Yɔni 6:29 - ALLALA KUMƐ

²⁹ Yisa ya anu yabi ko, “Alla ye a fɛ, wo ni wɔlɛ min kɛ, wo le ko wo ni la nde la, a ara min sɔ.”

Yɔni 6:29 ပူးပေါင်းရင်းမြစ်များ

Yaburi 2:12

Wo yɛrɛyɛrɛnmatoe ni wo madu a kɔrɔ. Ni wo ma, a fonde si bɔ. Wo si firan dugu-kole kɛ kuma feu! Mɔgɔ-sewanɛ le wo tigi la min bi tala Mari wara kanan-koe rɔ.

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Maraka 16:16

Min ba dɛnkɛninya ka batasi, wo si kisi. Kɔnɔ min ti dɛnkɛninya, wo si halaki.

Yɔni 3:36

Ni min dɛnkɛninyara nde, Allala dan ma, habadan-nimayɛ ye wo bolo. Ni min ti to ala danta kumɛ birala, wo tigi ti niyi sɔrɔn fɔ Allala diminyɛ min si to a kuma tɛban!”

Yɔni 5:39

Wo ye Allata kitabu karanna bawo wo miri ko wo si habadan-nimayɛ sɔrɔn wo rɔ. Kitabu wo ye sereyɛ bɔla n ye fanan!

Yɔni 6:28

Anu ya a manyinika worɔ ko, “Male si nfen ma ko ma ni Allala wɔlɛ kɛ iko a ye nyinina a ma nya min?”

Yɔni 6:38

N ti a gben bawo n ma yigi ka bɔ Arinyɛni tɔ n nyɛrɛ sako-kɛ-tinɛ. Min ya n sɔ, n bi wo le sako-kɛ-tinɛ.

Yɔni 6:57

N Fa min ya n sɔ duninya rɔ, wo ye a niyi la, ado ale le ya niyi di nde fanan ma. Mɔgɛ min ba n bagbuyi dɔn, ale fanan si niyi sɔrɔn nde baraka rɔ.

Kɛwɔlɛnu 16:31

Anu ko, “Ni i dɛnkɛninyara Mari Yisa ma, i si kisi. A ye wo nya fanan le ila bonna-mɔgɛnu ye.”

1 Tɛsalonaika 1:3

Ma wa madiyali kɛ ma Fa Alla ye tuma-wo-tuma, ma si to wola kɛwɔlɛnu takaranna a ye, wo ara minnu kɛ ka a tɛgɛ wola dɛnkɛninyɛ ma. Wo ya wɔli-gbɛlɛmɛ min kɛ ka a tɛgɛ wola keninteyɛ ma Yisa wara la, ma yili tonɛ wo ko. Wo yigi tonɛ Mari Yisa, Allata-Mɔgɔ-Yabɔnɛ rɔ nya min, ma yili tonɛ wo bɛɛ ko wo nya na le!

Hiburunu 5:9

ado kuma-birɛ wo kanbalinɛ min kɛ, minnu bi ale fananta kumɛ birala, a si ke wonu kisila habadan!

Yemesi 2:22

Wo ma a yen, ba? Ala dɛnkɛninyɛ anubɛ ala kɛwɔlɛnu wɔlita anu nyɔgɔn fɛ. Ala dɛnkɛninyɛ bɔra gbɛ rɔ ala kɛwɔlɛnu fɛ.

1 Yɔni 3:23

Alla ya tɔn minnu di ma ma, wo le kɛnu na—ma ni dɛnkɛninya ala den Yisa Kirasiti tɔgɛ ma ka ma nyɔgɔn keni iko Kirasiti ya a fɔ ma ye nya min.

1 Yɔni 5:1

Min lanɛ a la ko Allata-Mɔgɔ-Yabɔnɛ le Yisa la, Allala dan le wo tigi la. Ma Fa Alla di min ye, ma Fa Allala dan di wo fanan ye.

Lankɛnimayɛ 2:26

Minnu ba nɔlɛ kɛ ka n sako kɛ ha a laban, n ya sarati min sɔrɔn n Fa bolo, n si wo di anu ma. N si nɛgɛ gbelekɛ don anu bolo ka mansayɛ kɛ sibolenu kuma. Anu si anu takerikeri iko bɔnku-dagɛ.