Yɔni 5:39 - ALLALA KUMƐ

³⁹ Wo ye Allata kitabu karanna bawo wo miri ko wo si habadan-nimayɛ sɔrɔn wo rɔ. Kitabu wo ye sereyɛ bɔla n ye fanan!

Yɔni 5:39 ပူးပေါင်းရင်းမြစ်များ

Yaburi 1:2

Ale le si sewa Marita tɔnnu birɛ la. A ye ala kumɛ karanna su-ni-tele ka to a mirila a ma.

Yaburi 119:11

N ya ita kumɛ lamara n yisi rɔ alako n kana hakɛ kɛ i la.

Yaburi 133:3

Kan kelan wo mani de iko duri tenbi yigila Hɛrɔman kɔnkɛ ma, ni wo ma, duri min bi yigila Yerusalɛm kɔnkɛ ma. Mari ara ma yili-madiya habadan-nimayɛ la nyɔ le.

Yaburi 16:11

I ye nimaya-kilɛ yirala n na. N niyi lafulennɛ n ma bawo i gbɛrɛnnɛ n ma. N bi habadan-sewɛ rɔ bawo n biranɛ i kɔɛn-nyimɛ la.

Yaburi 21:4

A ya i manyinika simayɛ wara-koe la, ado i wara a ma, a mɛra mansayɛ la.

Yaburi 36:9

Niyi-bɛɛ-kunyɛ bɔra ile le bolo. Ka a tɛgɛ ita waan wo ma, wo le ye a mala fanan, ma ye ko ragbɛla.

Hɛnkilimaya-Kumɛnu 6:23

Anuna kumɛ si waan raka i ma waran! Anuna karan si ma i ye iko kuru-lɛnpu. Anuna makumɛ wo si i kɛ-nya latelen.

Aiseya 34:16

Wo ni Marita dali-fannuta buku bi ka a karan. Nima-fan kɛ su bɛɛ si taran nyɔ. Nima-fan bɛɛnubɛ ala musi si taran nyɔ. Mari nyɛrɛ ara ban a latɛgɛla wo nya na le. Ale nyɛrɛ-nyɛrɛ le si anu kele nyɔ.

Aiseya 8:20

Wole ni mɔgɛ wonu yabi ko, “Mari ye min fɔla ma ye, ma tole masɔnɛ wo le la.” Wo kana wo tole masɔ yi-kɔrɔ-fɛlɛnnɛ wonu kan la bawo wonu bi min fɔla wo ye, wo ti ko-wo-ko nyinya wo ma.

Yɛrɛmaya 8:9

Wola hɛnkilimɛnu na si yarabi. Anu kunyɛ ni don gbaran rɔ bawo anu bara anu ban anu tole-masɔ-koe ma Marita kumɛ la. Woletɔ Mari ko kun-takolɔn le anu na filili!

Daniyɛli 12:2

Minnu bara faga nun kɔrɔma la, wo siyaman niyi si bila anu tɔ tun. Donu si taran anu diya habadan-nimayɛ rɔ, donu si taran anu gboya habadan-yarabiyi kɔrɔ.

Matiyu 22:29

Yisa ya anu yabi ko, “Wo ara sama feu! Wo ma Allata kitabu lɔn anubɛ Allata sɛnbɛ.

Maraka 10:3

Yisa ya anu manyinika ko, “Nɛbi Musa ya tɔn nyamintan di wo ma?”

Maraka 12:10

Wo ma Allata kitabu kan tinɛ wo karan bɛ, wa? A ko, ‘Bon-sɔlɛnu ya anu ban kuri min na, wo le ara ma sɛbɛna-kuru-tɔnɔnamɛ la.

Luka 16:29

“Iburayima ko, ‘Nɛbi Musa anubɛ nɛbi doinu bi i na-kelen-nyɔgɛnu bolo nyɔ ka anu makawandi. I na-kelen-nyɔgɛnu ni anu tole masɔ wonu na.’

Luka 16:31

Kɔnɔ Iburayima ko, ‘Ni anu ti anu tole masɔ Nɛbi Musa anubɛ nɛbi doinu na, hali ni mɔgɛ do wulita ka bɔ furinu tɛma ka ta anu makawandi, anu ti la a la.’ ”

Luka 24:25

Yisa ya a fɔ kei filɛ wonu ye ko, “Wole ko-nya-yenbɛlɛnu? Nɛbinu ya min bɛɛ fɔ, wo ti la wonu na yona!

Luka 24:27

Wo kɔma, min sɛbɛnɛ alela ko la Allata kitabu rɔ ka a dabira Nɛbi Musala kitabunu ma ka a sigi nɛbinuna kɛdi-sɛbɛnɛ bɛɛ ma, Yisa ya wo bɛɛ fɛsɛfɛsɛ anu ye.

Luka 24:44

Wo kɔma, a ya a fɔ anu ye ko, “N bi wo fɛ tumɛ min nun, n ya koe kɛnu fɔ wo ye nun. Koe min bɛɛ sɛbɛnɛ ndela ko la Nɛbi Musala tɔn rɔ anubɛ nɛbinuna kitabunu tɔ anubɛ Yaburi kitabu rɔ, fɔ wonu ni bɔ-a-la.”

Yɔni 1:45

Filipi ya Nataniyɛli yen. A ya a fɔ a ye ko, “Musa ya mɔgɛ minna koe sɛbɛ tɔn-kitabu rɔ, ma ara wo yen, ado nɛbinu fanan ya wola koe sɛbɛ. A tɔgɛ le Yisa, Yusufula dan ka bɔ Nasarɛti soe burɔ.”

Yɔni 5:32

Kɔnɔ mɔgɔ-gbɛrɛ ye nyɔ min bi sereyɛ bɔla n ye. N ya a lɔn ko wo ye min fɔla nna ko la, tonyɛ le.

Yɔni 5:36

Kɔnɔ sereyɛ ye n bolo n nyɛrɛla ko la min kolo Yɔnitɛ ko. N Fa ya kɛwɔlɛ minnu di n ma, wonu bi sereyɛ bɔla n ye ka a yira ko n Fa le ya n sɔ.

Yɔni 5:40

Hali wo, wo sa sɔnna nala n bara alako wo si habadan-nimayɛ sɔrɔn nya min.

Yɔni 5:46

Ni wo ara la Nɛbi Musa la nun bɛrɛkɛ, wo si la nde fanan na nun bawo ale le ya n wara-koe sɛbɛ.

Yɔni 7:52

Anu ya a yabi ko, “Kalili kɛ le ile fanan na, wa? I ni ta Allata kitabu karan, i si a lɔn ko nɛbi ti bɔ Kalili sigisɔn rɔ mumɛ!” [

Kɛwɔlɛnu 13:27

Yerusalɛm kɛnu anubɛ nyɔ-kun-tiginu, anu ma Yisa lɔn anu kisilɛ la. Hali nɛbinuna kumɛnu, anu bi minnu karanna Sulen-Tele bɛɛ ma, anu ma wonu nya-yen. Woletɔ anu ya Yisa yiliki min kɛ, wo ya a ma, nɛbinuna kumɛnu bɔra-a-la.

Kɛwɔlɛnu 17:11

Nyɔ-mɔgɛnu yisi lakanɛ ka tenbi Tɛsalonaika kɛnu na. Anu ya anu tole masɔ Allala kumɛ la a kin na! Tele-wo-tele, anu bi Allata kitabu fɛsɛfɛsɛla ka a lɔn ni Pɔlita karan le tonyɛ la serr!

Kɛwɔlɛnu 26:27

Pɔli ya a fɔ Mansa Agaripa ye ko, “Mansɛ, i lanɛ nɛbinuna kumɛnu na, nyɛ? N ya a lɔn ko i lanɛ wonu na!”

Romu 1:2

Alla ya kibara-nyimɛ min lanyiri kiri, wo sɛbɛnɛ ata kitabu rɔ ala nɛbinu bolo.

Romu 3:2

A tɔnɛ kolo a nya ma! A fɔlɔtɛ, Alla ya ala sarakanɛ don Yahudiyanu denu bolo.

Tɔn-Fɔɛ-Fila-Nyɔgɛ 18:15

Yanni wo ni kɛ ma, wota Mari Alla si to ata nɛbinu nanala ka bɔ wo tɛma minnu si ma iko nde, Musa. Wo ni wonu kuman-kan bira.

Tɔn-Fɔɛ-Fila-Nyɔgɛ 18:18

A ya a fɔ ko a si nɛbinu nabɔ wole Isirɛla mɔgɛnu tɛma ka anu nana wo ma minnu manɛ iko nde, Musa. Mari ko nɛbi wonu bi kumɛ minnu fɔla wo ye, ale le ye wonu fɔla wonu ye.

Tɔn-Fɔɛ-Fila-Nyɔgɛ 29:29

“Ko-dogonnɛ donu bi nyɔ mata Mari Alla ya min bira a nyɛrɛ ye gben! Kɔnɔ a ya ata tɔnnu denu yira mabɛ ma kegeyɛnu na ma si to minnu birala habadan!”

Tɔn-Fɔɛ-Fila-Nyɔgɛ 32:47

Fufafu ma karan kɛ la de! Wo niyi-kole le kɛ la. Ni wo ya a bira, wo si simayɛ sɔrɔn lanyiri-nyamanɛ rɔ Yorodan bɛ kɔgɔma wo ye nala tala kan min.”

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

Hiburunu 11:16

Nyamani-nyima-nyimɛ-sɔgɛ ye anu na nun, Arinyɛnɛ, kɔni. Anu bi Alla kelela ko, “Mata Alla.” Alla miliyani ma kumɛ wola ko la, ado a ara soe rabɛn anu ye.

Hiburunu 11:35

Anuna dɛnkɛninyɛ fɛ, musinu ya anuna mɔgɛnu kunyɛ bɔ lakira bonda-dɛ kɔrɔ. Yanni donu ni anu ban Alla la, anu sɔnta ka tɔrɔya ha ka faga bawo yigi ye anu bolo ko anu si wuli ka nimaya-bɛrɛ sɔrɔn.

Yasowa 1:8

I ni i miri nta tɔnnu ma ka i hɛnkili to wonu ko su-ni-tele. Minnu sɛbɛnɛ tɔn kɛ rɔ, i ni a ma i fɛrɛma wo bɛɛla ko la. Ni i ya wo ma, i wara-koe si sabati.

Lankɛnimayɛ 19:10

N ya n sa melika kɔrɔ a bato-koe la kɔnɔ a ya a fɔ n ye ko, “I kana wo ma! Wobɛ i na-kelen-nyɔgɛnu wɔli-kɛ-nyɔgɛ le nde la. Yisa ya tonyɛ min nabɔ gbɛ rɔ, anu bi wo birala. I si Alla le dɔrɔn bato!” A ya wo fɔ bawo Yisa ye tonyɛ min nabɔla gbɛ rɔ, wo le ye nɛbinu sɔla wɔlɔyiyɛ la.