Yɔni 17:24 - ALLALA KUMƐ

²⁴ “E, n Fa! I wara anu di n ma. N bi kan min, n bi a fɛ, anu ni to n fɛ nyɔ. I ya gbiliyɛ min di nde ma, n bi a fɛ, anu ni wo yen bawo yanni duninya ni dan, i ya n keni.

Yɔni 17:24 ပူးပေါင်းရင်းမြစ်များ

Ko-Dabirɛnu 45:13

Wo ni ta wo dantɛgɛ ma fa ye n bi fanka min tɔ yan Iyipiti nyamanɛ kɛ rɔ. Wo ara koe min bɛɛsi rayen yan tɔ, wo ni ta wo bɛɛsi rakaran a ye. Wo ni a fɔ a ye ko a ni a lakaliya nala.”

Matiyu 25:21

“A tigi ko, ‘Wɔli-kɛla-nyimɛ, lanaya-mɔgɛ, i wara ko-nyimɛ kɛ! I wara lanayɛ kɛ ko-dɔgɔmanɛ rɔ, woletɔ n si a kinama-wɛ don i bolo. I ni don, ma ni sewa ma nyɔgɔn fɛ!’

Matiyu 25:23

“A tigi ko, ‘Wɔli-kɛla-nyimɛ, lanaya-mɔgɛ, i wara ko-nyimɛ kɛ! I wara lanayɛ kɛ ko-dɔgɔmanɛ rɔ, woletɔ n si a kinama-wɛ don i bolo. I ni don, ma ni sewa ma nyɔgɔn fɛ!’

Matiyu 25:34

Wo kɔma, nde, mansɛ si a fɔ n bolo-nyimarɔ-mɔgɛnu ye ko, ‘N Fa Alla ara ata duwɛ layigi wole min kuma, wo na! Wo na mansayɛ sɔrɔn min tabɛnnɛ wo ye kebi duninya danta.

Matiyu 26:29

N ni a fɔ wo ye, n ti nɔnbɔ-gbɔ-yi kɛ min tun, fɔ n ba a min a kurɛ la wo fɛ n Fa Allala mansayɛ rɔ.”

Luka 12:37

Wɔli-kɛlɛ minnu tigi si anu taran, anu tabɛnnɛ, anu bi anu ya la, a si sewa anu na! Wo ni wo hɛnkili to kɛ ko! A si anu nasigi ka a nyɛrɛ mabɛn wɔli-kɛ-koe la anu ye.

Luka 23:43

Yisa ya a fɔ a ye ko, “Wo ni wo hɛnkili to kɛ ko! Bi, i si ke kan-tina-ladiyanɛ rɔ nde fɛ.”

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 12:26

Ni min bi a fɛ ka wɔli n ye, fɔ wo ni bila n fɛ. Woletɔ n bi kan min, nna wɔli-kɛlɛ si taran n fɛ nyɔ. Min ba wɔli n ye, n Fa Alla si gbiliyɛ di wo tigi ma.”

Yɔni 14:3

N ba ta kan tinɛ wonu tabɛn wo ye, n si na tun ka wo bi ka ta wo la n bolo. Woletɔ n ba ta kan min, wo fanan si to n fɛ nyɔ.

Yɔni 15:9

“N Fa Alla ya n keni nya min, nde fanan ya wo keni wo nya le. Wo ni to nta keninteyɛ tɛma den!

Yɔni 17:2

I wara sɛnbɛ di n ma mɔgɛ bɛɛ kuma alako n si habadan-nimayɛ di wonu ma nya min, i ya minnu don n bolo, kɔni.

Yɔni 17:22

I ya gbiliyɛ min di n ma, n bara wo di anu denu ma. N ya wo ma alako anu ni ma kelen na iko malebɛ ye nya min.

Yɔni 17:5

E, n Fa, n bi i fɛ wati min yanni duninya ni dan, gbiliyɛ min bi n bolo wulɔn, i ni wo lasɛgi n ma kaka.

Yɔni 6:37

N fa ara mɔgɛ min bɛɛ di n ma, wonu si ma n gba-fɛ-bilalɛnu na. Min ba ma n gba-fɛ-bilalɛ la, n ti wo gben mumɛ!

Yɔni 6:39

N Fa Alla min ya n sɔ, a ara mɔgɛ min bɛɛ don n bolo, a sa a fɛ, wo fenfen ni bɔ n bolo. Tele-laban-lun, n si anu bɛɛ lawuli ka niyi di anu ma.

Yɔni 8:58

Yisa ya anu yabi ko, “N bi tonyɛ fɔla wo ye, yanni Iburayima ni sɔrɔn, nde ye nyɔ nun.”

1 Kɔrɛnti 13:12

Ma ye fan min yenna kaka, wo mani de iko fenna muninyɛ min ti yen nyɛrɛ-mafɛlan rɔ a kilɛ fɛ. Kɔnɔ wo wati wa na tumɛ min, ma si fan bɛɛ ragbɛ wass! N ma Alla wara-koe bɛɛ lɔn kaka kɔnɔ n si na Alla lɔn iko Alla ya nde lɔn nya min.

2 Kɔrɛnti 3:18

Ma dama ya-makanɛ ye Marita gbiliyɛ mayirala, ado gbiliya kelan wo ye bɔla Marita Ni-Sɛnimɛ le bolo. Ale le ye ma yɛlɛmana alako ma kɛ-nya ni ma iko ale. Wo si a ma, a ni to ala gbiliya-makawanɛ dila ma ma Marita Ni-Sɛnimɛ baraka rɔ.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

2 Kɔrɛnti 5:8

Ma hɛnkili latɛgɛnɛ. A di ma ye bɛrɛkɛ ka bɔ ma fɛrɛ-bɔnkɛ kɛ rɔ ka ta ma sigi Mari fɛ.

Filipai 1:23

N kɔndɔfilinɛ ko filɛ kɛnu tɔ. N bi a fɛ ka bɔ nimayɛ kɛ rɔ ka ta to Kirasiti fɛ. Wo le fisa bɛrɛkɛ!

1 Tɛsalonaika 4:17

Nba, male min kɛndɛ wo wati, ma dama la si dɛn wonu fɛ san-kole rɔ tiriya ka Mari labɛn fɔnyɔ rɔ. Wo kɔma, ma si to Mari fɛ habadan!

1 Pita 1:21

Wo dɛnkɛninyanɛ Alla ma ale le baraka rɔ. Alla min ya a lawuli ka a bɔ furinu tɛma, wo le ya gbiliyɛ di ale ma. Woletɔ wola dɛnkɛninyɛ anubɛ wo yigi sanɛ ale Alla kuma.

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!

Lankɛnimayɛ 21:22

N ma Alla-Bato-Bɔn yen soe wo burɔ bawo Mari Alla Sɛnbɛ Bɛɛ Tigi anubɛ saga-dan le Alla Bato-Bonyɛ la.

Lankɛnimayɛ 3:21

Min ba nɔlɛ kɛ, n si sarati di wo ma alako a ni sigi n dafɛ nta mansaya-sigi-fan rɔ. Nde fanan ya nɔli kɛ ka sigi n fa Alla fɛ wo nya na le n fa Allata mansaya-sigi-fan rɔ.