Yɔni 16:27 - ALLALA KUMƐ

²⁷ bawo n Fa Alla nyɛrɛ ara wo keni. A ara wo keni bawo wo ara nde keni, ado wo ara la a la ko n bɔra Alla warɛ le.

Yɔni 16:27 ပူးပေါင်းရင်းမြစ်များ

Sɛfanaya 3:17

Wota Mari Alla ye wo fɛ. Ata sɛnbɛ si nɔlɛ di wo ma. Mari si nyagalen wo la. A si ni-kurɛ di wo ma bawo wo di a ye. A si nyagalen wo la ka sigi sa.

Matiyu 10:37

“Mɔgɔ-wo-mɔgɔ wa a na, ni wo ma, a fa keni ka tenbi nde la, a ma bɛn, wo tigi ni bila n fɛ. Mɔgɔ-wo-mɔgɔ wa ala dan keni ka tenbi nde la, a ma bɛn, wo tigi ni bila n fɛ.

Yɔni 14:21

Minnu ba nna kumɛ bira ka to a kɛla, n di wonu denu ye, ado wonu si diya n Fa Alla ye fanan. Anu si diya nde ye ka n nyɛrɛ yira anu na.”

Yɔni 14:23

Yisa ya a yabi ko, “Min ba n keni, wo tigi si nna kumɛ bira. N Fa Alla si wo tigi keni. Mabɛ n Fa Alla si na a wara ka to siginɛ a fɛ.

Yɔni 16:30

Ma ara a lɔn de gbɛ, ko min bɛɛsi ye mɔgɔ yisi rɔ, i ya wo lɔn, hali i ma a manyinika. Wo le ara a ma, ma ara la a la ko i bɔra Alla warɛ le.”

Yɔni 17:23

Nde ye anu tɔ, ile fanan bi nde rɔ. Alamɛ anu mara kelen na alako duninya-mɔgɛnu ni a lɔn ko ile le ya n sɔ. Anu ni a lɔn fanan ko i wara anu keni iko i wara nde keni nya min.

Yɔni 2:11

Yisa ya ala kabana-ko-tamasere fɔlɔtɛ kɛ yira Kena soe burɔ Kalili sigisɔn rɔ min ya ala gbiliyɛ mayira. Ala karan-dannu nara to lala a la.

Yɔni 3:13

Mɔgɔ-wo-mɔgɔ ma yɛlɛ wɛ Arinyɛni tɔ fɔlɔ, fɔ nde, Hadama-dan min yigira ka bɔ Arinyɛni tɔ.

Yɔni 7:29

kɔnɔ nde ya a lɔn bawo n bɔra a warɛ le. Ale le ya n sɔ.”

Yɔni 8:42

Yisa ya a fɔ anu ye ko, “Ni wo fa le Alla la serr, wo si n keni nun bawo n bɔra Alla warɛ le. N bi yan kaka. N ma na n nyɛrɛta sɛnbɛ la kɔnɔ ale le ya n sɔ.

Romu 8:3

Ka a tɛgɛ hadama-danta sɛnbɛbɔninyɛ ma, Nɛbi Musata tɔn-kitabu ma ke min mala, Alla nyɛrɛ le ya wo ma. A ya a nyɛrɛta dan, Yisa lana ka hakɛ yiliki, ado ala dan wo nara hadama-danla muninyɛ rɔ alako a ni tɔn sigi hakɛ ma.

1 Kɔrɛnti 15:47

Hadama fɔlɔtɛ danta ka bɔ gbangban rɔ. Hadama fila nyɔgɛ bɔra Arinyɛni tɔ.

1 Kɔrɛnti 16:22

Ni min ti Mari keni, dankatoe le wo tigi la. Ma Mari, na!

2 Kɔrɛnti 5:14

Kirasitita keninteyɛ ye ma marala bawo ma ara a lɔn ko mɔgɔ kelen fagara mɔgɛ bɛɛ ye, woletɔ mɔgɛ bɛɛ fagara a fɛ ka bɔ anuna hakɛnu tɔ.

Kalesiya 4:4

Kɔnɔ Allata wati-latɛgɛnɛ kera tumɛ min, Alla ya ala dan sɔ. A sɔrɔnta musi le bolo. A makolota Nɛbi Musata tɔn-kitabu kɔrɔ

Ɛfɛsa 6:24

Alamɛ Allata hinɛ tora wo dama fɛ minnu bi ma Mari Yisa, Allata-Mɔgɔ-Yabɔnɛ kenina tɛban!

1 Timoti 1:15

A bɛnnɛ, bɛɛ ni la kuma kelen pe kɛ la ka a bira gben, ko, “Yisa Kirasiti nara duninya rɔ alako hakɛ-tiginu ni kisi,” tonya-kumɛ le wo la, ado nde ya hakɛ kɛ ka tenbi bɛɛ la.

1 Pita 1:8

Wo ma Yisa yen bɛ kɔnɔ wo ara a keni. Wo ma a yen bɛ wo yɛ la, hali wo, wo dɛnkɛninyanɛ a ma. Woletɔ wo ye nyagalenna ka sewa-makawani-wɛ kɛ, hadama-dan dɛ ti ke min fɔla.

1 Yɔni 4:19

Ma si ma nyɔgɔn keni bawo Alla fɔlɔn ya male keni.

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.

Lankɛnimayɛ 3:9

Nba, wo ni wo tole masɔ! Minnu bilanɛ Setanɛ fɛ, foninya-fɔlɛ le wonu na. Anu bi a fɔla ko Yahudiya le anu na kɔnɔ a sa wo nya. N si a ma, anu ni anu sa wo kin kɔrɔ wo madiya tinɛ. Anu dama si a lɔn ko wo di n ye.