Yɔni 16:20 - ALLALA KUMƐ

²⁰ N bi tonyɛ fɔla wo ye, wo si gbele-gbelen ka di kɔnɔ dɛnkɛninyabɛlɛnu si sewa. Wo yisi si tinya kɔnɔ wola yisi-tinyɛ la si ban sewɛ ma.

Yɔni 16:20 ပူးပေါင်းရင်းမြစ်များ

Yobu 20:5

ado wati-kundu-ni de karagbɛlɛta sewɛ la.

Yaburi 30:11

I wara nna diyi yɛlɛma n ye sewɛ la. I wara di-kɛ-bɔrɛ bɔ n kan na ka sewa-bɔrɛ don n kan na wo gbɛ rɔ.

Yaburi 30:5

Ala fondo-bɔɛ mani de iko ya-makeri kelan kɔnɔ dan sa ala nyimayɛ wo la. Ya-yi si to yigila suyi rɔ kɔnɔ sɔgɔma, diyi wo si a laban a bolo nyagalan ma.

Yaburi 97:11

Allata waan ara malan mɔgɔ-telennɛnu ma. Nyagalan ye mɔgɔ-nyimɛnu denu ye.

Aiseya 12:1

Wati ye nala, mɔgɛnu si to bɛti bɔla ko, “E, Mari, n bi i matɔgɔla. Hali i fununɛ ye ma la nun kɔnɔ mala diminyɛ sa i bolo tun, ado i ye ma ladiyala.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Aiseya 66:5

Wole min bi Marita kumɛ birala, wo ni wo tole masɔ a kan la. A ko wo gboyara wo na-kelen-nyɔgɛnu ye. Anu wulita wo kan ma bawo wo bilanɛ ale Mari fɛ. Anu bi wo rasɛ-kumɛnu fɔla ko, “Nba, alamɛ ata fanka ya wo lakisi, woletɔ ma si to wo sewanɛ yenna.” Kɔnɔ Mari ko fɔ mɔgɔ-mayɛlɛnnɛ kɛnu ba tɔrɔ le serr!

Yɛrɛmaya 31:25

Fanka sa minnu na, a si wonu kolo gbɛlɛya tun. Kɔnkɛ ara minnu bɔ anu su la, a si wonu buyi lafa.

Matiyu 21:38

Kɔnɔ anu ya ala dan wo yen nala tumɛ min, anu ya a fɔ anu nyɔgɔn ye ko, ‘Ki-fen-tigila dan le nala kɛ la. Wo na, ma ni a faga. Ma si a bolo-fannu sɔrɔn worɔ!’

Matiyu 5:4

Mɔgɔ-sewanɛ le wo mɔgɛ la min bi dila a yisi rɔ bawo Alla si a yisi-kimɛ!

Maraka 14:72

Tiriyante wo rɔ, dondɔn keke fila nyɔgɛ kera. Pita ya a miri Yisala kumɛ ma ko, “Yanni dondɔn ni keke iko fila, i si a fɔ iko sawa ko i ma n lɔn.” A ya-yi bɔra biribiri diyi-kɛ bolo.

Maraka 16:10

Wo tara a fɔ a ta-nyɔgɛnu ye. A ya a taran, wonu bi dila.

Luka 22:45

A ban madiyali kɛla, a sɛgira ala karan-dannu wara. A ya anu taran kinɔgɛ rɔ. Anu bandannɛ yisi-lafinyɛ bolo nun bɛrɛkɛ!

Luka 22:62

Pita burimatoe bɔra dila biribiri!

Luka 23:27

Nyama-belebele bilara a fɛ. Musi donu bi anu tɛma nun, wonu bi wɔrɔndɔla ka di ala ko la.

Luka 24:17

Yisa ya a fɔ anu ye ko, “Wo ye nfen fɔ tinɛ wo nyɔgɔn tɛma kilɛ fɛ yan?” Anu yisi-tinyanɛ sɔnɛ!

Luka 24:21

Ma yili ye a ma nun ko ale le wo la min bi nala Isirɛla mɔgɛnu kunkala! Ka tenbi wo bɛɛ la, a tele sawa nyɔgɛ le kɛ la kebi wo mara.

Luka 6:21

Mɔgɔ-sewanɛ le wole kɔnkɔtoenu na bawo wo si fa pim! Mɔgɔ-sewanɛ le wole di-kɛlɛnu na bawo wo si na yɛlɛn!

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Yɔni 16:6

N bara wo fɔ wo ye min kɛ, wo yisi ara tinya.

Yɔni 20:20

A ban kɛ fɔla, a ya a kɔɛn filɛ anubɛ a tɔnkɔn yira anu na. Mari yen ala karan-dannu bolo, anu sewara kati!

Kɛwɔlɛnu 5:41

Kilayɛnu bɔra mɔgɔ-banu tɛma tumɛ min, anu sewara bɛrɛkɛ, ko Alla ara a fonde lamiri anu ma ko a bɛnnɛ anu ni fɛyɛ sɔrɔn Yisa tɔgɛla ko la.

Romu 5:11

Kɔnɔ a dama ma wo la, ma sewanɛ bawo ma Mari Yisa, Allata-Mɔgɔ-Yabɔnɛ ara ma ma Alla diyana-mɔgɛ la.

2 Kɔrɛnti 6:10

Hali ma yisi tinyanɛ kɔnɔ ma sewanɛ tolon! Ma lɔnnɛ bolo-kolɔnnu na kɔnɔ ma ara mɔgɔ siyaman ma bana la. Ma manɛ iko fen sa ma bolo kɔnɔ fan bɛɛ ye ma bolo.

Kalesiya 5:22

Kɔnɔ Allata Ni-Sɛnimɛ si wo labila min na, wo le kɛnu na, keninteyɛ wo, sewɛ wo, yisi-kimɛ wo, munyɛ wo, dinyɛ wo, nyimayɛ wo, lanayɛ wo,

1 Tɛsalonaika 1:6

Wo ya malebɛ Mari ma wola misalɛnu na. Wo tɔrɔta kosɛbɛ kɔnɔ hali wo, wo ya karan wo bira sewɛ la, ado sewa-sufa wo ye bɔla ata Ni-Sɛnimɛ le bolo.

Yemesi 1:2

N na-kelen-nyɔgɛnu Kirasiti rɔ, wo wa don kɔrɔbɔli-subolo-siyamɛ rɔ tumɛ min, wo ni wo bɛɛ lɔn sewɛ la.

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.

Lankɛnimayɛ 11:10

Duninya-mɔgɛ bɛɛ si sewa nɛbi filɛ wonu faga-koe la. Anu si nyagalen ka anu nyɔgɔn sanba bawo nɛbi filɛ wonu ya tɔrɔya-ba lana duninya-mɔgɛ bɛɛ kuma.

Lankɛnimayɛ 18:7

A ara gbiliyɛ anubɛ nɔnfuli min nyɔgɛ di a nyɛrɛ ma nun, wo ni wo nyɔgɔn nyagbɛ anubɛ yisi-gbalɛ di ale ma kaka bawo a tora a fɔla a nyɛrɛ ma ko, ‘Wo ma a yen, n siginɛ musu-mansayɛ le la gbɛ! Kɛɛ-musu ma n na. N yisi ti gbala mumɛ!’