anu ya Kenan dɔn-fen-dɔn dabira.

Lankɛnimayɛ 2:17

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si Allata biredi dogonnɛ do di wonu ma. N si kuru-gbɛ fanan di anu kelen-kelennamɛ-bɛɛ ma, tɔgɔ-kurɛ sɛbɛnɛ minnu ma, kɔni, ado mɔgɔ-wo-mɔgɔ ma tɔgɛ wo lɔn fɔ min bi a sɔrɔnna.’