Yɔni 14:18 - ALLALA KUMƐ

¹⁸ “N ti wo to kelenniyɛ rɔ. N si na wo wara tun.

Yɔni 14:18 ပူးပေါင်းရင်းမြစ်များ

Yaburi 101:2

N kɛ-nya si bɛn i ya la. I ye nala n bara muntuma? N bi sɔn-nyimayɛ rɔ nna bɔn la.

Yaburi 23:4

Hali n bi tenbila saya-kilɛ pinpi-wɛ le tɔ, Mari si a ma, n ti kilan fenfen na bawo a ye n fɛ. Ale le ye n matankala ko-yogomɛ bɛɛ ma.

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 51:12

Mari ko ale le si wo sɛnbɛ don. Hadama-dan min siyi-fɛ wuru iko binyɛ, wole kilannɛ wo la nfenna gbɛ?

Nimisa Koe 5:3

Ma yogenu bara ma fanu faga ka ma to kelenniyɛ rɔ. Ma nanu bara ma kɛɛ-musinu na gbɛ!

Hoseya 14:3

Wo kɔma, wo ni a fɔ ko, “Asiriyanu ti ke ma lakisila. Mala kɛlɛ-kɛ-soeenu ti ke ma lakisila. Ma ti a fɔ tun ko bɛsɛ le mata Alla la.” Wo ni a fɔ ko, “E, Mari, i ni ma dɛnbɛ bawo ma mani de iko kelennɛ minnu bi dɛnbɛnɛ sɔrɔnna ile le bolo.”

Hoseya 6:3

Ma ni ma sɛbɛ don Mari lɔn-koe ma alako a ni to sɛgila ma ma tun iko sun-tele-tiyi ye nala sɔgɔma-wo-sɔgɔma nya min. A si to sɛgila ma ma tun iko samɛ min bi donna san-bo-san.”

Matiyu 18:20

ado mɔgɔ fila, ni wo ma, mɔgɔ sawa wa bɛn n tɔgɔ rɔ, n bi anu tɛma nyɔ.”

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Yɔni 14:16

N si n Fa Alla matara. A si dɛnbɛnɛ-kɛlɛ-dogbɛrɛ lana, Allala Ni-Sɛnimɛ, kɔni, ado a si to wo fɛ habadan! A si Alla wara-koe lagbɛ wo ye. Dɛnkɛninyabɛlɛnu ti ke a sɔrɔnna bawo anu ti ke a yenna, ado anu ti ke a lɔnna lefan! Kɔnɔ wole ya a lɔn bawo a ye wo rɔ, ado a siginɛ si to wo yisi rɔ.

Yɔni 14:3

N ba ta kan tinɛ wonu tabɛn wo ye, n si na tun ka wo bi ka ta wo la n bolo. Woletɔ n ba ta kan min, wo fanan si to n fɛ nyɔ.

Yɔni 16:16

“N ti wati-yan bɔ wo fɛ tun. Wati-kundunɛ wa tenbi, wo si n yen tun.”

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

2 Tɛsalonaika 2:16

Alamɛ ma Mari Yisa, Allata-Mɔgɔ-Yabɔnɛ-nyɛrɛ anubɛ ma Fa Alla ya wo sɛnbɛ don. Alla ya ma keni ka habadan-yisi-kimɛ anubɛ yigi-nyimɛ di ma ma ala hinɛ le tɔ.

Hiburunu 2:18

Nba, minnu bi magbɛrɛnkɛ rɔ kaka, a si ke wonu dɛnbɛna bawo a nyɛrɛ magbɛrɛnkɛnta ka tɔrɔ.