Yɔni 12:20 - ALLALA KUMƐ

²⁰ Ladiyɛ kɛ wati rɔ, sibolo-gbɛrɛ donu bi anu tɛma nun minnu tara batoli-kɛ-tinɛ Yerusalɛm.

Yɔni 12:20 ပူးပေါင်းရင်းမြစ်များ

Aiseya 11:10

Wati ye nala, mansa-kurɛ do si bɔ Dawuda bɔnsɔn rɔ, wo si ma tamasere la duninya bɛɛ ye. Sibolenu na si dɛn ata mansaya-soe burɔ ka nyɔ gbiliya.

Maraka 7:26

Musi wo, sibolo-gbɛrɛ le min sɔrɔnta Finisiya sigisɔn rɔ Siriya nyamanɛ rɔ. A ya Yisa madiya ko a ni nyinɛ wo gben ala dunmusi fɛ.

Yɔni 12:1

Kanan-Ko-Ladiyɛ ara to tele wɔrɔ, Yisa tara Bɛtani soe burɔ. A ya Lasarasi min nawuli ka bɔ furinu tɛma, a tara wo warɛ.

Yɔni 12:19

Farisinu ya a fɔ anu nyɔgɔn ye ko, “Wo ma a yen, ma sa a nɔla hali! A mafɛlɛn, duninya-mɔgɛ bɛɛ bilanɛ a fɛ!”

Yɔni 7:35

Yahudiyanuna kun-tiginu ya a fɔ anu nyɔgɔn ye ko, “A ye tala mintɔ, male ti a yen kan min? A si ta sibolo-gbɛrɛnu karan anuna soenu tɔ mala mɔgɛnu siginɛ kan min?

Kɛwɔlɛnu 14:1

Pɔli anubɛ Banabasi tara kawandili bɔ Yahudiya-dina-bɔn la Aikoniyam soe burɔ iko anu ya a ma Antiyaki soe burɔ nya min. Anuna kumɛ ya a ma, Yahudiya-nyama-ba anubɛ sibolo-gbɛrɛnu dɛnkɛninyara.

Kɛwɔlɛnu 16:1

Pɔli anubɛ Sailasi tara Dabi anubɛ Lisitira soenu tɔ. Dɛnkɛninya-mɔgɛ do ye nyɔ, a tɔgɔ Timoti. A na fanan lanɛ Yisa la. Yahudiya le a na la kɔnɔ a fa, Kiriki le.

Kɛwɔlɛnu 17:4

Yahudiya donu lara kumɛ wo la, woletɔ anu kofura Pɔli anubɛ Sailasi ma. Kiriki minnu bi Alla batola, wo siyaman dɛnkɛninyara anubɛ musu-tɔgɔlamɛ siyaman.

Kɛwɔlɛnu 20:21

A Yahudiya wo, a sibolo-gbɛrɛ wo, n ya a fɔ anu filɛ bɛɛ ye ko anu ni anu kan-kɔ sɔ anu hakɛ la ka anu yɛ lamunun Alla la ka dɛnkɛninya Mari Yisa ma.

Kɛwɔlɛnu 21:28

Anu ya a lasɔnkɔ ko, “Isirɛla mɔgɛnu! Wo ni ma dɛnbɛ! Kei kɛ le ye tala dinkirɛ bɛɛ. A ye mɔgɛ bɛɛ karanna Isirɛla mɔgɛnu kan ma anubɛ Musata tɔn kan ma anubɛ Alla-Bato-Bɔn kɛ kan ma. Nba kaka, a ara na sibolo-gbɛrɛnu na Alla-Bato-Bɔn la ka kan-tina-sɛnimɛ kɛ latinya!” (

Kɛwɔlɛnu 8:27

Woletɔ Filipi ya a rabɛn. A ya kilɛ wo bira. Nba, Itiyopiya-kun-tigi do ye bɔla kilɛ wo fɛ ka ta a warɛ. Kun-tigi-ba le wo la nun. Ale le ye Itiyopiya musu-mansɛ Kandasila nɔnfuli bɛɛ kun na. A tara Alla bato tinɛ Yerusalɛm.

Romu 1:16

N lanɛ kibara-nyimɛ la gben! Allala sɛnbɛ le wo la alako mɔgɛ bɛɛ si na kisi nya min, a fɔlɔtɛ le Yahudiyanu na, wo kɔma sibolo-gbɛrɛnu fanan, min bɛɛ lanɛ Yisa la, kɔni.

Romu 10:12

a Yahudiya wo, a sibolo-gbɛrɛ wo. Ma damasi kelen. Alla kelen pe le Mari la mɔgɛ bɛɛ ye. Minnu ba Mari rakele, a si ata duwɛ layigi wonu kuma foninsereyɛ rɔ.

Kalesiya 2:3

N ta-nyɔgɛ Taita, Kiriki le wo la kɔnɔ hali wo, chɔchi-kunyɛnu ma a fɔrɔsɛ kemininya-koe ma anuna tɔn fɛ.

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.

Kɔlɔsi 3:11

Yahudiya wo, Yahudiya ma minnu na wo, kemininya wo, kemininyabɛli wo, mɔgɔ-gbɛrɛkɛ wo, ko-lɔnbɛli wo, hɔrɔ wo, yɔɔn wo, dan-nafarɛ sa wo fenfen tɔ ni-kurɛ kɛ rɔ. Kirasiti tenbira koe kɛ bɛɛsi la, ado ale siginɛ wo bɛɛ yisi rɔ!