Yɔni 21:14 - ALLALA KUMƐ

¹⁴ Yisa lawuli kɔmɛ ka bɔ furinu tɛma, a sawa nyɔgɔn le kɛ la, a ya a nyɛrɛ yira ala karan-dannu na.

Yɔni 21:14 ပူးပေါင်းရင်းမြစ်များ

Maraka 16:12

Wo kɔma, Yisa bɔra gbɛ rɔ nya-gbɛrɛ ma mɔgɔ fila ye, wo tumɛ anu bi kilɛ la.

Maraka 16:14

A laban, Yisa bɔra gbɛ rɔ ala karan-den tan-ni-kelan ye, anu bi anu de-nyinina tumɛ min. A ya anu makuma anuna dɛnkɛninyabɛlitayɛ anubɛ anuna tolo-gbɛlɛyɛla ko la bawo minnu ya a nimɛ yen, anu ma la wonuna sereyɛ la.

Yɔni 20:19

Nba, Lɛhɛrɛ wurɛ la, Yisala karan-dannu nadɛnnɛ anu nyɔgɔn fɛ bɔn la. Bon-rasɔgɔnɛ anu bolo bawo anu kilannɛ Yahudiyanuna kun-tiginu na. Yisa ya anu natɛrɛna ka sɔ anu tɛma. A ya anu kɔndɔn ka a fɔ ko, “Alamɛ wo ya yisi-kimɛ sɔrɔn.”

Yɔni 20:26

Lɔgɔkun kelen wo kɔma, Yisala karan-dannu ya anu nadɛn bɔn la tun, Tamasi ye anu fɛ. Bon-rasɔgɔnɛ anu bolo. Yisa nara sɔ anu tɛma tun. A ko, “Alamɛ wo ya yisi-kimɛ sɔrɔn.”

Yɔni 21:1

Wo kɔma, Yisa ya a nyɛrɛ yira ala karan-dannu na tun Taibiriya dalɛ dafɛ. A ya a nyɛrɛ yira anu na nya min, wo le kɛ la.

Kɛwɔlɛnu 1:3

Ata sayɛ kɔma, a ya a nyɛrɛ yira anu na tumɛ siyaman tamasere-gbɛnɛ siyaman fɛ alako anu ni a lɔn yati, ko a la ara wuli. Anu ya a kɛndɛ yen tele bi-nani kɔrɔ. A ya Allala mansayɛ wara-koe fɔ anu ye.