Yɔni 15:20 - ALLALA KUMƐ

²⁰ N bara min fɔ wo ye, wo ni wo yili to wo ko. N ko yɔɔn-wo-yɔɔn sa nyɔ min tenbira a tigi la. Ni anu ya a lagbɛlɛya nde kuma, anu si a lagbɛlɛya wole fanan kuma. Ni anu ya nta kumɛ bira nun, anu si wole fananta kumɛ bira.

Yɔni 15:20 ပူးပေါင်းရင်းမြစ်များ

Isikiyɛli 3:7

Ni Isirɛla mɔgɛnu ma anu tole masɔ i la, i kana tɛrɛna wo la bawo anu ma anu tole masɔ nde fɔlɔn na. Anu dama tole gbɛlɛ, ado anu sa n gbiliyala.

Matiyu 10:24

“Karan-den wo karan-den ma tenbi a karan-mɔgɔ la. Yɔɔn-wo-yɔɔn ma tenbi a tigi la.

Maraka 10:39

Anu ya a yabi ko, “Ma si ke le.” Yisa ya a fɔ anu ye ko, “N bi n minna tɔrɔyɛ min na, wo si wo min wo la yati, ado anu bi n batasila tɔrɔyɛ min tɔ, wole fanan si batasi wo nya.

Luka 2:34

Simiyɔn duwara anu ye ka a fɔ a na Mariyama ye ko, “Alla ara dennɛ kɛ yabɔ ka a ma tamasere la min si a ma, Isirɛla mɔgɔ siyaman si bui. Kɔnɔ a si ma kisi-koe la fanan mɔgɔ siyaman ye. Isirɛla mɔgɔ siyaman si anu ban a la.

Luka 6:40

Karan-den wo karan-den ma tenbi a karan-mɔgɛ la. Kɔnɔ karan-den wo karan-den wa ban karanna, a si ma iko a karan-mɔgɔ.

Yɔni 10:31

Yahudiyanu ya kurinu bi tun ko ka a mabon.

Yɔni 11:57

Saraka-masɔla-wɛnu anubɛ Farisinu bara a fɔ nun ko Yisa ye kan tinɛ min, ni mɔgɔ-wo-mɔgɔ ya wo lɔn, a ni wo fɔ anu ye. Woletɔ anu si a bira.

Yɔni 13:16

N bi tonyɛ fɔla wo ye, yɔɔn ma tenbi a tigi la. Kilayɛ ma tenbi a sɔlɛ la.

Yɔni 5:16

Ka a tɛgɛ wo ma, Yahudiyanuna kun-tiginu ya a lagbɛlɛyɛ dabira Yisa ma bawo a ya mɔgɛ lakɛndɛya Sulen-Tele ma.

Yɔni 7:32

Farisinu ya a lamɔɛn nyama ye da-kɔrɔ-kumɛnu fɔla ka a bɛn Yisa ma, woletɔ anubɛ saraka-masɔlɛnu ya Alla-Bato-Bon kandannɛnu sɔ a bira tinɛ.

Yɔni 8:51

N bi tonyɛ fɔla wo ye, min ba nna kumɛ bira, wo ti faga habadan!”

Yɔni 8:52

Yahudiyanuna kun-tiginu ya a fɔ a ye ko, “Ma ara la a la serr, ko nyinatoe le ile la. Iburayima ara faga, nɛbinu bara faga, hali wo, ile ko min ba ila kumɛ bira, wo ti faga habadan!

Yɔni 8:59

Anu ya kurinu bi ko ka a mabon kɔnɔ Yisa ya a dogon anu ma. A bɔra Alla-Bato-Bɔn la.

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

1 Kɔrɛnti 4:12

Ma ye boloma-wɔlɛnu kɛla ka ma nyɛrɛ makoenu nyinya. Anu ba ma danka, male si duwa anu ye. Anu ba a lagbɛlɛya ma kuma, ma si ma munyu.

2 Kɔrɛnti 4:9

Ma yogenu siya kɔnɔ Alla ma ma boloka. Ma madumanɛ wati donu tɔ kɔnɔ ma halakini ma.

1 Tɛsalonaika 2:15

Wonu denu ya Mari Yisa faga anubɛ Allata nɛbinu. Anu ya male gben nyamanɛ wo burɔ. Anu sa Alla hɛnɛna ni, ado anu bi mɔgɛ bɛɛ kan ma!

2 Timoti 3:12

ado ni min bɛɛ ye a fɛ ka ma Allata mɔgɛ la Kirasiti Yisa fɛ, wo tigi si gbɛlɛyɛ sɔrɔn.

1 Samuwɛli 8:7

Mari ya a fɔ ale Samuwɛli ye ko, “Mɔgɛnu bara min fɔ i ye, i ni i tole masɔ wo la. Anu sa anu banna ilela kun-tigiyɛ ma. Anu bi anu banna nde letɛ ma.