Yɔni 5:37 - ALLALA KUMƐ

³⁷ N Fa Alla min ya n sɔ, wo fanan ye sereyɛ bɔla n ye. Wo ma a kan lamɔɛn, ado wo ma a yakɔrɛ yen mumɛ!

Yɔni 5:37 ပူးပေါင်းရင်းမြစ်များ

Bɔ-Koe-Iyipiti 20:19

Mɔgɛ wonu ya a fɔ Musa ye ko, “I yandi, Alla kana kuma ma ye kamasɔrɔn ma kilannɛ a la. Ni a kumara ma ye, ma si faga. Ni ile nyɛrɛ kumara ma ye, ma si a lamɔɛn de!”

Aiseya 26:10

Hali i ye ko-nyimɛ kɛla karagbɛlɛnu ye, anu ti anu degen ko-telenni-kɛ ma. Hali mɔgɔ-telennɛnu taranta nyamanɛ kɛ rɔ, anu bi karagbɛlɛyɛ kɛla. Anu ma ila kabana-koe lɔn fenfen na.

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Matiyu 3:17

Wo kɔma, kuman-kan bɔra Arinyɛni tɔ, a ko, “N nyɛrɛ diyana-dan le kɛ la min wara-koe ara n hɛnɛ feu!”

Maraka 1:11

Kuman-kan bɔra Arinyɛni tɔ ko, “N diyana-dan le ile la. I wara n hɛnɛ feu!”

Luka 24:27

Wo kɔma, min sɛbɛnɛ alela ko la Allata kitabu rɔ ka a dabira Nɛbi Musala kitabunu ma ka a sigi nɛbinuna kɛdi-sɛbɛnɛ bɛɛ ma, Yisa ya wo bɛɛ fɛsɛfɛsɛ anu ye.

Luka 3:22

Allata Ni-Sɛnimɛ yigira Yisa kuma kangbɔɛla muninyɛ rɔ. Kuman-kan bɔra Arinyɛni tɔ ko, “N diyana-dan le ile la. I wara n hɛnɛ feu!”

Yɔni 1:18

Mɔgɔ ma Alla yen bɛ. Allatalata Den kelen pe, Alla nyɛrɛ, kɔni, wo ara a Fa yira ma la, ado a gbɛrɛnnɛ a Fa ma.

Yɔni 14:9

Yisa ya a yabi ko, “Filipi, ma ara mɛ ma nyɔgɔn fɛ wona kati! I ko ha bi, i ma n lɔn, ba? Min bara nde yen, wo ara n Fa Alla yen. Ile ye a fɔla kama worɔ ko n ni n Fa Alla yira wo la?

Yɔni 15:24

Ni n ma kabana-ko-tamaserenu kɛ anu tɛma nun, mɔgɔ-gbɛrɛ ma min nyɔgɔn kɛ wɛ, anu ti yiliki hakɛla ko la nun. Kɔnɔ kaka, n bara minnu kɛ, anu bara wonu yen woletɔ mabɛ n Fa Alla gboyara anu ye,

Yɔni 5:32

Kɔnɔ mɔgɔ-gbɛrɛ ye nyɔ min bi sereyɛ bɔla n ye. N ya a lɔn ko wo ye min fɔla nna ko la, tonyɛ le.

Yɔni 6:27

Wo kana wɔli dɔn-fanla ko la min si tinya. Wo ni wɔli dɔn-fanla ko la min si habadan-nimayɛ di wo ma. Nde, Hadama-dan si dɔn-fan min di wo ma, wo ni wo raya ka wo sɔrɔn bawo n Fa Alla ara sɔn nta wɔli ma.”

Yɔni 8:18

N bi n nyɛrɛta sereyɛ bɔla. Min tugunnɛ wo la, n Fa min ya n sɔ, wo fanan ye sereyɛ bɔla nna ko la.”

Tɔn-Fɔɛ-Fila-Nyɔgɛ 4:12

Wo ni a fɔ anu ye fanan ko wo ya Mari kuman-kan lamɔɛn ka bɔ ta-mɛlan wo rɔ kɔnɔ wo ma ke ale yenna wo yɛ la.

1 Timoti 1:17

Alla min ti faga, a ti yen, ado a ye nyɔ tolon, alamɛ bonya anubɛ gbiliyɛ dira ale kelen pe ma! Amina!

1 Timoti 6:16

Ale kelen pe ti faga. A ye waan min tɔ, mɔgɔ-wo-mɔgɔ ti a madon wo la. Mɔgɔ-wo-mɔgɔ ma ale yen bɛ, ado mɔgɔ-wo-mɔgɔ ti ke a yenna lefan. Alamɛ gbiliyɛ anubɛ habadan-sɛnbɛ dira ale ma! Amina.

1 Yɔni 4:12

Mɔgɔ ma Alla yen fɔlɔn. Kɔnɔ ni ma ya ma nyɔgɔn keni, Alla ara sigi ma yisi rɔ. Ala keninteyɛ ara kanbali male wara la.

1 Yɔni 4:20

Ni mɔgɛ ko a ara Alla keni, hali wo, a na-kelen-nyɔgɛla ko lamaranɛ a yisi rɔ, foninya-fɔlɛ le wo tigi la. Ma ara ma na-kelen-nyɔgɛ min yen, ni ma ma wo keni, Alla don, ma ma min yen bɛ? Ma si a fɔ kama ko ma ye wo kenina?

1 Yɔni 5:9

Ni ma lanɛ mɔgɔna-sereyɛ la, nfenna ma ti la Allala sereyɛ la? Wo kolo mɔgɛnutɛ ko, ado Alla ara ban sereyɛ bɔla ala danla ko la.