Yɔni 16:22 - ALLALA KUMƐ

²² A ye wo nya le wole fanan bolo. Wo yisi si gbala kaka kɔnɔ n si wo yen tun. Wo yisinu si fa sewɛ sifa wo la, mɔgɔ ti ke min bila wo bolo.

Yɔni 16:22 ပူးပေါင်းရင်းမြစ်များ

Yobu 34:29

Ni ko-wo-ko ma-sɔgɔ sa Alla la, yon si ke a manyinikala ko, “I ma kɛ ma kama?” Ni a ya a kolonkɛ dogon ma ma, yigi ti taran ma ma tun!

Yaburi 146:2

Fananta n bi n niyi la, n bi a matɔgɔla. N si bɛti bɔ nta Alla ye n siyi-tele-bɛɛ kɔrɔ.

Yaburi 33:21

Ma sewanɛ ala wɔli-nyimɛla ko la. Ma lanɛ a la bawo a sɛnima.

Aiseya 25:9

Wo wa ma tumɛ min, bɛɛ si a fɔ ko, “Mata Alla le ale la. Ma ya a ma ma yigi la min kɛ, a ara ma lakanan. Ale le mata Mari la. Ma ara la a la. Ma ara sewa kaka bawo a ara ma lakisi.”

Yɛrɛmaya 31:12

Isirɛla mɔgɛnu si sewa-sigi sa Yerusalɛm kɔnkɔ-sɛnimɛ kuma. Anu sewanɛ bawo Mari ara anu kɔ, a fui-fen wo, a nɔnbɔ-gbɔ-yi wo, a ɔlifi-tulu wo, anubɛ a kolo-fannu. Anu si ma iko yi siginɛ sɛnɛ min kɔrɔ, anu ti nanparan-wo-nanparan sɔrɔn tun.

Matiyu 28:8

Woletɔ anu bɔra kanbɛ dafɛ tiriya kilan anubɛ sewɛ bolo. Anu burimatoe tara a fɔ ala karan-dannu ye.

Luka 10:42

kɔnɔ fen kelen pe ye nyɔ i makoe ye min na. Mariyama ara a nyimɛ yabɔ, ado wo ti bɔ a bolo.”

Luka 16:25

“Kɔnɔ Iburayima ko, ‘Nna dan, i miri fɔlɔn. I kɛndɛ tumɛ min, i ye fen-nyimɛ bɛɛ sɔrɔnna kɔnɔ wati wo rɔ, Lasarasi kɛ ye fen-nɔgɔnɛnu gbansan sɔrɔnna. Nba kaka, ale le ye sewɛ la yan, ile ye dumɛ rɔ.

Luka 19:26

A ya anu yabi ko, ‘N bi a fɔla wo ye ko fan ye min bolo, do si sa wo kuma wonu ye. Kɔnɔ fen sa min bolo, hali a dɔgɔmanɛ min bi a bolo, wo si bi a bolo.

Luka 24:41

Anu sewanɛ kɔnɔ kabana-koenu ya a ma, anu ma ke lala a la yona. Woletɔ a ya anu manyinika ko, “Dɔn-fan do ye wo bolo yan, ba?”

Yɔni 14:1

Yisa ya a fɔ ala karan-dannu ye ko, “Wo yisi kana tinya. Wo ni dɛnkɛninya Alla ma ka dɛnkɛninya nde fanan ma.

Yɔni 14:19

A ara to doni, dɛnkɛninyabɛlɛnu ti n yen tun kɔnɔ wole si n yen. Nba, n si to n niyi la tun min kɛ, wole fanan si niyi sɔrɔn.

Yɔni 14:27

“N bi yisi-kimɛ tola wo fɛ. N bi nta yisi-kimɛ min dila wo ma, n sa a dila wo ma iko duninya ye a mala nya min. Wo yisi kana tinya. Wo kana kilan.

Yɔni 16:16

“N ti wati-yan bɔ wo fɛ tun. Wati-kundunɛ wa tenbi, wo si n yen tun.”

Yɔni 16:20

N bi tonyɛ fɔla wo ye, wo si gbele-gbelen ka di kɔnɔ dɛnkɛninyabɛlɛnu si sewa. Wo yisi si tinya kɔnɔ wola yisi-tinyɛ la si ban sewɛ ma.

Yɔni 16:6

N bara wo fɔ wo ye min kɛ, wo yisi ara tinya.

Yɔni 21:7

Yisa diyana-karan-dan, wo ya a fɔ Pita ye ko, “Mari le.” Saimon Pita ya wo lamɔɛn tumɛ min ko Mari le, a ya ala duruku-ba mamɔrɔ a ma bawo a ara a labɔ a ma nun. A gbanta ka yigi yi rɔ.

Yɔni 4:14

Kɔnɔ nde si yi min di mɔgɛ ma, ni wo ya wo min, a kan la ti gbala tun mumɛ! A ye wo nya le bawo n si yi min di a ma, wo si ma a burɔ iko tenke ka ma nimaya-yi la a ye. N si habadan-nimayɛ di a ma.”

Kɛwɔlɛnu 13:52

Kɔnɔ dɛnkɛninya-mɔgɛ minnu bɔ-san Antiyaki, wonu fara sewɛ anubɛ Allata Ni-Sɛnimɛ la.

Kɛwɔlɛnu 16:25

Suyi tɛma, Pɔli anubɛ Sailasi ye Alla matarala ka bɛtinu bɔ a ye, ado yelela-mɔgɔ-toenu tole masɔnɛ anu na.

Kɛwɔlɛnu 2:46

Anu tora anu nyɔgɔn nadɛnna Alla-Bato-Bɔn la tele-wo-tele. Anu ya fen-dɔn-kɛ anu nyɔgɔn fɛ ka Marita kima dɔn anu barɛnu tɔ sewɛ anubɛ famayigiyɛ rɔ.

Kɛwɔlɛnu 5:41

Kilayɛnu bɔra mɔgɔ-banu tɛma tumɛ min, anu sewara bɛrɛkɛ, ko Alla ara a fonde lamiri anu ma ko a bɛnnɛ anu ni fɛyɛ sɔrɔn Yisa tɔgɛla ko la.

2 Kɔrɛnti 6:10

Hali ma yisi tinyanɛ kɔnɔ ma sewanɛ tolon! Ma lɔnnɛ bolo-kolɔnnu na kɔnɔ ma ara mɔgɔ siyaman ma bana la. Ma manɛ iko fen sa ma bolo kɔnɔ fan bɛɛ ye ma bolo.

2 Tɛsalonaika 2:16

Alamɛ ma Mari Yisa, Allata-Mɔgɔ-Yabɔnɛ-nyɛrɛ anubɛ ma Fa Alla ya wo sɛnbɛ don. Alla ya ma keni ka habadan-yisi-kimɛ anubɛ yigi-nyimɛ di ma ma ala hinɛ le tɔ.

Hiburunu 10:34

Wo ya yelela-mɔgɛnuna tɔrɔyɛ bi iko wotɛ. Anu ya wo bolo-fan bɛɛ bi wo bolo tumɛ min, wo ya wo munyu bɔnɛ wonu ma sewɛ la bawo wo ya a lɔn ko fen-nyima-bɛrɛbɛrɛ-wɛ ye wo bolo min tenbira wonu na, ado wonu si to wo bolo habadan!

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!

1 Pita 1:8

Wo ma Yisa yen bɛ kɔnɔ wo ara a keni. Wo ma a yen bɛ wo yɛ la, hali wo, wo dɛnkɛninyanɛ a ma. Woletɔ wo ye nyagalenna ka sewa-makawani-wɛ kɛ, hadama-dan dɛ ti ke min fɔla.