Yɔni 19:38 - ALLALA KUMƐ

³⁸ Wo kɔma, Yusufu min bɔra Arimatiya soe burɔ, wo ya Pailɛti madiya ko ni a si Yisa furi bi. (Nba, Yusufu wo, Yisala karan-dan do le wo la nun. Kɔnɔ a tora dogɔn rɔ bawo a kilannɛ Yahudiyanu na.) Pailɛti sɔnta ko a ni Yisa furi bi. Yusufu tara a layigi kɔlɔma ma ka ta a la.

Yɔni 19:38 ပူးပေါင်းရင်းမြစ်များ

Hɛnkilimaya-Kumɛnu 29:25

Mɔgɛ min bi kilanna mɔgɛ dɔrɔn na, wo si ma gbɛrɛ la a ye kɔnɔ ni a lara Mari la, wo si a latanka.

Yɔni 12:42

Hali wo, Yahudiyanuna kun-tigi siyaman dɛnkɛninyara Yisa ma. Kɔnɔ anu ma sisi a fɔla gbɛ rɔ Farisinuna ko la alako wonu kana anu gben dina-bɔn la.

Yɔni 7:13

Kɔnɔ mɔgɔ-wo-mɔgɔ ma sisi ka kuma gbɛ rɔ Yahudiyanuna kun-tiginu yala.

Yɔni 9:22

A sɔrɔnnɛnu ya kɛ fɔ bawo anu kilannɛ Yahudiyanu na, ado Yahudiyanu bara ban a rabɛnna nun ko ni mɔgɔ-wo-mɔgɔ ya a sɔn a la nun ko Yisa, Allata-Mɔgɔ-Yabɔnɛ le min nara anu kisi-koe ma, anu si wo gben anuta dina-bɔn la.

Filipai 1:14

N bi yele la min kɛ, wo ara yisi-latɛgɛ di yan-dɛnkɛninya-mɔgɔ-siyaman ma. Woletɔ anu yisi ragbɛlɛyanɛ wati bɛɛ Allala kumɛ kawandili-bɔɛ ma. Anu kilanni ma tun.