Yɔni 12:25 - ALLALA KUMƐ

²⁵ Ni min ya a nyɛrɛ niyi keni, wo si na foo a niyi la. Kɔnɔ ni min niyi gboyara a ye duninya kɛ rɔ, wo ti foo a niyi la habadan!

Yɔni 12:25 ပူးပေါင်းရင်းမြစ်များ

Makawandili Kumɛnu 2:17

Ka to n niyi la, wo bɛɛ sɔgɛ la ara bɔ n na lasi, bawo n ma kun-nadiya sɔrɔn kɛ fenfen tɔ. Wo bɛɛ ragbɛlɛ kati! Wo mani de iko mɔgɔ tenbi fɔnyɔ birala.

Matiyu 10:39

Min ba a raya ka a nyɛrɛ niyi lakisi, wo si bɔnɔ a rɔ. Min ba bɔnɔ a niyi rɔ ndela ko la, wo si a sɔrɔn.

Matiyu 16:25

ado mɔgɛ min bi a fɛ ka a nyɛrɛ niyi kisi, wo tigi si bɔnɔ a niyi la. Kɔnɔ min bi bɔnɔna a niyi la ndela ko la, wo tigi si a niyi sɔrɔn.

Matiyu 19:29

ado min bɛɛ ara ala bɔn to, anubɛ a na-kelen-nyɔgɛnu, anubɛ a sɔrɔnnɛnu, anubɛ ala dannu, hali ata sɛnɛ-kɛ-tinɛ ndela ko la, wo si wo nyɔgɔn kɛmɛ sɔrɔn anubɛ habadan-nimayɛ fanan.

Maraka 8:35

ado mɔgɛ min bi a fɛ ka a nyɛrɛ niyi kisi, wo tigi si bɔnɔ a niyi la. Kɔnɔ min bi bɔnɔna a niyi la nde anubɛ kibara-nyimɛla ko la, wo niyi la si kisi.

Luka 14:26

“Mɔgɔ-wo-mɔgɔ nara nde wara, a ti ke mala nna karan-dan la fɔ a wa a kan-kɔ sɔ a na anubɛ a fa la, ala musi anubɛ ala dannu anubɛ a na-kelen-nyɔgɛnu anubɛ a nyɛrɛ fanan.

Luka 17:33

Mɔgɔ-wo-mɔgɔ min ba a raya ka a nyɛrɛ niyi lakisi, wo si bɔnɔ a rɔ. Mɔgɔ-wo-mɔgɔ min ba bɔnɔ a niyi rɔ, wo si a sɔrɔn.

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Kɛwɔlɛnu 21:13

Kɔnɔ Pɔli ya anu manyinika ko, “Wo ye dila nfenna? Wo ye n yisi le tinyana wo la! Ka a fɔ ko anu ni n kiri Yerusalɛm, n tabɛnnɛ wola ko la. Hali anu ba n faga Mari Yisala ko la, tana ma wo la.”

Hiburunu 11:35

Anuna dɛnkɛninyɛ fɛ, musinu ya anuna mɔgɛnu kunyɛ bɔ lakira bonda-dɛ kɔrɔ. Yanni donu ni anu ban Alla la, anu sɔnta ka tɔrɔya ha ka faga bawo yigi ye anu bolo ko anu si wuli ka nimaya-bɛrɛ sɔrɔn.

Lankɛnimayɛ 12:11

Ma na-kelen-nyɔgɛnu ya Setanɛ nɔ saga-dan-yele anubɛ anuta sereyɛ fɛ. Anu sɔnta ko anu ni anu niyi fili ka faga.