Yɔni 18:20 - ALLALA KUMƐ

²⁰ Yisa ya a yabi ko, “N bara kuma gbɛ rɔ mɔgɛ bɛɛ ye. N bara mɔgɛnu karan dina-bɔnnu na anubɛ Alla-Bato-Bɔn la, Yahudiya bɛɛ la si dɛn kan min. N ma fenfen fɔ dogɔn rɔ.

Yɔni 18:20 ပူးပေါင်းရင်းမြစ်များ

Yaburi 22:22

Nna mɔgɛnu ba anu nadɛn i bato tinɛ tumɛ min, n si n dantɛgɛ anu ye ka i tanto anu bɛɛ yala.

Yaburi 40:9

E, Mari, ila mɔgɛ bɛɛ ladɛnnɛ wati min, n ya ila kisi-koe wara-koe fɔ anu ye. I nyɛrɛ ya a lɔn ko n ti n tade a fɔɛ ma muk!

Aiseya 45:19

A ko a sa kumala dogɔn rɔ. A ma ala ko-ladan-nya to pinpi rɔ. A ko a ma a fɔ male Isirɛla mɔgɛnu ye ko ma ni a nyini kan-tina-rakolɔn tɔ. A ko Mari le ale la min si tonyɛ fɔ ma ye. A ye ko-telennɛnu sala gbɛ ma ma ye.

Aiseya 48:16

Wo ni wo madon n na. Wo ni wo tole masɔ kumɛ kɛnu na. (Mari Min Bi Fan Bɛɛ Kun Na, wo le ya nde sɔ ata Sɛnbɛ baraka rɔ.) Kebi wɔlɔyiya-kumɛ kɛ fɔɛ dabirɛ, n sa kumala dogɔn rɔ, ado kumɛ kɛnu sa bɔla a la n kɔma.

Matiyu 24:26

“Ni mɔgɛnu ya a fɔ wo ye ko, ‘I yɛ lata wulɛ rɔ!’—wo kana ta nyɔ. Ni anu ko, ‘I yɛ lana, a dogonnɛ yan!’—wo kana la wo la.

Matiyu 26:55

Yisa kumara nyama ye ko, “Fɔ wo ni na faannu anubɛ gbelekɛnu na n bira tinɛ iko tɔn-tinyanɛ le nde la? N ya n sigi Alla-Bato-Bɔn la tele-wo-tele ka mɔgɛnu karan, wo ma n bira wulɔn?

Matiyu 26:65

Saraka-masɔla-kun-tigi-wɛ ya wo lamɔɛn tumɛ min, a ya ala duruki rafara diminyɛ bolo. A ko, “Tanama-kumɛ le kɛ la! Ma mako sa sereya-gbɛrɛkɛ la tun mumɛ! Wo ara ala kuma-yogomɛnu namɔɛn yan tɔ! Nba, kumɛ dan le wo la!

Matiyu 4:23

Yisa tara Kalili sigisɔn bɛɛ rɔ ka mɔgɛnu karan Yahudiya-dina-bɔnnu na. A ye Allala mansayɛ kibara-nyimɛ kawandili bɔla. A ya kirayɛ su bɛɛ dandan mɔgɛnu tɔ.

Matiyu 9:35

Nba, Yisa tara so-wɛnu anubɛ so-mɛsɛnu tɔ. A ya mɔgɛnu kɔndɔn ka anu karan Yahudiya-dina-bɔnnu na. A ya kibara-nyimɛ kawandili bɔ ka kiraya-sufa bɛɛ lakɛndɛya mɔgɛnu na.

Maraka 8:32

A ya kɛ ragbɛ anu ye feu! Wo kɔma, Pita ya Yisa labɔ doinu dafɛ. A ya Yisa makumɛ dabira.

Luka 21:37

Tele-wo-tele, Yisa ye mɔgɛnu karanna Alla-Bato-Bɔn la. Suyi wa ke tumɛ min, a ni ta ki Ɔlifi kɔnkɛ kuma.

Luka 4:15

A ya nyɔ-mɔgɛnu karan Yahudiya-dina-bɔnnu na, ado anu dama ya a wɔlɔbɔ.

Yɔni 18:21

I ye n manyinikala kama worɔ? Minnu ya n kan lamɔɛn, wonu manyinika. N ya min fɔ anu ye, anu ya wo lɔn. Anu denu manyinika tun.”

Yɔni 6:59

Yisa ya wo fɔ wo tumɛ a ye mɔgɛnu karanna Yahudiya-dina-bɔn la Kapereniyam soe burɔ.

Yɔni 7:14

Ladiya-wati wo ara fɔlɔ talala a tɛma tumɛ min, Yisa tara Alla-Bato-Bɔn la ka mɔgɛnu-karan dabira.

Yɔni 7:26

I ma a yen! A ye kumala gbɛ rɔ. Mɔgɔ sa a makumala! Fɔsɔkɔrɛ mɔgɔ-banu bara a lɔn de gbɛ ko Alla ya mɔgɛ min yabɔ ma kisi-koe la, ale nyɛrɛ le kɛ la.

Yɔni 7:28

Yisa ye mɔgɛnu karanna Alla-Bato-Bɔn la tumɛ min, a ya a kuli mayɛlɛ kuma tinɛ, a ko, “Wo yili ye a ma ko wo ya n lɔn, nyɛ? Wo yili ye a ma ko wo ya n bɔ tinɛ lɔn, nyɛ? Nde ma na n nyɛrɛta sɛnbɛ la, ado min ya n sɔ, tonya-tigi le. Wole ma ale lɔn

Yɔni 7:4

Ni min bi a fɛ, mɔgɛnu ni a malɔn, a ti ala wɔlɛ kɛ dogɔn rɔ. Woletɔ i ye koe kɛ min bɛɛ kɛla, i ni a ma, duninya bɛɛ ni i wara-koe lɔn!” (

Yɔni 8:2

Wo banda kɛ, Yisa suruta sɛgila Alla-Bato-Bɔn la. Mɔgɛ bɛɛ ya a lafoo. A sigira ka anu karan dabira.

Yɔni 8:26

Ko siyaman ye nyɔ, n si min fɔ ka a bɛn wole ma, ado ko siyaman ye nyɔ, n si wo yiliki min na. Min ya n sɔ, tonya-tigi le wo la. N bara min namɔɛn ale bolo, n bi wo le fɔla duninya ye.”

Kɛwɔlɛnu 26:26

ado ale Mansa Agaripa ya koe kɛnu lɔn serr! Woletɔ n si ke kumala i ye yisi-latɛgɛ rɔ. N lanɛ a la ko i wara koe kɛnu lɔn bɛrɛkɛ, bawo koe kɛnu ma kɛ dogɔn tɔ.”