Yɔni 12:35 - ALLALA KUMƐ

³⁵ Yisa ya anu yabi ko, “Waan si to wo fɛ wati-ni fɔlɔn. Yanni pinpi ni burun wo ma, wo ni to tagamana waan wo rɔ, ado min bi tagamana pinpi rɔ, wo ma a ta tinɛ lɔn.

Yɔni 12:35 ပူးပေါင်းရင်းမြစ်များ

Hɛnkilimaya-Kumɛnu 4:19

Mɔgɔ-yogomɛnuta kilɛ mani de iko pinpi. Ni anu buira, anu ti a lɔn anu ya anu kiannu natugu min na.

Aiseya 2:5

Nba, wole Yakoba kegeyɛnu, Mari ye wan-takanɛ min dila ma ma, ma ni tagama wo rɔ.

Yɛrɛmaya 23:12

Pinpi si burun anuna kilɛ ma, a ni nama gbalaki! Anu si to namala ka bui. A ko a si kasarɛ lana anu ma, ado anu tɔrɔ-tele ye nala. Ale Mari kan le kɛ la.

Luka 18:37

Anu ya a yabi ko, “Yisa Nasarɛti kɛ le tenbi tinɛ.”

Yɔni 11:10

Kɔnɔ ni a tagamanta suyi rɔ, a si a kian latugu bawo waan sa a bolo.”

Yɔni 11:9

Yisa ko, “Ka a bɔ tele-bɔɛ ha tele-yigi, hawa tan-ni-fila le ma? Nba, ni mɔgɔ tagamanta tele rɔ, a ti a kian latugu bawo a ye duninya-waan le yenna.

Yɔni 12:36

Nba, wo ni dɛnkɛninya waan wo ma, a ye wo fɛ tumɛ min, woletɔ wo si ma waanta mɔgɛnu na.” Yisa banta kɛ fɔla tumɛ min, a tara kan tinɛ do rɔ mɔgɛnu ti a yen kan min.

Yɔni 12:46

N nara duninya rɔ iko waan. Min ba dɛnkɛninya n ma, wo tigi ti to pinpi rɔ.

Yɔni 16:16

“N ti wati-yan bɔ wo fɛ tun. Wati-kundunɛ wa tenbi, wo si n yen tun.”

Yɔni 7:33

Yisa ya a fɔ anu ye ko, “N bi wo fɛ yan fɔlɔn doni. Wo kɔma, min ya n sɔ, n si sɛgi wo wara.

Yɔni 8:12

Yisa kumara Farisinu ye tun ko, “Duninya-waan le nde la. Min ba bila n fɛ, wo si waan sɔrɔn min si niyi di mɔgɛnu ma. A ti tagama pinpi rɔ tun mumɛ!”

2 Kɔrɛnti 3:14

Isirɛla mɔgɛ wonu yisi gbɛlɛyara, ado ha bi, anu tenbi Allata sarama-kan karanna, a manɛ iko fan do burunnɛ anu yɛ la, ado wo ti bɔ mɔgɔ yɛ la fɔ a wa tugun Kirasiti la wati min.

Kalesiya 6:10

Woletɔ ma wa fɛrɛ sɔrɔn tumɛ min, ma ni ko-nyimɛ kɛ mɔgɛ bɛɛ ye kɔnɔ katarala ma na-kelen-nyɔgɛnu ma dɛnkɛninyɛ rɔ.

Ɛfɛsa 5:8

Wole nyɛrɛ ye pinpi le tɔ fɔlɔ-nun kɔnɔ kebi wo mara Maritɛ la, wo ye wan-takanɛ le tɔ gbɛ! Wo ni tagama iko mɔgɛ minnu bi wan-takanɛ wo rɔ.