Yɔni 12:27 - ALLALA KUMƐ

²⁷ Yisa ko, “N yisi tɔrɔnɛ kaka. N si nfen fɔ? N kana a fɔ ko, ‘N Fa, i yandi, tɔrɛ kɛ kana na n ma,’ ado n nara wo lela ko la.

Yɔni 12:27 ပူးပေါင်းရင်းမြစ်များ

Yaburi 6:3

N sɔndɔmɛ lafinnɛ n ma. Mari, i si to n dɛnbɛn-koe masigila ha wati nyamintan?

Yaburi 88:3

N niyi ra ara gbɛrɛn n ma kɔndɔfili bolo bawo sayɛ ara gbɛrɛn n ma.

Aiseya 38:15

N si nfen fɔ gbɛ, bawo Mari le ya kɛ ma? N yisi ma ara gboya, ado kinɔgɛ ti n ya bira.

Aiseya 53:3

Mɔgɛnu bara anu ban a la ka a magboya. Tɔrɔyɛ anubɛ dumɛ da ra kolo a kuma ha a mapɛsɛkɛrɛyara. Wo ya a ma, mɔgɔ ma ke a mafɛlɛnna. Mɔgɔ ma a yakɔrɔ yira a la bawo anu ma a yatɛ fenfen na.

Matiyu 11:25

Wo wati ya a taran, Yisa ya a fɔ ko, “E, n Fa, san-kole anubɛ dugu-kole Mari! N bi baraka birala i ye bawo i wara koe min dogon hɛnkilimɛnu anubɛ mɔgɔ-karannɛnu ma, i wara wo yira karanbɛlɛnu na.

Matiyu 11:26

Ɔnde, n Fa, ado wo bɛɛ ara i wasa ka a ma wo nya.

Matiyu 26:42

Yisa tara tun a kinyama fila nyɔgɛ ka Alla madiya. A ko, “N Fa Alla, ni tɔrɔyɛ kɛ ti ke bɔla n dafɛ fɔ n ba n min a la, ile sako ni kɛ.”

Matiyu 26:45

Wo ban, a sɛgira karan-dannu bara. A ko, “Ha bi, wo ye kinɔgɔla ka wo sulen? Wo ni wo yɛ lata! Nde, Hadama-dan don-tumɛ ara ke hakɛ-tiginu sɛnbɛ kɔrɔ.

Luka 22:44

Yisa tɔrɔta bɛrɛkɛ min kɛ, a ya madiyali kɛ bɛrɛkɛ! Wusi bɔra a ma iko yele ka tinti dugi ma.

Luka 22:53

N taranta wo fɛ wati bɛɛ Alla-Bato-Bɔn la, wo ma wo raya n bira-koe la. Wota wati le kɛ la. Pinpi ara ban sɛnbɛ sɔrɔnna wo kuma.”

Yɔni 11:41

Anu ya kuri bɔ a dɛ la. Yisa ya a yɛ layɛlɛ san ma, a ko, “N Fa, n bi baraka birala i ye bawo i si i wɔlɔ matɔlɔ n na.

Yɔni 12:23

Yisa ya anu yabi ko, “Nde, Hadama-danta gbiliya-wati ara gbɛrɛn.

Yɔni 13:21

Yisa banta kɛ fɔla tumɛ min, a yisi ya a tɔrɔ bɛrɛkɛ! A kumara ka a gbɛ ko, “N bi tonyɛ le fɔla wo ye, mɔgɔ kelen bi wo tɛma min si n don n yogenu bolo tɔ serr!”

Yɔni 18:37

Pailɛti ya a manyinika worɔ ko, “Nba, mansɛ le ile la worɔ, wa?” Yisa ya a yabi ko, “I wara tonyɛ le fɔ ko mansɛ le nde la. N nara duninya kɛ rɔ ko-kelen-pela ko la alako ka Allala tonyɛ fɔ mɔgɛnu ye. Min bɛɛ ye nyinina tonyɛ ma, wonu si anu tole masɔ n na.”

1 Timoti 1:15

A bɛnnɛ, bɛɛ ni la kuma kelen pe kɛ la ka a bira gben, ko, “Yisa Kirasiti nara duninya rɔ alako hakɛ-tiginu ni kisi,” tonya-kumɛ le wo la, ado nde ya hakɛ kɛ ka tenbi bɛɛ la.

Hiburunu 2:14

Nba, dan wonu, fɛrɛ-bɔnkɛ anubɛ yele le anu na. Yisa nyɛrɛ mara iko anu denu ka anuna mɔgɔyɛ-nyɔgɔn bi. A ya wo ma alako a si Setanɛta sɛnbɛ kasara nya min ata sayɛ fɛ, ado sɛnbɛ ye Setanɛ bolo nun ka mɔgɛnu faga.

Hiburunu 5:7

Yisa ye dugu-kole kɛ kuma tumɛ min, Alla min si ke a kisila sayɛ ma, a ya wo madiya a kulu-mayɛlɛnɛ anubɛ diyi la a bolo. Alla ya a wɔlɔ matɔlɔ Yisa la bawo a ya a famayigi ka madiyali kɛ, ado a telenta.