Yɔni 11:26 - ALLALA KUMƐ

²⁶ ado minnu bara habadan-nimayɛ sɔrɔn bawo anu dɛnkɛninyara n ma, wo ti halaki mumɛ! I lara wo la?”

Yɔni 11:26 ပူးပေါင်းရင်းမြစ်များ

Matiyu 26:53

I ma a lɔn nun ko n si ke ka n Fa Alla kele ko a ni n dɛnbɛ? Ni n ya wo ma, a si melika-kɛlɛ-bolon waga-tan-ni-fila (12,000) lana n ma tiriya!

Matiyu 9:28

Yisa donta bɔn la tumɛ min, kei-fiyon filɛ wonu nara a wara. A ya anu manyinika ko, “Wo lanɛ a la ko n si ke wo yɛ lakala, wa?” Anu ya a yabi ko, “Ma tigi, ɔnde!”

Maraka 9:23

Yisa ko, “Nfenna i ko ni n si ke? Dɛnkɛninyɛ ye min bolo, wo si ke koe bɛɛ kɛla.”

Yɔni 10:28

N si habadan-nimayɛ di anu ma. Anu ti halaki mumɛ! Mɔgɔ-wo-mɔgɔ ti ke anu fɔrɔnna n bolo.

Yɔni 14:10

Filipi, ko n bi n Fa Alla rɔ, n Fa Alla fanan bi nde rɔ, i ma la wo la?” Yisa ya a fɔ ala karan-dannu ye ko, “N bara kumɛ minnu fɔ wo ye, nta kuma ma wonu na. N Fa Alla min bi nde rɔ, wo le ye ata wɔli kɛ kɛla.

Yɔni 4:14

Kɔnɔ nde si yi min di mɔgɛ ma, ni wo ya wo min, a kan la ti gbala tun mumɛ! A ye wo nya le bawo n si yi min di a ma, wo si ma a burɔ iko tenke ka ma nimaya-yi la a ye. N si habadan-nimayɛ di a ma.”

Yɔni 5:24

“N bi tonyɛ fɔla wo ye, min ba nna kumɛ lamɔɛn ka dɛnkɛninya n Fa Alla ma min ya n sɔ, habadan-nimayɛ ye wo bolo. Kiti sa wo tigi ma. A manɛ iko mɔgɛ min bara faga nun kɔnɔ kaka, a ara niyi-kurɛ sɔrɔn tun.

Yɔni 6:47

N bi tonyɛ fɔla wo ye, min ba dɛnkɛninya nde ma, habadan-nimayɛ ye wo bolo.

Yɔni 9:35

Yisa ya a lamɔɛn ko anu bara kei wo gben tumɛ min, a tara a nyini. A ya a yen min kɛ, a ya fɔ a ye ko, “I wara dɛnkɛninya ale, Hadama-dan ma, wa?”

Romu 8:13

Ni wo tora ko ladanna iko wo kɛ-nya-kɔrɛnu bi nya min, wo ye fagala le. Kɔnɔ ni Allata Ni-Sɛnimɛ ya wo dɛnbɛ ka hakɛ-koe faga wo rɔ, wo si ni-bɛrɛ sɔrɔn serr!