Yɔni 15:24 - ALLALA KUMƐ

²⁴ Ni n ma kabana-ko-tamaserenu kɛ anu tɛma nun, mɔgɔ-gbɛrɛ ma min nyɔgɔn kɛ wɛ, anu ti yiliki hakɛla ko la nun. Kɔnɔ kaka, n bara minnu kɛ, anu bara wonu yen woletɔ mabɛ n Fa Alla gboyara anu ye,

Yɔni 15:24 ပူးပေါင်းရင်းမြစ်များ

Yaburi 81:15

Nde, Mari gbo minnu ye, wonu kun ma si kɔ n yarɔ kilan bolo, ado dan sa anuna tɔrɔyɛ la.

Bɔ-Koe-Iyipiti 20:5

wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.

Hɛnkilimaya-Kumɛnu 8:36

Kɔnɔ mɔgɛ min sa sɔnna n nyinina, wo ara a nyɛrɛ tanban, ado a ara sayɛ keni.”

Matiyu 11:5

Ya-fiyɔnnu bi fan yenna, namarɛnu bi tagamana, kunatoenu bara kɛndɛya, tolo-gberenu bi ko lamɔɛnna, furinu na ara wuli ka niyi lafɛ, kibara-nyima-kawandili ara bɔ bolo-kolɔnnu ye.

Matiyu 21:32

Wo si na ma le bawo Yɔni-Batasi-Kɛlɛ nara ka kila-latelennɛ yira wo la. Wo ma la a la. Kɔnɔ duti-makelelɛnu anubɛ yɛlannu lara a la. Hali wo yen wo bolo, wo ma wo miriya yɛlɛma ka la a la.”

Matiyu 9:33

Yisa ya nyinɛ gben nya min wo, kei wo ya kumɛ dabira. Mɔgɛ bɛɛ kawara! Anu ko, “Ma ma kɛ nyɔgɔn kabana-koe yen bɛ Isirɛla nyamanɛ rɔ mumɛ!”

Maraka 2:12

Kei wo ya a lasɔ kelenna ka ala sanyili lamɔrɔmɔrɔ. A ya a bɔ anu dama yala. Anu dama kawara bɛrɛkɛ, ka Alla tanto. Anu ko, “Ma ma kɛ-nyɔgɔn yen bɛ!”

Luka 24:19

Yisa ya a manyinika ko, “Koe nyamintannu?” Anu ya a yabi ko, “Koe minnu bara ma Yisa Nasarɛti kɛ la. Nɛbi le kei wo la nun. Sɛnbɛ ye ala kɛwɔlɛnu anubɛ ala kumɛnu tɔ Alla anubɛ mɔgɛ bɛɛ yala.

Yɔni 10:32

Yisa ya a fɔ anu ye ko, “N Fa ya n sɔ ka kɛwɔli-nyimɛ siyaman kɛ wo ye. Wo ya wonu yen serr! Kɛwɔli-nyimɛ kɛ bɛɛsi rɔ, wo ye nyinina n mabonna nyamintanna ko la?”

Yɔni 10:37

Nba, ni n sa n Fala kɛwɔlɛnu kɛla nun, wo kana la n na worɔ.

Yɔni 12:10

Nba, saraka-masɔla-wɛnu ya Lasarasi faga-koe fanan tabɛn

Yɔni 12:45

Ni wo ara nde yen, wo ara wo fanan yen min ya n sɔ.

Yɔni 14:9

Yisa ya a yabi ko, “Filipi, ma ara mɛ ma nyɔgɔn fɛ wona kati! I ko ha bi, i ma n lɔn, ba? Min bara nde yen, wo ara n Fa Alla yen. Ile ye a fɔla kama worɔ ko n ni n Fa Alla yira wo la?

Yɔni 15:21

Kɔnɔ anu si koe kɛ bɛɛ ma wo la bawo ntɛ le wole la, ado ale min ya nde sɔ, anu ma wo lɔn.

Yɔni 15:22

Ni n ma kuma anu ye nun, anu ti yiliki hakɛla ko la nun. Kɔnɔ kaka, masigima-ko-fɔ sa anu bolo tun ka a tɛgɛ anuna hakɛ ma.

Yɔni 15:23

N gboyara minnu ye, n Fa Alla fanan gboyara wonu denu ye.

Yɔni 16:9

Anu ma la nna kumɛ la min kɛ, anu si a lɔn worɔ ko anuta hakɛ fɔlɔtɛ le wo la.

Yɔni 3:2

A nara Yisa wara suyi rɔ. A ya a fɔ a ye ko, “Karan-mɔgɔ, ma ya a lɔn ko karan-mɔgɛ le ile la Alla ya min sɔ. I ye kabana-ko-wɔlɛ minnu kɛla, mɔgɔ-wo-mɔgɔ ti ke wonu kɛla fɔ ni Alla ye a fɛ.”

Yɔni 5:36

Kɔnɔ sereyɛ ye n bolo n nyɛrɛla ko la min kolo Yɔnitɛ ko. N Fa ya kɛwɔlɛ minnu di n ma, wonu bi sereyɛ bɔla n ye ka a yira ko n Fa le ya n sɔ.

Yɔni 6:36

Nba, n bara a fɔ wo ye ko wo ara n yen kɔnɔ wo ma la n na.

Yɔni 7:31

Mɔgɔ siyaman dɛnkɛninyara a ma nyama wo rɔ. Anu ko, “Allata-Mɔgɔ-Yabɔnɛ wa na tumɛ min, n ma la a la ni a si kabana-ko-wɔlɛ kɛ min tenbira kɛ la mumɛ!”

Yɔni 9:32

Kebi duninya danta, mɔgɔ ma a lamɔɛn bɛ ko mɔgɛ do ara fiyɔn yɛ laka min sɔrɔnta fiyonyɛ rɔ.

Yɔni 9:41

Yisa ya anu yabi ko, “Ni fiyɔn le wole la nun, yiliki sa wo bolo nun. Kɔnɔ bawo wo ko wo ye fen yenna, woletɔ ha kaka, wo yilikinɛ, yɔ!”

Kɛwɔlɛnu 10:38

Ado nfan, Alla ya ata Ni-Sɛnimɛ labɔn Yisa, Nasarɛti kɛ, kuma nya min ka sɛnbɛ di a ma, wo ye wo fanan kalama. A tara kan tinɛ bɛɛ rɔ ko-nyima-kɛ-tinɛ. Minnu bɛɛ ye nyinɛta sɛnbɛ kɔrɔ nun, a ya wo bɛɛ hɔrɔya bawo Alla ye a fɛ.

Kɛwɔlɛnu 2:22

“Wole Isirɛla mɔgɛnu, wo ni wo wɔlɔ matɔlɔ kumɛ kɛnu na! Yisa Nasarɛti kɛ, mɔgɛ le wo la nun Alla ya min sɔ. A ya ala sarati yira wo la nun kɛwɔli-sɛnbɛmɛnu anubɛ kabana-koenu anubɛ tamaserenu fɛ. Alla ya wonu kɛ ale fɛ, ado wole nyɛrɛ ya wo lɔn bawo a kera wo dama yala.

Romu 1:30

ka kuma-yogomɛ fɔ anu nyɔgɔn ma. Alla wara-koe gboyanɛ anu ye, ado tagasibɛlɛ le anu na anubɛ mɔgɔ-wasinɛnu anubɛ nyɛrɛ-matɔgɔlɛnu. Anu bi ko-yogoma-kurɛ rabɛnna tuma-wo-tuma. Anu ti anu sɔrɔnnɛnuna kumɛ bira muk!

Tɔn-Fɔɛ-Fila-Nyɔgɛ 5:9

wo si wo nyɛnkin min kɔrɔ ka a bato. Ale le wota Mari Alla la min sa nyinina a senɛ ma. Ni Mari sɔgɔ labɔra bɛsi-kɔlɛ minnu na, a ko a si wonu tɔrɔya, hali anuna dannu anubɛ anu mamanɛnu ha ka ta a sigi anu tolo-birɛnu na anubɛ anu tolo-bira-sɔɛnu. A ko minnu si anu ban a la, a si wonu tɔrɔ.

2 Timoti 3:4

Anu si ma mɔgɔ-bolo-labiralɛnu na anubɛ tengberannu. Anu wasinɛ ha ka a dan natenbi. Anu nyɛrɛ-diyana-koe di anu ye ka tenbi Alla wara-koe la.

Yemesi 4:4

Wole lanayabɛlɛnu, ka a fɔ ko ni duninya kɛ diyara mɔgɔ-wo-mɔgɔ ye, Alla yoge le wo tigi la, wo ma wo lɔn, wa? N ni a fɔ tun, mɔgɛ min bi mala duninya kɛ diyana-mɔgɛ la, wo si a nyɛrɛ ma Alla yoge la.