Yɔni 20:17 - ALLALA KUMƐ

¹⁷ Yisa ya a fɔ a ye ko, “I kana i bole tugu n na bawo n ma yɛlɛ wɛ n Fa Alla warɛ. Kɔnɔ ta a fɔ n na-kelen-nyɔgɛnu ye ko n bi nala yɛlɛla san-kole rɔ n Fa anubɛ wo Fa warɛ, nta Alla anubɛ wota Alla, kɔni.”

Yɔni 20:17 ပူးပေါင်းရင်းမြစ်များ

2 Mansɛnu 4:29

Nɛbi Ilaisa ya a tintan ala wɔli-kɛla Kɛhasi la ka a fɔ a ye ko, “I buri tala nna sewuri kɛ la. I kana kuma mɔgɔ-wo-mɔgɔ la kilɛ la. Ni mɔgɛ do kumara i la, i kana a yabi. Ta sekeke! I wa ke bɔn la, i ni nna sewuri kɛ sa furi wo yakɔrɛ kuma.”

2 Mansɛnu 7:9

Anu ya a fɔ anu nyɔgɔn ye ko, “Ma ye koe min kun na kɛ la, ko-nyima ma. Ni ma ara ko-nyimɛ su kɛ rayen, ma kana ma da burun kɛ ma. Ni ma ya a to ha sɔgɔma, anu si ma tɔrɔ. Ma ta ma burila ka a fɔ mala Isirɛla mansɛla mɔgɔ-banu ye.”

Yaburi 22:22

Nna mɔgɛnu ba anu nadɛn i bato tinɛ tumɛ min, n si n dantɛgɛ anu ye ka i tanto anu bɛɛ yala.

Yaburi 43:4

Wo kɔma, n si n telen ile Allata saraka-mintan-tinɛ la. Nna sewa-kunyɛ bɛɛ bɔra ile le bolo. N si nna sɔrɔn fɔ ka i matɔgɔ-bɛti bɔ. E, Alla, nta Alla le ile la.

Yaburi 48:14

Wo si a fɔ anu ye ko, “Alla kɛ, mata habadan-Alla le. A si to kilɛ yirala ma la ha duninya si ban.”

Yaburi 68:18

A ara yɛlɛ ala kɔnkɛ kuma mɔgɔ-biranɛnu na a bolo. A ye kɔ-fannu birala hali mɔgɔ-murutiyanɛnu bolo. Mari Alla si a mayigi nyɔ.

Yaburi 89:26

Dawuda si a fɔ ile Alla ye ko, “N fa anubɛ nta Alla le ile la. N natankalɛ anubɛ nna kisilɛ le ile la.”

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Yɛrɛmaya 32:38

Wo wa ma tumɛ min, a ko anu si ma ata mɔgɛnu na, ale si ma anuta Alla la.

Isikiyɛli 36:28

Wo kɔma, n ya nyamanɛ min di anu benbanu ma, anu si sigi nyɔ rɔ. Anu si ma nta mɔgɛnu na. Nde fanan si ma anuta Alla la.

Isikiyɛli 37:27

N si to anu fɛ burubukai! N si ma anuta Alla la. Anu si ma nta mɔgɛnu na.

Matiyu 12:50

N Fa Alla min bi Arinyɛni tɔ, min bi a diyana-koe kɛla, n na-kelen-nyɔgɛ anubɛ n na le wonu na.”

Matiyu 25:40

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ya wo ma wo mɔgɔ kelen na, wo ya a ma nde le la wo la!’

Matiyu 28:7

Nba, wo ta tiriya ka a fɔ ala karan-dannu ye ko, ‘A ara wuli ka bɔ furinu tɛma. A ye tala Kalili wo yarɔ. Wo si a yen nyɔ!’ N bara min fɔ wo ye, wo ni wo hɛnkili to wo ko.”

Maraka 12:26

Nba, ka furi-lawuli-koe fɔ, Alla ya min fɔ wo ye, wo ma wo karan bɛ, wa? Ta-mɛlan ye kɔlɔma-mɛsɛ min tɔ, Musa ya wo sɛbɛ kan min, Alla ya a fɔ Nɛbi Musa ye ko Iburayimata Alla le ale la anubɛ Isiyakata Alla anubɛ Yakobata Alla.

Maraka 16:19

Mari Yisa banta kumala anu ye tumɛ min, a layɛlɛta Arinyɛni tɔ ka a mayigi Alla kɔɛn-nyimɛ rɔ.

Luka 10:4

Wodi-bɔrɔ wo, tagama-bɔrɔ wo, sanbara wo, wo ka ta wo fenfen na wo bolo. Wo kana wo matanbani kilɛ la mɔgɔ-wo-mɔgɔ kɔndɔn tinɛ.

Yɔni 13:1

Nba, a ara to nun tele kelen yanni Kanan-Ko-Ladiyɛ ni ke. Yisa ya a lɔn ko ala wati ara ke ka bɔ duninya rɔ ka sɛgi a Fa Alla warɛ. Atɛ ye minnu na duninya rɔ, wonu di a ye, ado wonu di a ye ka a dan natenbi.

Yɔni 14:2

Kan tina siyaman bi n Fa Alla warɛ. N bi tala ka kan tinɛ wonu tabɛn wo ye nyɔ. Ni a sa wo nya nun, n ti a fɔ wo ye ko n bi tala kan tinɛ wonu tabɛnna wo ye.

Yɔni 14:28

Wo ara a lamɔɛn n bolo ko n bi tala kɔnɔ n bi nala wo wara tun. Ni wo ya n keni, wo si sewa ko n bi tala n Fa Alla wara bawo ale le kolo nde ko.

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Yɔni 16:28

N bɔra n Fa Alla warɛ le serr, ka na duninya kɛ rɔ. Kaka, n bi bɔla duninya kɛ rɔ ka sɛgi n Fa Alla warɛ.”

Yɔni 17:11

Nba kaka, n sa duninya kɛ rɔ tun. N bi nala i wara kɔnɔ anu denu si to n kɔma duninya kɛ rɔ. E, n Fa sɛnimɛ! I ya tɔgɛ min di n ma, i ni anu matanka tɔgɔ-sɛnbɛmɛ wo fɛ alako anu ni ma kelen na iko malebɛ ile manɛ kelen na nya min.

Yɔni 17:25

E, n Fa min telennɛ! Duninya-mɔgɛnu ma i lɔn kɔnɔ nde ya i lɔn. Karan-dan kɛnu bara a lɔn ko ile le ya n sɔ.

Yɔni 17:5

E, n Fa, n bi i fɛ wati min yanni duninya ni dan, gbiliyɛ min bi n bolo wulɔn, i ni wo lasɛgi n ma kaka.

Yɔni 20:27

Wo kɔma, a ya a fɔ Tamasi ye ko, “I bolo-nɔlɔnɛ sa yan. N bolenu mafɛlɛn. I bole rasagan ka a don n tɔnkɔn rɔ. Sikɛ ni bɔ i rɔ. I ni la n na!”

Yɔni 7:33

Yisa ya a fɔ anu ye ko, “N bi wo fɛ yan fɔlɔn doni. Wo kɔma, min ya n sɔ, n si sɛgi wo wara.

Romu 8:29

ado Alla ara male min yabɔ, a ya ma yabɔ le ko ma ni ma iko a nyɛrɛta dan, Yisa. A ya wo ma alako ala dan, Yisa ni ma den-kei-sarɛ la male, a na-kelen-nyɔgɔ dɛnkɛninya-mɔgɛnu tɛma.

2 Kɔrɛnti 6:18

N si ma wo fa la. Wo si ma nna dannu na. Mari-Sɛnbɛ-Bɛɛ-Tigi-kan le kɛ la.”

Kalesiya 3:26

Wo dama ara ma Allala dan la ka a tɛgɛ wola dɛnkɛninyɛ Yisa Kirasiti ma.

Hiburunu 11:16

Nyamani-nyima-nyimɛ-sɔgɛ ye anu na nun, Arinyɛnɛ, kɔni. Anu bi Alla kelela ko, “Mata Alla.” Alla miliyani ma kumɛ wola ko la, ado a ara soe rabɛn anu ye.

Hiburunu 8:10

“Nba, mabɛ Isirɛla mɔgɛnu bi sarama-kan-kurɛ min kirila, wo le kɛ la.” Mari ko, “Wo telenu ba ke tumɛ min n si nna tɔnnu sa anu hɛnkili rɔ. N si anu sɛbɛ anu yisi rɔ. N si ma anuta Alla la. Anu si ma nta mɔgɛnu na.

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!

Lankɛnimayɛ 21:3

N ya kuman-kan-ba lamɔɛn ka bɔ mansaya-sigi-fan rɔ. A ko, “Alla mayiginɛ mɔgɛnu fɛ kaka, ado a si to anu fɛ. Anu si ma ata mɔgɛnu na. Alla nyɛrɛ si taran anu fɛ ka ma anuta Alla la.

Lankɛnimayɛ 21:7

Mɔgɔ-wo-mɔgɔ wa nɔlɛ kɛ, a si fan kɛnu sɔrɔn nde bolo. N si ma ata Alla la. Ale si ma nna dan la.