Yɔni 18:32 - ALLALA KUMƐ

³² Kɛ bɛɛ mara alako Yisa ya kumɛ min fɔ ala sayɛla ko la nun, wo ni bɔ-a-la.)

Yɔni 18:32 ပူးပေါင်းရင်းမြစ်များ

Yaburi 22:16

N namininɛ karagbɛlɛnu bolo. Anu bi tola anu gbɛrɛnna n ma iko wulu-kurɔn. Anu bi n bolenubɛ n kian mafarafarala.

Matiyu 20:19

Anu si n don sibolo-gbɛrɛnu bolo. Wonu si n mayɛlɛn ka n gbesi ka n gbangban kɔlɔma ma n si faga kan min. A tele sawa nyɔgɔn, Alla si n nawuli ka bɔ furinu tɛma.”

Matiyu 26:2

“Iko wo ya a lɔn nya min, a ara to tele fila, Kanan-Ko-Ladiyɛ ni ke. Nba, anu si nde, Hadama-dan don n yogenu bolo tɔ. Anu si n gbangban kɔlɔma ma.”

Maraka 10:33

Yisa ya a fɔ anu ye ko, “Wo ni wo tole masɔ. Ma ye tala Yerusalɛm soe burɔ. Anu si nde, Hadama-dan don saraka-masɔla-wɛnu anubɛ tɔn-karan-mɔgɛnu bolo tɔ. Anu si n yiliki sayɛ la ka n don sibolo-gbɛrɛnu bolo tɔ.

Yɔni 10:31

Yahudiyanu ya kurinu bi tun ko ka a mabon.

Yɔni 10:33

Yahudiyanu ya a yabi ko, “Ma sa i mabonna ila kɛwɔli-nyima-fenfenna ko la. Ma ye i mabonna bawo i ye Alla lafɛyala! Mɔgɛ le ile la dɔrɔn kɔnɔ i ye i nyɛrɛ mala Alla la!”

Yɔni 13:18

“N sa kɛ bɛɛ fɔla wo damasi ma. N bara minnu yabɔ, n ya wonu lɔn. Kɔnɔ min sɛbɛnɛ Allata kitabu rɔ, fɔ wo ni bɔ-a-la. A sɛbɛnɛ ko, ‘Mabɛ min bara ma bole layigi miran kelan rɔ, wo ara a kan-kɔ sɔ n na.’

Yɔni 18:31

Pailɛti ya a fɔ anu ye worɔ ko, “Wole nyɛrɛ ni a kiti iko wola tɔn ya a fɔ nya min.” Yahudiyanu ya a yabi ko, “Wo sɛnbɛ sa male bolo ka mɔgɔ faga.” (

Yɔni 21:19

(Yisa ya kɛ fɔ ka a mayira Pita faga-nya si Allala gbiliyɛ mayira nya min.) Wo kɔma, Yisa ya a fɔ Pita ye ko, “Bila n fɛ!”

Yɔni 3:14

“Iko Nɛbi Musa ya duguma-fen-misalɛ layɛlɛ kɔlɔma ma san ma wulɛ rɔ nya min, nde, Hadama-dan fanan na si yɛlɛ wo nya.

Yɔni 8:28

Woletɔ Yisa ya a fɔ anu ye ko, “Wo wa nde, Hadama-dan layɛlɛ san ma kɔlɔma ma tumɛ min, wo si a lɔn wulɔn ko wo le nde la, n ya min fɔ n nyɛrɛla ko la. Wo si a lɔn fanan ko n sa fenfen mala n nyɛrɛta sɛnbɛ la, fɔ n Fa ara n karan min na, n bi wo le fɔla.

Kɛwɔlɛnu 7:59

Anu bi Sitifen mabonna tumɛ min, a ya a kan labɔ Mari ma. A ko, “N Mari Yisa, n niyi bi!”

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Tɔn-Fɔɛ-Fila-Nyɔgɛ 21:23

anu kana a furi-dunnɛ to nyɔ ha subagɛ ma. Fɔ anu ni wo togon wo tele nyɛrɛ rɔ, woletɔ Mari Allata dankɛ ti wola nyamanɛ bira. Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ.”