Yɔni 11:40 - ALLALA KUMƐ

⁴⁰ Yisa ya a fɔ a ye ko, “N ma a fɔ i ye nun ko ni i dɛnkɛninyara, i si Allala gbiliyɛ yen?”

Yɔni 11:40 ပူးပေါင်းရင်းမြစ်များ

2 Ko-Kɔrɔta-Karan 20:20

Wo banda kɛ subaga, mɔgɛ bɛɛ ya a lawuli ka ta wula-da-rakolɔn wo ma min bi Tekoya soe wara la. Yanni anu ni wuli, Mansa Yɛhosafati ya a fɔ anu ye ko, “Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo bɛɛsi ni lanayɛ sa wota Mari Alla rɔ. Wo wa ke, wo ni wo sɔ gben! Wo ni la Marita kumɛ la ala nɛbinu ya min fɔ wo ye. Wo si a ma, wo ni nɔlɛ sɔrɔn anu kuma.”

Yaburi 63:2

I yen-sɔgɛ ye n na ila Bato-Bɔn la. Ila sɛnbɛ anubɛ ila gbiliyɛ yen-sɔgɛ ye n na.

Yaburi 90:16

I ni a ma, ma ni ita kabana-koenu yen ma yɛ la. Ma kegeyɛnu ni ita gbiliya-makawanɛnu yen.

Bɔ-Koe-Iyipiti 16:7

bawo Mari ara wo gbunya-kan lamɔɛn. Bandɛ wa ka sina, wo si ata gbiliyɛ yen wo nyɛrɛ yɛ la. Nfenna wo ye kɔrɔtɔla male ma Allata kumɛ latenbi koe la wo ma?”

Matiyu 17:20

Yisa ya anu yabi ko, “Wo mara le bawo wola dɛnkɛninyɛ ma kolo. Wo ni wo hɛnkili to kɛ ko! Ni dɛnkɛninyɛ ye wo bolo min kolo ka ke foni-kole rɔ, wo si ke a fɔla kɔnkɛ kɛ ma ko, ‘Bɔ yan ka ta pan!’ A si ta, ado wo si ke koe bɛɛ kɛla dɛnkɛninyɛ fɛ! [

Maraka 9:23

Yisa ko, “Nfenna i ko ni n si ke? Dɛnkɛninyɛ ye min bolo, wo si ke koe bɛɛ kɛla.”

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 11:4

Yisa ya wo lamɔɛn tumɛ min, a ko, “Lasarasila kirayɛ ti a laban sayɛ ma. Kɛ mara alako Alla ni gbiliyɛ sɔrɔn. Alla si gbiliyɛ di ala dan ma kirayɛ kɛ fɛ.”

Yɔni 12:41

Nɛbi Aiseya ya kɛ sɛbɛ bawo Alla ya Yisala gbiliyɛ yira a la nun ka ala koe sɛbɛ.

Yɔni 9:3

Yisa ya anu yabi ko, “A nyɛrɛta hakɛ ma. A sɔrɔnnɛnuta hakɛ ma. A fiyonyara alako Allala sɛnbɛ ma si yira ale rɔ nya min.

Romu 6:4

Ma batasira tumɛ min, mabɛ Yisa togonta ma nyɔgɔn fɛ. Wo le, iko Kirasiti wulita nya min ka bɔ furinu tɛma ma Fa Allata gbiliyɛ anubɛ sɛnbɛ fɛ, male fanan ni to ni-kurɛ rɔ wo nya na le.

2 Kɔrɛnti 3:18

Ma dama ya-makanɛ ye Marita gbiliyɛ mayirala, ado gbiliya kelan wo ye bɔla Marita Ni-Sɛnimɛ le bolo. Ale le ye ma yɛlɛmana alako ma kɛ-nya ni ma iko ale. Wo si a ma, a ni to ala gbiliya-makawanɛ dila ma ma Marita Ni-Sɛnimɛ baraka rɔ.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.