Yɔni 6:26 - ALLALA KUMƐ

²⁶ Yisa ya anu yabi ko, “N bi tonyɛ fɔla wo ye, wo sa n nyinina nna kabana-ko-tamaserenu nya-yen-koe ma. Wo ye n nyini tinɛ bawo wo ya biredi dɔn ka wo buyi lafa.

Yɔni 6:26 ပူးပေါင်းရင်းမြစ်များ

Yaburi 78:37

Anu natelenni ma a ye. Sarama-kan min bi anubɛ Alla tɛma, anu ma anutɛ latɔnbagaya.

Isikiyɛli 33:31

Woletɔ nta mɔgɛnu bi nala a kinkila nta kumɛ lamɔɛn-koe la i bolo. Kɔnɔ n bi min fɔla anu ye, anu ti wo ma. Keninteyɛ ye anu da-yanbɛ le la kɔnɔ fɔ anu bi kensunyɛ min kɛla darɔ-diyɛ la.

Yɔni 3:3

Yisa ya a yabi ko, “N bi tonyɛ fɔla i ye, ni mɔgɔ ma sɔrɔn a kurɛ la, a ti ke Allala mansayɛ yenna.”

Yɔni 3:5

Yisa ya a yabi ko, “N bi tonyɛ fɔla i ye, mɔgɔ-wo-mɔgɔ ti ke donna Allala mansayɛ rɔ, fɔ ni a sɔrɔnta yi anubɛ Allala Ni-Sɛnimɛ la.

Yɔni 6:14

Nyɔ-dugurannu ya Yisala kabana-ko-tamasere yen min kɛ, anu wulita a fɔla ko, “Anu ya nɛbi min bara-koe fɔ nun, wo le kɛ la serr!”

Yɔni 6:15

Yisa ya a yen ko anu bi nyinina a sigila mansayɛ la fɔrɔsɛ la, woletɔ a tara kɔnkɛ kuma a dan na tun.

Yɔni 6:2

Nyama-wɛ bilara a fɛ bawo anu bara ala kabana-ko-tamaserenu yen kirayatoenu-nakɛndɛya-koe rɔ.

Yɔni 6:24

Nyama ya a yen tumɛ min ko Yisa sa nyɔ, ado ala karan-dannu sa nyɔ fanan, anu sigira kulɔn wonu tɔ ka ta a lanyini Kapereniyam soe burɔ.

Yɔni 6:30

Anu ya a manyinika tun ko, “I si nfen kabana-ko-tamasere yira ma la min si a ma, ma ni la i la? I si nfen ma?

Yɔni 6:36

Nba, n bara a fɔ wo ye ko wo ara n yen kɔnɔ wo ma la n na.

Yɔni 6:47

N bi tonyɛ fɔla wo ye, min ba dɛnkɛninya nde ma, habadan-nimayɛ ye wo bolo.

Yɔni 6:53

Yisa ya a fɔ anu ye ko, “N bi tonyɛ fɔla wo ye, ni wo ma nde, Hadama-dan bagbuyi dɔn ka n yele min, wo ti niyi sɔrɔn.

Yɔni 6:64

Hali wo, donu bi wo tɛma minnu ma dɛnkɛninya nde ma.” (Kebi ala karan dabira fɔlɔtɛ, Yisa ya wonu denu lɔn minnu ti dɛnkɛninya a ma anubɛ min si a don a yogenu bolo tɔ.)

Romu 16:18

ado minnu bi ko-sufa wonu mala, wonu sa wɔlila ma Mari Yisa, Allata-Mɔgɔ-Yabɔnɛ ye fɔ anu nyɛrɛ buyi. Anu bi mɔgɔ-magbalanɛnu yanfala anuna kuma teleka-telekɛnu anubɛ matɔgɔlɛ fɛ.

Filipai 2:21

Mɔgɔ-toe bɛɛ ye hɔnna a nyɛrɛta koenu denu dɔrɔn na, Yisa Kirasitila koenu ma de!

Filipai 3:19

Wonuna ban le nyahanama la bawo anuta Alla le anu bagbuyi-natanu na. A bɛnnɛ, anu ni miliya koe minnu na, anu wasinɛ wonu tɔ. Anu bi anu mirila duninyata-fannu denu dɔrɔn ma.

1 Timoti 6:5

ado tuma-wo-tuma anu bi sɔsɔli sala. Mɔgɛ wonu hɛnkili tinyanɛ, tonya sa anu bolo muk! Anu bi anu mirila ko dina-koe, nɔnfulu-sɔrɔn-kilɛ le.