Yɔni 16:17 - ALLALA KUMƐ

¹⁷ Ala karan-dan donu ya a fɔ anu nyɔgɛnu tɛma ko, “A ya min fɔ ma ye kɛ la, wo kɔrɛ ye kama? A ko a ti wati-yan bɔ ma fɛ tun. Wati-kundu-ni wa tenbi, ma si a yen tun. Wo kɔrɛ ye kama ka a fɔ ko a ye tala a Fa warɛ?”

Yɔni 16:17 ပူးပေါင်းရင်းမြစ်များ

Maraka 9:10

Anu ya ala kumɛ bira kɔnɔ anu ya wo fɔɛ dabira anu gbansan tɛma. Kɔnɔ anu ko, “ ‘Ka wuli ka bɔ furinu tɛma,’ wo kɔrɛ ye kama?”

Maraka 9:32

Kɔnɔ anu ma kumɛ wo kɔrɛ lɔn, ado anu kilanta a manyinikala.

Luka 18:34

Yisala karan-dannu ma kɛ fenfen nya-yen bawo kumɛ wo kɔrɛ dogonta anu ma. Yisa ye kumala minna ko la nun, anu ma wo lɔn.

Luka 9:45

Kɔnɔ ala karan-dannu ma kɛ kɔrɛ lɔn. Alla ya wo kɔrɛ dogon anu ma, woletɔ anu ma ke a nya-yenna. Anu kilanta fanan ka a manyinika wo kɔrɛ ma.

Yɔni 12:16

Kɔnɔ wo wati ya a taran, ala karan-dannu ma kɛ nya-yen. Yisa wulita furinu tɛma tumɛ min ka ata gbiliyɛ sɔrɔn, anu hɛnkili bilara ko kɛ bɛɛ sɛbɛnɛ Allata kitabu rɔ, ado anu bara a yen ko wo bɛɛ mara a ye.

Yɔni 14:22

Yudasi doi wo, Yudasi Yisikariyɔti ma de, wo ko, “Mari, i si i nyɛrɛ yira male la kɔnɔ i ti i nyɛrɛ yira dɛnkɛninyabɛlɛnu na kama?”

Yɔni 14:5

Tamasi ya a fɔ a ye ko, “Mari, i ye tala kan min, ma ma nyɔ lɔn. Ma si nyɔ-kilɛ lɔn kama?”

Yɔni 16:1

Yisa ko, “N bara kɛ bɛɛ fɔ wo ye alako wo kana wola dɛnkɛninyɛ boloka.

Yɔni 16:16

“N ti wati-yan bɔ wo fɛ tun. Wati-kundunɛ wa tenbi, wo si n yen tun.”

Yɔni 16:18

Anu ya nyinikali kɛ anu nyɔgɔn tɛma ko, “Ka a fɔ wati-kundu-ni wo, wo kɔrɛ ye kama? A ye min fɔ tinɛ wo la, ma ma wo nya-yen!”

Yɔni 16:19

Yisa ya a lɔn ko a manyinika-sɔgɛ ye anu na, woletɔ a ya a fɔ anu ye ko, “N ti wati-yan bɔ wo fɛ tun. Wati-kundu-ni wa tenbi, wo si n yen tun. Wo sa wo nyɔgɔn manyinikala wo lela ko la?

Yɔni 16:5

Kɔnɔ kaka, min ya n sɔ, n bi tala wo warɛ kɔnɔ wo fenfen sa n manyinikala ni n bi tala kan min.