Yɔni 19:20 - ALLALA KUMƐ

²⁰ Yahudiya siyaman ya a karan bawo Yisa gbangbanta kɔlɔma ma kan min, wo fɛ ma yan soe la. A sɛbɛnɛ kan sawa le tɔ nun, Hiburu-kan anubɛ Latin-kan anubɛ Kiriki-kan.

Yɔni 19:20 ပူးပေါင်းရင်းမြစ်များ

Luka 23:38

Anu ya kumɛ kɛ sɛbɛ a kuma ko, “Yahudiyanuna Mansɛ le kɛ la.”

Yɔni 19:13

Pailɛti ya kumɛ kɛnu namɔɛn tumɛ min, a ya Yisa labɔ luyi ma. A sigira kiti-tɛgɛ-waganɛ rɔ. Kan tinɛ wo tɔgɛ le ko, “Kilɛ min nadannɛ kurinu na.” (A tɔgɛ Hiburu-kan rɔ ko, “Kabata.”)

Yɔni 19:42

Nba, Sulen-Tele le wo banda kɛ la min kɛ, ado kanbɛ wo fɛ ma yan nyɔ la nun, anu ya Yisa togon nyɔ.

Yɔni 5:2

Yi sigi tinɛ min manɛ iko dalɛ, anu bara wo sin Yerusalɛm soe burɔ. A tɔgɛ Hiburu kan rɔ ko, “Bɛti-Sayida.” Tarɛ-don-dɛ min tɔgɛ “Sagɛnutɛ,” wo ye yi wo dafɛ. Bugi loli sɔnɛ anu bolo nyɔ.

Kɛwɔlɛnu 21:37

Anu bi tala a la bariki burɔ tumɛ min, Pɔli kumara kun-tigi-ba wo ye Kiriki-kan rɔ, a ko, “I si sɔn n ni koe do fɔ i ye?” Kun-tigi-ba wo ya a manyinika ko, “I ya Kiriki-kan lamɔɛn kama?

Kɛwɔlɛnu 21:40

Nba, kun-tigi-ba wo sɔnta. Woletɔ Pɔli sɔra yɛlɛ tinɛ kuma ka mɔgɛnu masabari a bole la. Anu ya anu masabari tumɛ min, Pɔli kumara anu ye anuna Yahudiya-kan rɔ.

Kɛwɔlɛnu 22:2

Anu ya a lamɔɛn a ye kumala anuna kan rɔ tumɛ min, anu ya anu made don! Pɔli ko worɔ,

Kɛwɔlɛnu 26:14

Ma dama buira dugi ma. N ya kuman-kan do lamɔɛn. A ye a fɔla n ye Hiburu-kan rɔ ko, ‘Sɔli, Sɔli, i ye n tɔrɔla nfenna? I ye i nyɛrɛ le madumala dɔrɔn iko turɛ min bi a kiri-kɔlɔma tɛnna.’

Hiburunu 13:12

Wo le ya a to, Yisa fanan fagara soe kɔma alako mɔgɛnu ni sɛninya anu hakɛ ma Yisa nyɛrɛ yele fɛ nya min.

Lankɛnimayɛ 16:16

Nba, nyina-yogomɛ wonu ya mansɛ wonu madɛn kan tinɛ wo rɔ min tɔgɛ Hiburu-kan rɔ, “Aramagɛdon.”

Lankɛnimayɛ 9:11

Mansɛ min bi anu kun na, melika le wo la min bi kun-tigiyɛ kɛla denka-dan-yenbɛlɛ kun na. Ale tɔgɛ Hiburu-kan rɔ ko, “Abadon.” A tɔgɛ le Kiriki-kan rɔ ko, “Apɔliyɔn.” Wonu kɔrɛ le ko, “Halakilɛ.”