Yɔni 12:40 - ALLALA KUMƐ

⁴⁰ “Alla ara anu fiyonya alako anu kana fen yen. A ara anu yisi gbɛlɛya alako anu hɛnkili kana ko nya-yen. Wo le si a ma, anu ti na a wara anu nakɛndɛya-koe la.”

Yɔni 12:40 ပူးပေါင်းရင်းမြစ်များ

1 Mansɛnu 22:20

Ale Mari ya ala melikanu manyinika ko, ‘Yon si Mansa Ehabu yanfa ha a ni ta faga Ramɔti soe burɔ?’ Melika donu ya hɛnkili do labɔ. Melika doinu fanan ya hɛnkili-gbɛrɛkɛ labɔ.

Yaburi 147:3

A si yisi-kimɛ di mɔgɔ-yisi-tinyanɛnu ma ka anuna tɛlɛnu makiri.

Yaburi 41:4

N ya a fɔ ko, “N bara hakɛ kɛ ile Mari la nun. I ni kinikini n ma ka n nakɛndɛya.”

Yaburi 6:2

Mari, i yandi, kinikini n ma bawo sɛnbɛ sa n na tun! N nakɛndɛya bawo n kolenu takunnɛ ye n ma.

Bɔ-Koe-Iyipiti 10:1

Mari ya a fɔ Musa ye ko, “Ta Iyipiti mansɛ wara kamasɔrɔn n bara ale anubɛ ala mɔgɔ-banu yisi gbɛlɛya alako n si nta kabana-koe kɛnu mayira anu tɛma nya min.

Bɔ-Koe-Iyipiti 11:10

Musa anubɛ Aruna ya kabana-koe kɛ bɛɛ kɛ mansɛ yakɔrɔ. Mari ya ale mansɛ yisi gbɛlɛya. A ma sɔn Isirɛla mɔgɛnu boloka-koe ma muk!

Bɔ-Koe-Iyipiti 14:17

N si Iyipiti kɛnu yisi gbɛlɛya. Anu si wo sagaran kirindi la yi-worɔn wo la. N si gbiliyɛ sɔrɔn ale mansɛ anubɛ ala kɛlɛ-dannuta halakiyi fɛ. Iyipiti kɛnu si a lɔn yati ko nde le Mari la.”

Bɔ-Koe-Iyipiti 14:4

N si ale mansɛ yisi gbɛlɛya tun gbon! A si wo sagaran. N ba a nɔ tumɛ min, nde, Mari si gbiliyɛ sɔrɔn mansɛ anubɛ ala kɛlɛ-dannuna ko la woletɔ Iyipiti kɛnu si a lɔn ko nde le Mari la.” Isirɛla mɔgɛnu ya a ma iko Alla ya a fɔ anu ye nya min.

Bɔ-Koe-Iyipiti 14:8

Isirɛla mɔgɛnu bɔra Iyipiti nyamanɛ rɔ yisi-latɛgɛ rɔ Alla baraka rɔ kɔnɔ Mari ya ale Iyipiti mansɛ yisi gbɛlɛya tun ha anu ya Isirɛla mɔgɛnu sagaran.

Bɔ-Koe-Iyipiti 4:21

Mari ya a fɔ Musa ye ko, “I wa sɛgi Iyipiti nyamanɛ rɔ tumɛ min, n bara i labila ko-makawanɛ minnu na kɛ la, i ni wonu nadan mansɛ yala. Hali wo, n si ale mansɛ yisi gbɛlɛya. A ti sɔn ka nta mɔgɛnu boloka.

Bɔ-Koe-Iyipiti 7:13

Hali wo, mansɛ yisi gbɛlɛyara ka tenbi a fɔlɔtɛ la. A ya a tengberenya. A ma a tole masɔ anuna kumɛ la iko Mari ya a fɔ Musa ye nya min. (1) Yinu Yɛlɛma-Koe Yele La

Bɔ-Koe-Iyipiti 7:3

N si ale mansɛ yisi gbɛlɛya alako n ni nta kabana-ko-siyamɛ yira a la Iyipiti nyamanɛ rɔ.

Bɔ-Koe-Iyipiti 9:12

Mari ya mansɛ yisi gbɛlɛya. A ma a tole masɔ anuna kumɛ la. Iko Mari ya a fɔ Musa ye nya min nun, a kuman-kan wo bɔra-a-la. (7) Banda-Kole Wara-Koe

Aiseya 26:11

Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.

Aiseya 29:10

Mari ara a ma, ile Yerusalɛm ara kinɔgɔ fogbo! Nɛbi minnu bi i yayɛ la, Mari ara wonu yɛ lakiri.

Aiseya 53:5

Ala tanban bɛɛ tɛgɛra ma sɔn-yogomɛnu denu ma. Ma hakɛnu denu ya a ma, a ramɔsɔkɔn-mɔsɔkɔnta. A gbesira alako male ni yisi-kimɛ sɔrɔn. Ala bosa-gbɛ le ya a ma, ma ara kɛndɛyɛ sɔrɔn.

Aiseya 6:10

Wo kɔma, a ya a fɔ n ye ko n ni a ma, fan do ni sa mɔgɛnu miriya-ya ma alako anu kana ko nya-yen. N ni a ma, anu tole ni gbere alako anu kana na ko lamɔɛn. N ni a ma, fen ni sa anu yɛ ma alako anu kana na ko ragbɛ. A ko n ni kɛnu ma alako anu kana anu ya-lamunun ale Mari la anu nakɛndɛya-koe la.

Aiseya 6:9

A ya a fɔ n ye ko n ni ta kilayɛ kɛ fɔ mɔgɛnu ye. N ni a fɔ anu ye ko hali anu ya anu tole masɔ nya-wo-nya, anu ti a nya-yen. Hali anu ya a mafɛlɛn nya-wo-nya, anu ti a lɔn ni min bi mala.

Yɛrɛmaya 3:22

Wole telenbɛlɛnu ni sɛgi a ma tun. Wo ni sɛgi a ma. A si wo makoto wola telenbɛlitayɛla ko la. A bɛnta wo ni a fɔ ko, “Ma namatoe le. Mata Mari Alla le ile Mari la.

Yɛrɛmaya 5:21

wole hɛnkilibɔnɛ kun-takolɔnnu, yɛ ye wo bolo kɔnɔ wo ti fen yen. Tole ye wo bolo kɔnɔ wo ti ko lamɔɛn.

Isikiyɛli 12:2

“Ile hadama-dan, ile siginɛ mɔgɔ-murutiyanɛnu denu tɛma kɛ la. Yɛ ye anu bolo kɔnɔ anu sa fen yenna. Tole ye anu bolo kɔnɔ anu ti ko-wo-ko lamɔɛn bawo mɔgɔ-murutiyanɛnu denu bi anu na.

Isikiyɛli 14:9

“Ni nɛbi do ya foninya-kumɛ fɔ, nde, Mari le ya a yanfa wo la. Nde nyɛrɛ-nyɛrɛ si nɛbi wo wurun Isirɛla mɔgɛnu tɛma.

Hoseya 14:4

Mari ko, “N si wole nta mɔgɛnu gbɛrɛn n ma tun ka wo makoto wola lanayabɛlitayɛla ko la. N si wo keni n yisi bɛɛ la, ado n ti kɔrɔtɔ wo ma tun!

Hoseya 6:1

Mɔgɛnu bi anu da le fɔla ko, “Ma sɛgi wona Mari ma. Mari le wara ma tanban, ale le ye ma dandanna tun. Ale le ya tɛlɛ sigi ma ma, ale le ye mala tɛlɛnu makirila.

Matiyu 15:14

Wo kana hɔn Farisi wonuna ko la! Fiyɔn le anu na, ado anu bi fiyɔn bole birala. Fiyɔn wa fiyɔn bolo bira, anu filɛ bɛɛ si bui denkɛ rɔ.”

Maraka 4:12

Woletɔ (iko a sɛbɛnɛ Allata kitabu rɔ nya min), ‘Anu si to fan yenna kɔnɔ anu ti a ragbɛ. Anu si to anu tole masɔla kɔnɔ anu ti a nya-yen. Bawo ni anu ya ko ragbɛ ka a nya-yen, anu si yɛlɛma Alla wara la. A si anu makoto worɔ.’ ”

Maraka 6:52

anu ma biredi-koe wo nya-yen bɛ min kɛ nun. Anu yisi gbɛlɛyara, ado anu ma ke kɛ fanan nya-yenna.

Luka 4:18

“Marita Sɛnbɛ ye n tɔ. A ara n yabɔ alako n ni kibara-nyimɛ lake bolo-kolɔnnu ma. Minnu bi biralɛ rɔ, a ya n sɔ ka wonu boloka-koe fɔ anu ye anubɛ ka fiyɔnnu yɛ laka. Nɔɛ sanɛ minnu kuma, n si wonu hɔrɔya.

Luka 8:10

A ya anu yabi ko, “N bara Allala mansaya-hɛnkilimayɛ gbundu-koenu di wole ma. Kɔnɔ n si a fɔ doinu ye tilinu tɔ. Ni n ma wo ma iko Nɛbi Aiseya ya a fɔ nya min, ‘Anu bi fan mafɛlɛnna kɔnɔ anu sa a yenna. Anu bi anu tole masɔla kɔnɔ anu sa ko lamɔɛnna.’

Yɔni 12:39

Wola ko la, anu ma ke lala a la bawo Nɛbi Aiseya ya a sɛbɛ fanan ko,

Yɔni 9:39

Yisa ko, “N nara duninya kɛ rɔ ka dan-nafarɛ yira mɔgɛnu tɛma. Fiyɔn yɛ la si ka, ado minnu mirinɛ ko anu yɛ lakanɛ, wonu si fiyonya.”

Kɛwɔlɛnu 15:3

Marita mɔgɛ minnu bi Antiyaki, wonu ya kɛnu nata Yerusalɛm. Wonu tenbira Finisiya anubɛ Samariya nyamanɛnu tɔ tumɛ min, sibolo-gbɛrɛnu yɛlɛmanta nya min Alla ye, anu ya dantɛgɛlɛ wo sa nyɔ-dɛnkɛninya-mɔgɛnu ye. Wo ya a ma, Mari Yisata mɔgɛ bɛɛ sewara bɛrɛkɛ!

Kɛwɔlɛnu 28:26

A ko, ‘Ta kilayɛ kɛ fɔ mɔgɛnu ye. Hali wo ya wo tole masɔ nya-wo-nya, wo ti a nya-yen. Hali wo tora a mafɛlɛnna nya-wo-nya, wo ti a lɔn min bi mala.

Kɛwɔlɛnu 3:19

Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

Romu 9:18

Woletɔ Alla ye a fɛ ka kinikini min ma, a si kinikini wo ma. A ye a fɛ ka min yisi ragbɛlɛya, a si wo yisi ragbɛlɛya.

Tɔn-Fɔɛ-Fila-Nyɔgɛ 29:4

Kɔnɔ ka a dabira wo wati ma ha ka a sigi kaka la, wo ma ban a lɔnna wɛ Mari ya min ma wo ye.

Yasowa 11:20

Mari ya Isirɛla yogenu yisi gbɛlɛya alako anu ni Isirɛla mɔgɛnu kɛlɛ. Wo le ya a ma, Isirɛla mɔgɛnu si anu bira ka anu nato dogbe! Anu ma anu buri anu kɔrɔ. Mari ya a fɔ Musa ye nun ko anu kana kinikini anu fenfen ma.