Yɔni 15:22 - ALLALA KUMƐ

²² Ni n ma kuma anu ye nun, anu ti yiliki hakɛla ko la nun. Kɔnɔ kaka, masigima-ko-fɔ sa anu bolo tun ka a tɛgɛ anuna hakɛ ma.

Yɔni 15:22 ပူးပေါင်းရင်းမြစ်များ

Isikiyɛli 2:5

Anu banta, anu sɔnta, fɔ anu ni a lɔn yati, ko nɛbi ye anu tɛma.

Luka 12:46

Nba, wɔli-kɛlɛ wo tigi si na wulɔn tele le ma, yɔ, ado a hɛnkili sa tele wo ko, a ma a na-wati lɔn mumɛ! A tigi si a ratɛgɛtɛgɛ ka anubɛ lanayabɛlɛnu don kan-tina-kelen.

Yɔni 12:48

Min ba a ban n na, ado a ma nna kumɛ bira, nna kumɛnu si ma kiti-tɛgɛlɛ la min si wo tigi yiliki. N bi kumɛ minnu fɔla, wonu denu si wo tigi yiliki tele-laban-lun!

Yɔni 15:23

N gboyara minnu ye, n Fa Alla fanan gboyara wonu denu ye.

Yɔni 15:24

Ni n ma kabana-ko-tamaserenu kɛ anu tɛma nun, mɔgɔ-gbɛrɛ ma min nyɔgɔn kɛ wɛ, anu ti yiliki hakɛla ko la nun. Kɔnɔ kaka, n bara minnu kɛ, anu bara wonu yen woletɔ mabɛ n Fa Alla gboyara anu ye,

Yɔni 16:9

Anu ma la nna kumɛ la min kɛ, anu si a lɔn worɔ ko anuta hakɛ fɔlɔtɛ le wo la.

Yɔni 19:11

Yisa ya a yabi ko, “Sɛnbɛ ye i bolo n kuma bawo Alla le ya wo di i ma. Woletɔ minnu ya n don i bolo, wonu hakɛ kolo itɛ ko.”

Yɔni 9:41

Yisa ya anu yabi ko, “Ni fiyɔn le wole la nun, yiliki sa wo bolo nun. Kɔnɔ bawo wo ko wo ye fen yenna, woletɔ ha kaka, wo yilikinɛ, yɔ!”

Kɛwɔlɛnu 17:30

Fɔlɔ-nun, Alla ya a kolan bɔ mɔgɛnuna Alla-lɔnbɛlitayɛ la bawo anu bi min mala nun, anu ma wo lɔn. Kɔnɔ kaka, a ara a fɔ ko fɔ mɔgɛ bɛɛ ni yɛlɛma ka bɔ anuna ko-yogoma-kɛ-kilɛnu fɛ,

Romu 1:20

Allata habadan-sɛnbɛ anubɛ ata Allayɛ, wonu ti yen. Kɔnɔ kebi Alla ya duninya dan tumɛ min, a ara ban wonu bɔla gbɛ ma wo ye feu! Mɔgɛ si wonu yen ata dali-fannu denu fɛ. Woletɔ mɔgɔ-wo-mɔgɔ ti ke a fɔla ko, “Ka a fɔ ko n bi ko-yogomɛ le mala nun, n ma wo lɔn!”

Romu 2:1

N diyana-mɔgɛnu, wo ye wo dɛ bilala mɔgɛnuna koe rɔ kɔnɔ wo wa wo bɔnu yiliki tumɛ min, wo ara wo nyɛrɛ le yiliki wo la. Masigima-kuma sa wo bolo worɔ! Ni wo ya a yen n bi wo fɔla bawo anu denu bi min mala, wole nyɛrɛ fanan bi wo le mala.

Yemesi 4:17

Wo ni wo hɛnkili to kɛ ko. Ni mɔgɛ ya ko-nyimɛ-kɛ nya-lɔn kɔnɔ a ma a kɛ, hakɛ le wo la.

1 Pita 2:16

Mɔgɔ-hɔrɔyanɛ le wole la kɔnɔ wo kana wola ko-yogomɛnu dogon wola hɔrɔyɛ fɛ. Wo ni ma yɔɔnnu na Alla ye.