Yɔni 16:21 - ALLALA KUMƐ

²¹ Ni musi ye a nyɛrɛ-masɔrɔn tinɛ, a yisi si gbala ata tɔrɔyɛla ko la. Kɔnɔ a wa dan sɔrɔn tumɛ min, a si nyina ala tɔrɔyɛ wo ko ka sewa bawo dan ara sɔrɔn a ye.

Yɔni 16:21 ပူးပေါင်းရင်းမြစ်များ

Ko-Dabirɛnu 3:16

Alla ya a fɔ musi wo ye ko, “N si a lagbɛlɛya i kuma den sɔrɔn tinɛ. Hali wo, ila kei-sɔgɛ si taran i la, ado a si kun-tigiyɛ kɛ i kuma.”

Yobu 11:16

Tɔrɔyɛ min bɛɛsi ye i ma, i si i sɔrɔn wonu na. Ila tɔrɔyɛ wo si ma iko yi min bi tenbila suyi rɔ.

Yaburi 113:9

Den sa musi min bolo, a si gbiliyɛ di wo ma kei-wara-sigi bɔn la ka dannu sɔrɔn. Wo si ma na sewanɛ la. N si Mari tanto!

Aiseya 13:8

Bɛɛ kun ma si kɔ. Anu si taran dumɛ rɔ iko musu-den-sɔrɔnmatoe. A bɛɛ yɛ si wuya-a-rɔ kilan bolo. Anu ti ke anu kunyɛ kɔrɔbila yisi-tinyɛ bolo.

Aiseya 21:3

N bara min tayen anubɛ n bara min namɔɛn ko-rayirɛ kɛ rɔ, wo ara dumɛ anubɛ kumakɔɛ tenbi n tɔ iko musi wa wuli a nyɛrɛ-masɔrɔn la.

Aiseya 66:7

Musi ti dan sɔrɔn bi, sina, a dumɛ ni wuli a la. A ti den-kei sɔrɔn fɔlɔn, dumɛ ni na to nala wo kɔma.

Maika 4:10

Nfen bi a tola, wole Yerusalɛm mɔgɛnu bi wo forongbesila iko musi buyi wa a lamaga. Bawo fɔ wo wa wo buri ka Yerusalɛm takolonya ka ta wo sigi kan-tina-rakolɔn do rɔ. Wo yogenu si ta wo la Babilɔn kɔnɔ wati wa tenbi wota Mari si wo kunyɛ bɔ wo rɔ.

Maika 4:9

“Kaka gbɛ, nfen bi a tola, wole ko-yogoma-kɛlɛnu bi gbele-gbelenna ka? Nfen bi a tola, wo ye tɔrɔla kɛ nya kaka iko musi buyi wa a lamaga. Nfen bi a tola, wola mansɛ anubɛ wola hɛnkilimɛnu ti ke wo dɛnbɛna kaka?

Kalesiya 4:27

A sɛbɛnɛ Allala kitabu rɔ ko, “Musu-gbandɛ, i ni sewa! Kaka, ile min ma den-sɔrɔn-dumɛ lɔn, i ni i kuli mayɛlɛ ka nyagalen-sigi sa. Bawo musu-bolokani-kɔrɛ, wo si yiri ka tenbi musi bɛɛ la.”

1 Tɛsalonaika 5:3

Mɔgɛnu tenbi a fɔla ko anu bi yisi-kimɛ anubɛ lafɛrɛ rɔ, nba, anu si tɛrɛna halakiyi la wo wati le tɔ, yɔ! A si ma iko musu-kolomɛ buyi wa a lamaga. Anu ti kisi Mari na-tumɛ rɔ.