Yɔni 10:35 - ALLALA KUMƐ

³⁵ Ma ya a lɔn ko min sɛbɛnɛ Allata kitabu rɔ, tonyɛ le wo la tɛban! Nba, Allala kumɛ dira mɔgɛ minnu ma, Alla ya a fɔ wonu ma ko Allala Dannu.

Yɔni 10:35 ပူးပေါင်းရင်းမြစ်များ

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

2 Samuwɛli 7:5

“Ta a fɔ nna wɔli-kɛla Dawuda ye ko ale ti nna bɔn sɔ.

1 Ko-Kɔrɔta-Karan 22:8

Kɔnɔ Mari ya a fɔ n ye ko n ya kɛlɛ-siyaman kɛ ka mɔgɔ-siyaman faga. Bawo n bara yele-siyaman nabɔ, woletɔ a ma sɔn n ni a Bato-Bɔn sɔ.

2 Ko-Kɔrɔta-Karan 19:2

Hananila den Nɛbi Yehu tara mansɛ taran ka a fɔ a ye ko, “I miri de! Alla gboyanɛ karagbɛlɛ minnu ye, a kin ka wonu dɛnbɛ, wa? I wara min ma kɛ la, wo ara Mari fonde bɔ i kan ma.

Matiyu 24:35

San-kole anubɛ dugu-kole si tenbi kɔnɔ nna kumɛ ti tenbi mumɛ!

Matiyu 27:35

Anu ya a gbangban kɔlɔma ma. Wo kɔma, anu ya korɔn lakɛ ala durukinu tatala-koe ma anu nyɔgɔn tɛma.

Matiyu 5:18

Wo ni wo hɛnkili to kɛ ko! Fananta san-kole anubɛ dugu-kole ye nyɔ, hali a nyantarani, a ti bɔ tɔn la fɔ tɔn bɛɛ da ni fa.

Luka 16:17

Kɔnɔ iko san-kole anubɛ dugu-kole kɛ ti ban nya min, hali tɔn kɛ nyantarani kelen bɛrɛn ti ban worɔ.

Yɔni 10:34

Yisa ya anu yabi ko, “A sɛbɛnɛ wola tɔn-kitabu rɔ ko Alla ko Allala Dannu de wole la.

Yɔni 10:36

Nba, nde don! N Fa ya n sɛninya ka n sɔ duninya kɛ rɔ. N ya a fɔ min kɛ ko Allala dan le nde la, wo ye a fɔla kama worɔ ko n bi n ya-donna Alla la?

Yɔni 19:28

Wo kɔma, Yisa ya a lɔn ko Alla ara wɔli min bɛɛ di a ma, a ara wo bɛɛ kanbali feu! A ko, “N kan la ara gbala.” A ya wo fɔ alako min sɛbɛnɛ Allata kitabu rɔ, wo ni bɔ-a-la.

Kɛwɔlɛnu 1:16

“N diyana-mɔgɛnu, Mansa Dawuda ya Yudasi wara-koe min sɛbɛ Allata kitabu rɔ Allala Ni-Sɛnimɛ baraka rɔ, fɔ wo ni bɔ-a-la. Yudasi min bi ma fɛ nun, Yisa ara wo yabɔ alako mabɛ wo ni wɔli ma nyɔgɔn fɛ. Kɔnɔ ale Yudasi sɔra Yisa biralɛnu yarɔ.” (

Romu 13:1

Mɔgɛ bɛɛ ni nyamanita mɔgɔ-banuna kumɛ bira. Ma ni wo ma bawo kun-tigi wo kun-tigi sa nyɔ Alla ma min sigi. Alla kelen pe le si sɛnbɛ di mɔgɛ ma ka mansayɛ kɛ.

Tɔn-Fɔɛ-Fila-Nyɔgɛ 18:15

Yanni wo ni kɛ ma, wota Mari Alla si to ata nɛbinu nanala ka bɔ wo tɛma minnu si ma iko nde, Musa. Wo ni wonu kuman-kan bira.

1 Samuwɛli 15:1

Samuwɛli ya a fɔ Mansa Sɔli ye ko, “Mari le nyɛrɛ ya nde sɔ ka ile dantɛgɛ. Ile mara Isirɛla mɔgɛnuna mansɛ la. I tole masɔ. Mari Sɛnbɛ-Bɛɛ-Tigi si na min fɔ, i ni wo lamɔɛn.

1 Samuwɛli 28:6

Woletɔ a ya Mari manyinika wola ko la. Kɔnɔ Mari ma sɔn a yabila kiyo rɔ anubɛ kuru filɛ wonu fɛ, Yurim anubɛ Tumin, kɔni, hali nɛbinu fɛ.

1 Samuwɛli 30:8

Dawuda ya Mari manyinika, a ko, “N ni mɔgɛ kɛnu sagaran, ba? N si anu nasɔrɔn?” Mari ya a fɔ a ye ko, “Ta, i si ke anu tɔ. Anu bara ila mɔgɛ minnu bɛɛsi bira, wo si wonu kunka.”