Yɔni 16:33 - ALLALA KUMƐ

³³ N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Yɔni 16:33 ပူးပေါင်းရင်းမြစ်များ

Yaburi 68:18

A ara yɛlɛ ala kɔnkɛ kuma mɔgɔ-biranɛnu na a bolo. A ye kɔ-fannu birala hali mɔgɔ-murutiyanɛnu bolo. Mari Alla si a mayigi nyɔ.

Maika 5:5

Ata mansayɛ si yisi-kimɛ lana Isirɛla mɔgɛnu tɛma. Asiriya kɛnu ba na bui mala nyamanɛ kɛ ma tumɛ min ka mala soenu tarɛ-dɛ keri, ma si mala kɛlɛ-kurugbɛnu nata anu kɛlɛ tinɛ.

Matiyu 9:2

Kei min solomonya-faganɛ a la, mɔgɛ donu nara wo la Yisa wara. A sanɛ sanyili rɔ. Yisa ya anuna dɛnkɛninya-wɛ yen tumɛ min, a ya a fɔ kirayatoe wo ye ko, “N bɔ, i yisi sa! I hakɛnu ma ara koto.”

Luka 19:38

Anu ko, “Allala duwɛ ni to mansɛ wo fɛ min bi nala Mari tɔgɛ rɔ! Yisi-kimɛ ni taran Arinyɛni tɔ. Gbiliyɛ ni di Alla ma san-kole bɛɛ kuma pon!”

Luka 2:14

“Gbiliyɛ ni ke Alla ye san-kole rɔ pon! Minnu ya Alla hɛnɛ, yisi-kimɛ ni to wonu fɛ!”

Yɔni 12:31

“Duninya-mɔgɛnu kiti-tɛgɛ-tumɛ ara ke. Dɛnkɛninyabɛlɛnuna kun-tigi gben-tumɛ ara ke.

Yɔni 14:1

Yisa ya a fɔ ala karan-dannu ye ko, “Wo yisi kana tinya. Wo ni dɛnkɛninya Alla ma ka dɛnkɛninya nde fanan ma.

Yɔni 14:27

“N bi yisi-kimɛ tola wo fɛ. N bi nta yisi-kimɛ min dila wo ma, n sa a dila wo ma iko duninya ye a mala nya min. Wo yisi kana tinya. Wo kana kilan.

Yɔni 16:11

Dɛnkɛninyabɛlɛnuna kun-tigi, wola kiti wa ban tɛgɛla, anu si a lɔn Allala kiti ye nya min.

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

Kɛwɔlɛnu 23:11

Suyi wo rɔ, Mari sɔra Pɔli dafɛ, a ko, “I ni i kerinteya! I wara sereyɛ bɔ n ye Yerusalɛm yan nya min, a fɛrɛ sa fɔ i ni wo nyɔgɔn ma n ye Romu fanan.”

Kɛwɔlɛnu 27:22

Kɔnɔ kaka, n bi wo madiyala, wo yandi, wo ni wo wakila. Wo mɔgɔ-kelen-bɛrɛn ti bɔni a niyi la fɔ kulɔn, wo le dɔrɔn si to-a-rɔ.

Kɛwɔlɛnu 27:25

Woletɔ n fanu, wo ni wo wakila! N bara la Alla la ko koe bɛɛ si ma iko a fɔra n ye nya min.

Kɛwɔlɛnu 9:31

Nba, Allata mɔgɛ min bɛɛ ye Yudiya anubɛ Kalili sigisɔnnu tɔ anubɛ Samariya nyamanɛ rɔ, wo bɛɛ ya yisi-kimɛ sɔrɔn wo wati le tɔ. Anu tora Mari batola min kɛ, Allata Ni-Sɛnimɛ ya anu dɛnbɛ alako anu ni siyaya nya min ka sabati.

2 Kɔrɛnti 1:3

Ma si baraka bira ma Mari Yisa Kirasiti Fa Alla ye. Ale le male fanan Fa la min kinikininɛ ma ma, ado ladiyɛ bɛɛ ye bɔla Alla le bolo!

2 Kɔrɛnti 13:11

Nba, n na-kelen-nyɔgɛnu, Alla ni to wo fɛ! Wo ni wo raya alako wo kanbalinɛ ni taran. N bara min fɔ wo ye, wo ni wo bira. Sɔn kelen ni taran wo bolo. Wo ni to yisi-kimɛ rɔ. Nba, Alla min bi keninteyɛ anubɛ yisi-kimɛ dila ma ma, wo ni to wo fɛ.

2 Kɔrɛnti 2:14

Tabarakala Alla ma! Mabɛ Kirasiti ye kan kelen tɔ min kɛ, Alla ya ma ma yelela-mɔgɛnu na ka ma mayira gbɛ rɔ Kirasitita nɔlɛ rɔ. Nba kaka, ma tenbi tala kan-tina wo kan-tina, a si male bi ka Marita kibara-nyimɛ lake doinu ma. Kibarɛ wo si nyɛnsɛn iko sɛnti-suma-diyamɛ.

2 Kɔrɛnti 4:7

Nba, wodi ti ke kibara-nyimɛ min sanna, wo ye male min bolo, ma mani de dɔrɔn iko bɔnku-dagɛnu. Wo si a yira ko Allata sɛnbɛ ye fan bɛɛ marala. Atɛ le, mata ma.

2 Kɔrɛnti 6:4

Kɔnɔ ma ya ma munyu tɔrɔyɛ anubɛ gbɛlɛyɛ anubɛ kɔndɔfili-su-bɛɛ kɔrɔ. Ma ye koe min bɛɛ kɛla, ma ye a yirala wonu tɔ ko Allata wɔli-kɛlɛ le male la.

2 Kɔrɛnti 7:4

N lanɛ wole la kosɛbɛ, ado n wasinɛ wo la kati! Hali ma tɔrɔyanɛ, wo ye a mala, n fanɛ sewɛ la tolon!

Kalesiya 1:4

Kirasiti ya ma Fa Alla sako kɛ ka a nyɛrɛ niyi ni male hakɛ-tiginuna ko la. A ya wo ma alako ma ni hɔrɔya wati-yogomɛ kɛ ma.

Kalesiya 6:14

Kɔnɔ nde si n kɔgɔ raka ma Mari Yisa, Allata-Mɔgɔ-Yabɔnɛ faga-kɔlɔma dɔrɔn dela ko la. Ka a tɛgɛ ata fagɛ kɔlɔma ma, nde faganɛ duninya rɔ, duninya fanan faganɛ nde rɔ.

Filipai 4:7

Nba, Allata yisi-kimɛ min tenbinɛ hadama-den-hɛnkili bɛɛ dan la, wo si wo yisi anubɛ wo hɛnkili kandan Kirasiti Yisa rɔ.

Kɔlɔsi 1:20

Fan minnubɛ Alla faranɛ nun, a ya wo bɛɛsi lasɛgi a nyɛrɛ ma tun Yisa Kirasiti baraka rɔ. Alla ya yisi-kimɛ ladon duninya rɔ Yisata sayɛ fɛ kɔlɔma ma. Fan minnu bi dugu-kole kuma wo, fan minnu bi san-kole rɔ wo, a ya fan wo bɛɛ lasɛgi a nyɛrɛ ma ale Yisata sayɛ fɛ.

1 Tɛsalonaika 3:4

Hali ma taranta wo fɛ tumɛ min, ma ya a fɔ wo ye ko fɔ ma ni tɔrɔyɛ sɔrɔn, ado ma tɔrɔta iko wo ya a lɔn nya min!

1 Tɛsalonaika 3:7

Woletɔ ma na-kelen-nyɔgɛnu, hali mala tɔrɔyɛ anubɛ mala nyagbɛ kolo, wola dɛnkɛninyɛ ya ma sɛnbɛ don.

2 Tɛsalonaika 3:16

Mari nyɛrɛ min bi yisi-kimɛ dila ma ma, alamɛ wo ya yisi-kimɛ di wo ma tumɛ bɛɛ, nya bɛɛ ma. Mari ni to wo dama fɛ.

2 Timoti 3:12

ado ni min bɛɛ ye a fɛ ka ma Allata mɔgɛ la Kirasiti Yisa fɛ, wo tigi si gbɛlɛyɛ sɔrɔn.

Hiburunu 11:25

Yanni hakɛ ni a diya don a rɔ wati-kundu-ni kɔrɔ, a sɔnta tɔrɔ-koe ma Allata mɔgɛnu fɛ.

Hiburunu 7:2

Iburayima ya nɔnfuli min bɛɛ sɔrɔn kɛlɛ rɔ, a ya wo bɛɛ yaka bɔ ka a di ale so-tigi ma. (Mɛlikisidaki tɔgɔ-kɔrɛ le, “Mansa Latelennɛ.” Ado nfan, Selam soe tɔgɔ-kɔrɛ le, “Yisi Kimɛ,” woletɔ ale so-tigi le “Yisi Kima Mansɛ” la.)

1 Pita 5:9

Wo ni wo sɔ dɛnkɛninyɛ rɔ gben! Wo ni wo sɔ Setanɛ kan ma bawo wo ya a lɔn ko wo ta-nyɔgɛ dɛnkɛninya-mɔgɔ min bɛɛ ye duninya rɔ, wonu fanan bi tɔrɛ-su-kɛ sɔrɔnna.

1 Yɔni 2:13

N fanu, n bi do sɛbɛla wo ma bawo wo ya Alla lɔn min bi nyɔ kebi fɔlɔfɔlɔ. Fonikenu, n bi do sɛbɛla wo ma bawo wo ara Setanɛ nɔ.

1 Yɔni 4:4

N diyana-dannu, Allatɛ le wole la. Wo ara foninya-nɛbi wonu nɔ bawo ata Ni-Sɛnimɛ min bi wole rɔ, wo sɛnbɛ kolo doinuta niyi ko, duninyatɛ ye minnu na, kɔni.

1 Yɔni 5:4

bawo Allala dan bɛɛ si ke duninya nɔla. Ma si duninya nɔ mala dɛnkɛninyɛ le fɛ.

Lankɛnimayɛ 12:11

Ma na-kelen-nyɔgɛnu ya Setanɛ nɔ saga-dan-yele anubɛ anuta sereyɛ fɛ. Anu sɔnta ko anu ni anu niyi fili ka faga.

Lankɛnimayɛ 3:21

Min ba nɔlɛ kɛ, n si sarati di wo ma alako a ni sigi n dafɛ nta mansaya-sigi-fan rɔ. Nde fanan ya nɔli kɛ ka sigi n fa Alla fɛ wo nya na le n fa Allata mansaya-sigi-fan rɔ.

Lankɛnimayɛ 7:14

N ya a yabi ko, “N fa, nde ma a lɔn. Ile le ya wo lɔn.” A ya a fɔ n ye ko, “Minnu bara kisi ka bɔ bɛnsɛnkɔninya-wɛ rɔ, wonu denu bi wonu na. Anu ya anuna duruku-yannu ku ka a ma, anu ni gbɛ saga-dan-yele rɔ.