Yɔni 11:43 - ALLALA KUMƐ

⁴³ A ya kɛ fɔ tumɛ min, a ya keleli kɛ a kulu-mayɛlɛnɛ la, a ko, “Lasarasi, i lawuli! Bɔ luyi ma!”

Yɔni 11:43 ပူးပေါင်းရင်းမြစ်များ

Maraka 4:41

Kɔnɔ anu kun makɔra kati! Anu wulita a fɔla anu nyɔgɔn ye ko, “Nfen mɔgɔ-sufa ye kɛ la? Hali fɔnyɔ anubɛ yi ye ala kumɛ birala!”

Yɔni 11:42

N ya a lɔn ko i wɔlɔ matɔlɔnɛ n na tuma-wo-tuma kɔnɔ n bi kɛ fɔla mɔgɛ kɛnu denuna ko la yan. Woletɔ anu si la a la ko ile le ya n sɔ.”

Yɔni 11:44

Lasarasi bɔra faran rɔ. A bolenu anubɛ a kiannu makirinɛ kasankɛ la. A kunyɛ fanan makirinɛ kasankɛ la. Yisa ya a fɔ anu ye ko, “Wo ni kasankɛ bɔ a ma. A ni ta.”

Yɔni 12:1

Kanan-Ko-Ladiyɛ ara to tele wɔrɔ, Yisa tara Bɛtani soe burɔ. A ya Lasarasi min nawuli ka bɔ furinu tɛma, a tara wo warɛ.

Yɔni 12:9

Yahudiya-nyama-ba ya a lamɔɛn ko Yisa ye Bɛtani, woletɔ anu tara nyɔ. Anu ma ta Yisa yen-koe la dɔrɔn! Anu tara Lasarasi yen-koe la fanan, Yisa ya min nawuli ka bɔ furinu tɛma.

Kɛwɔlɛnu 3:12

Pita ya mɔgɛ wonu nadɛnnɛ yen tumɛ min, a ya a fɔ anu ye ko, “N ta-nyɔgɛ Isirɛla kɛnu, wo ye kawala kɛ ma kama? Wo ye tola ma mafɛlɛnna nfenna? Wo ya a lɔn ko ma nyɛrɛta sɛnbɛ le ya a lakɛndɛya, wa? Ma nyɛrɛta sɛnbɛ anubɛ sɛninyɛ ma a ma, kei kɛ ye tagamana de!

Kɛwɔlɛnu 3:6

Kɔnɔ Pita ya a fɔ a ye ko, “Wodi sa n bolo kɔnɔ min bi n bolo, n si wo di i ma. Yisa Nasarɛti kɛ, Allata-Mɔgɔ-Yabɔnɛ tɔgɛ rɔ, i lasɔ. I ni tagama!”

Kɛwɔlɛnu 9:34

Pita ya a fɔ a ye ko, “Eniyasi, Yisa, Allata-Mɔgɔ-Yabɔnɛ ara i lakɛndɛya. I lasɔ. I ni ila nyandan lamini.” Eniyasi ya a lasɔ tiriya!

Kɛwɔlɛnu 9:40

Pita ya anu dama labɔ bɔn la. Anuna bɔɛ kɔma, a ya a nyɛnkin ka Alla matara. Wo kɔma, a ya a yɛ lamunun furi la. A ko, “Tabita, i lasɔ.” Tabita ya a yɛ laka. A ya Pita yen tumɛ min, a ya a sigi.