Yɔni 20:28 - ALLALA KUMƐ

²⁸ Tamasi ya a yabi ko, “N Mari anubɛ nta Alla!”

Yɔni 20:28 ပူးပေါင်းရင်းမြစ်များ

Yaburi 45:11

I di mansɛ ye bawo i kin kosɛbɛ! I tigi le ale la, fɔ i ni ata kumɛ bira.

Yaburi 45:6

Alla ara mansayɛ min di i ma, wo si to i bolo burubukai! I si ila mɔgɛnu mara telenbagayɛ rɔ.

Aiseya 25:9

Wo wa ma tumɛ min, bɛɛ si a fɔ ko, “Mata Alla le ale la. Ma ya a ma ma yigi la min kɛ, a ara ma lakanan. Ale le mata Mari la. Ma ara la a la. Ma ara sewa kaka bawo a ara ma lakisi.”

Aiseya 7:14

Woletɔ Mari nyɛrɛ ko a si tamasere yira i la. Sunkurun-nasɔlɔnɛ si buyi bi ka den-kei sɔrɔn. Wo si a tɔgɔ sa Imanuwɛli.

Aiseya 9:6

Dan do si sɔrɔn ma ye! Den-kei dinɛ ma ma! Wo si ma mala kun-tigi la. Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.

Malakayi 3:1

Mari Sɛnbɛ-Bɛɛ-Tigi ko a ye ala kilayɛ lanala min si kilɛ rabɛn a ye. Wo kɔma, wo ye wo Tigi min nyinina, wo si na a Bato-Bɔn la tiriya! Kilayɛ min yen-sɔgɔ-bɛrɛbɛrɛ ye wo la, wo si na ka a nyɛrɛta sarama-kan wara-koe fɔ.

Matiyu 14:33

Karan-dan minnu bi kulɔn rɔ, wonu ya Yisa bato. Anu ko, “Tonyɛ le, Allala dan le ile la!”

Luka 24:52

Anu fara sewa-ba la. Anu ya a bato ka anu kɔ-sɛgi Yerusalɛm.

Yɔni 1:1

Yanni Alla ni duninya dan, anu bi ale min kelela Kumɛ, a ye nyɔ nun. Alla ye kan min, ale Kumɛ fanan ye nyɔ, ado anubɛ Alla, kelen de anu na.

Yɔni 20:16

Yisa ya a fɔ a ye ko, “Mariyama.” Mariyama ya a tintan ka a fɔ a ye ko, “Karan-mɔgɔ.” (A ya wo fɔ Hiburu-kan rɔ ko, “Rabonai.” Wo kɔrɛ le, “Karan-mɔgɔ.”)

Yɔni 20:27

Wo kɔma, a ya a fɔ Tamasi ye ko, “I bolo-nɔlɔnɛ sa yan. N bolenu mafɛlɛn. I bole rasagan ka a don n tɔnkɔn rɔ. Sikɛ ni bɔ i rɔ. I ni la n na!”

Yɔni 20:29

Yisa ya a fɔ a ye ko, “I wara n yen min kɛ, wo le ara a ma, i wara la n na. Minnu ma n yen kɔnɔ anu lara n na, mɔgɔ-sewanɛ le wonu na de!”

Yɔni 20:31

Kɔnɔ kɛnu sɛbɛnɛ alako wo ni la a la ko Yisa kɛ, Allala dan le, Alla ya min yabɔ ma kisi-koe la. Wo wa dɛnkɛninya a ma, wo si habadan-nimayɛ sɔrɔn a tɔgɛ rɔ.

Yɔni 5:23

Mɔgɛ bɛɛ si nde, Allala dan gbiliya iko anu bi n Fa Alla gbiliyala nya min. Minnu sa nde, Allala dan gbiliyala, n Fa Alla min ya n sɔ, wonu sa wo gbiliyala.

1 Timoti 3:16

Alla ya ma karan tonyɛ min na, mɔgɔ ti ke wo masɔsɔla mumɛ! Mɔgɛnu ya Kirasiti yen iko mɔgɔni-gbuyi. Allala Ni-Sɛnimɛ ya a lagbɛ ko a ara Alla hɛnɛ. Melikanu ya a yen fanan. Mɔgɛnu ya ala koe lake sibolo-gbɛrɛnu ma, ado mɔgɛnu dɛnkɛninyara a ma duninya kan tinɛ bɛɛ rɔ. A laban, Alla ya a layɛlɛ Arinyɛni tɔ.