Yɔni 19:11 - ALLALA KUMƐ

¹¹ Yisa ya a yabi ko, “Sɛnbɛ ye i bolo n kuma bawo Alla le ya wo di i ma. Woletɔ minnu ya n don i bolo, wonu hakɛ kolo itɛ ko.”

Yɔni 19:11 ပူးပေါင်းရင်းမြစ်များ

1 Ko-Kɔrɔta-Karan 29:11

E, Mari, i makawara. Sɛnbɛ-tigi anubɛ gbiliya-tigi le ile la. Mansɛ-bɛɛta-mansɛ le ile la. Fan min bɛɛsi ye san-kole anubɛ dugu-kole ma, iletɛ le wonu na. Duninya-bɛɛ-mara-mansɛ le ile la.

Yaburi 39:9

N si n tade don. N ti fenfen fɔ bawo ile nyɛrɛ le ya a ma, n ya tɔrɔya-sufa kɛ sɔrɔn.

Yaburi 62:11

Tuma-wo-tuma, n bi a lamɔɛnna Alla bolo ko ale letan ye sɛnbɛ damasi la

Nimisa Koe 3:37

Yon si ke kumɛ fɔla, a ni bɔ-a-la, ni n Tigi Mari ma sɔn wo ma fɔlɔ nun, ba?

Daniyɛli 4:17

Melikanu denu-denu bara ban a latɛgɛla wo nya. Woletɔ duninya-mɔgɛ bɛɛ si a lɔn ko Alla Min Bi Fan Bɛɛ Kun Na, sɛnbɛ ye wo le bolo duninya-mansɛnu kun na. Min ba diya a ye, a si ke le mansayɛ dila wo ma, hali wo tigi ma kolo.’

Daniyɛli 4:25

anu si nde gben mɔgɔni-gbuyinu tɛma alako n ni ta basan sogenu na binyɛ rɔ. A ko san wɔrɔnfila, n bi binyɛ dɔnna iko ninki. A ko n si to kila gbɛkole ma. Duri si to yigila n ma nyɔ. A ko wonu ba ma n na tumɛ min, wo ara a yira n na worɔ ko Alla Min Bi Fan Bɛɛ Kun Na, sɛnbɛ ye wo bolo duninya-mansɛnu kun na. Min ba diya a ye, a si ke le mansayɛ dila wo ma.

Daniyɛli 4:32

I hadama-den-nyɔgɛnu si i gben anu tɛma. I si ta basan sogenu na binyɛ rɔ. San wɔrɔnfila, i ye binyɛ dɔnna wonu fɛ iko ninki. San wɔrɔnfila wo wa ban tumɛ min, i si a lɔn worɔ ko sɛnbɛ ye nde, Alla Min Bi Fan Bɛɛ Kun Na bolo duninya-mansɛnu kun na. Min ba diya n ye, n si ke le mansayɛ dila wo ma.’

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Daniyɛli 5:21

Mɔgɛnu ya a gben anu kurun tɔ. A hɛnkili mara iko sogenutɛ. A tora tagamana sogenu fɛ binyɛ rɔ ka binyɛ dɔn iko ninki. A tora kila gbɛkole ma. Duri tora yigila a ma nyɔ. Kɔnɔ tɔ-a-la, a sɔnta ko Alla Min Bi Fan Bɛɛ Kun Na, wo le ye duninya-mansɛ-bɛɛ kun na. Min ba diya a ye, a si mansayɛ di le wo ma.

Matiyu 26:65

Saraka-masɔla-kun-tigi-wɛ ya wo lamɔɛn tumɛ min, a ya ala duruki rafara diminyɛ bolo. A ko, “Tanama-kumɛ le kɛ la! Ma mako sa sereya-gbɛrɛkɛ la tun mumɛ! Wo ara ala kuma-yogomɛnu namɔɛn yan tɔ! Nba, kumɛ dan le wo la!

Matiyu 27:2

Anu ya a kiri yɔlɔkɛ la ka ta a don Romu kun-tigi Pailɛti bolo.

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Maraka 14:44

Ale min bi nala a donna a yogenu bolo tɔ, wo ara tamasere di nyama ma nun ko, “N ba min sunbu, ale le mɔgɛ wo la wo ye nyinina min ma. Wo ni a bira ka ta a la. Wo ni a makandan!”

Luka 22:53

N taranta wo fɛ wati bɛɛ Alla-Bato-Bɔn la, wo ma wo raya n bira-koe la. Wota wati le kɛ la. Pinpi ara ban sɛnbɛ sɔrɔnna wo kuma.”

Yɔni 18:13

Anu tara a la Kaifasi biran-kei, Anasi wara fɔlɔn. San wo la, Kaifasi le saraka-masɔla-kun-tigi-wɛ la nun.

Yɔni 18:3

Woletɔ Yudasi tara ki-fan wonu kɔrɔ. Saraka-masɔla-wɛnu anubɛ Farisinu ya Alla-Bato-Bɔn kandannɛnu anubɛ kɛlɛ-dan donu nata a fɛ. Anu tara lɛnpunu anubɛ kala-mɛlannu na anu bolo. Anu tara kɛlɛ-kɛ-mirannu na anu bolo fanan.

Yɔni 19:10

Pailɛti ya a fɔ a ye ko, “I sa nyinina kumala n ye, wa? I yili ni to kɛ ko. Sɛnbɛ ye n bolo ka i boloka. Sɛnbɛ ye n bolo fanan ka i gbangban kɔlɔma ma.”

Yɔni 3:27

Yɔni ya anu yabi ko, “Mɔgɔ ti ke fenfen sɔrɔnna anu nyɛrɛ ma, fɔ Alla wa min di a ma.

Yɔni 7:30

A ban wo fɔla, anu ya anu taya a bira-koe ma kɔnɔ mɔgɔ-wo-mɔgɔ ma ke a birala bawo ala wati ma ke wɛ.

Yɔni 9:41

Yisa ya anu yabi ko, “Ni fiyɔn le wole la nun, yiliki sa wo bolo nun. Kɔnɔ bawo wo ko wo ye fen yenna, woletɔ ha kaka, wo yilikinɛ, yɔ!”

Kɛwɔlɛnu 2:23

Alla ya a latɛgɛ a nyɛrɛ sako fɛ ko Yisa ni don wo bolo. Wole ya a faga bawo wo sɔnta ko hakɛ-tiginu ni a gbangban kɔlɔma ma wo yala.

Kɛwɔlɛnu 3:13

Iburayimata Alla anubɛ Isiyakatɛ anubɛ Yakobatɛ, ma benbanuta Alla, kɔni, wole ara ala wɔli-kɛlɛ Yisa gbiliya. Wo le ya ale Yisa wo don sɛnbɛ-tiginu bolo. Wo ya wo ban a la Pailɛti yakɔrɔ, ado Pailɛti ya a latɛgɛ ko a ni a boloka tumɛ min, wo ma sɔn.

Kɛwɔlɛnu 4:28

I wara ban koe min bɛɛ latɛgɛla i sɛnbɛ anubɛ i sako rɔ, anu ya anu nadɛn ko anu ni wo ma.

Romu 11:36

Ado nfan, ale le ya fan bɛɛ dan. Fan bɛɛ ye ale le baraka rɔ, ado atɛ le fan bɛɛsi la. Gbiliyɛ ni di ale Alla ma burubukai! Amina.

Romu 13:1

Mɔgɛ bɛɛ ni nyamanita mɔgɔ-banuna kumɛ bira. Ma ni wo ma bawo kun-tigi wo kun-tigi sa nyɔ Alla ma min sigi. Alla kelen pe le si sɛnbɛ di mɔgɛ ma ka mansayɛ kɛ.

Yemesi 1:17

Kɔ-fen-nyimɛ-bɛɛ anubɛ kɔ-fen-kanbalinɛ-bɛɛ ye bɔla Arinyɛni tɔ. A ye yigila ka bɔ Alla bolo min ya san-koleta wan-takɛ-fannu dan. Ale Alla ti yɛlɛma iko ninɛ yɛlɛmanɛ ye nya min.

Yemesi 4:17

Wo ni wo hɛnkili to kɛ ko. Ni mɔgɛ ya ko-nyimɛ-kɛ nya-lɔn kɔnɔ a ma a kɛ, hakɛ le wo la.