Yɔni 10:27 - ALLALA KUMƐ

²⁷ Nna sagɛnu si anu tole masɔ n kan la. N ya anu lɔn, ado anu si bila n fɛ.

Yɔni 10:27 ပူးပေါင်းရင်းမြစ်များ

1 Mansɛnu 18:21

Isirɛla mɔgɛnu kenɛ nyɔ, Nɛbi Ilaya sɔra mɔgɛnu yakɔrɔ ka a fɔ anu ye ko, “Wo si to tagamana Marita kilɛ anubɛ Beyalita kilɛ fɛ ha muntuma? Ni Mari le Alla la, wo ni ale bato. Kɔnɔ ni wota alla le Beyali kɛ la, wo ni to wo kɔla.” Kɔnɔ hali dafa, Isirɛla mɔgɛnu ma a tɛgɛ.

Aiseya 66:22

Wola dannu anubɛ wole tɔgɛ mankan si to iko san-kolo-kurɛ anubɛ dugu-kolo-kurɛ si to nya min.

Matiyu 16:24

Wo kɔma, Yisa ya a fɔ ala karan-dannu ye ko, “Ni mɔgɔ-wo-mɔgɔ ye a fɛ ka bila n fɛ, fɔ a ni a nyɛrɛ wara-koe boloka ka a nyɛrɛ faga-kɔn bi ka bila n fɛ,

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Matiyu 25:12

“Kɔnɔ kɔnyɔ-tigi ya anu yabi ko, ‘Nde ma wo lɔn mumɛ!’ ”

Matiyu 7:23

Nba, n si a fɔ wonu ye worɔ ko, ‘N ma wo lɔn mumɛ! Wo bɔ n fɛ, wole ko-yogoma-kɛlɛnu!’

Maraka 10:21

Yisa ya a mafɛlɛn sin! Keminɛ wola ko diyara a ye. A ko, “A tonɛ ko kelen ma gbɛ, ta i bolo-fan bɛɛ feri ka wodi wo di bolo-kolɔnnu ma. I si nɔnfuli sɔrɔn Arinyɛni tɔ. Wo kɔma, i ni na bila n fɛ.”

Maraka 8:34

Yisa ya nyama anubɛ ala karan-dannu kele a wara. A ya a fɔ anu ye ko, “Ni mɔgɔ-wo-mɔgɔ ye a fɛ ka bila n fɛ, fɔ a ni a nyɛrɛ wara-koe boloka ka a nyɛrɛ faga-kɔn bi ka bila n fɛ,

Luka 13:27

Kɔnɔ a si a fɔ fanan tun ko, ‘N ma wo bɔ tinɛ lɔn. Wo bɔ n fɛ, wole ko-yogoma-kɛlɛnu!’

Luka 9:23

A ya a fɔ anu damasi ye ko, “Ni mɔgɔ-wo-mɔgɔ ye a fɛ ka bila nde fɛ, a ni a nyɛrɛ wara-koe bɔrɔbɔ. Tele-wo-tele, a ni a nyɛrɛ faga-kɔlɔma bi ka bila n fɛ.

Yɔni 10:14

“Saga-fɛ-birala-nyimɛ le nde la. N Fa Alla ya nde lɔn nya min, nde fanan ya a lɔn wo nya le, ado n ya nna sagɛnu lɔn wo nya na le. Anu fanan ya nde lɔn. N si sɔn ka faga anuna ko la.

Yɔni 10:16

Saga-dogbɛrɛnu bi n bolo minnu sa saga-kulɛ kɛ rɔ. Fɔ n ni na wonu fanan na. Anu si anu tole masɔ n kan la. Wonu si ma kurun kelen na saga-fɛ-birala kelan wo kɔrɔ.

Yɔni 10:8

Min bɛɛ nara nde yarɔ, kankan le wonu na anubɛ bui-ma-kɛlɛnu. Kɔnɔ sagɛnu ma anu tole masɔ wonu kan la.

Yɔni 12:26

Ni min bi a fɛ ka wɔli n ye, fɔ wo ni bila n fɛ. Woletɔ n bi kan min, nna wɔli-kɛlɛ si taran n fɛ nyɔ. Min ba wɔli n ye, n Fa Alla si gbiliyɛ di wo tigi ma.”

Yɔni 21:22

Yisa ya a yabi ko, “Ni n bi a fɛ, ale ni to ha n ni na, ila ko le wo rɔ? Bila n fɛ tun!”

Yɔni 5:25

“N bi tonyɛ fɔla wo ye, wati ye nala, ado nfan, a ara ke, furinu si nde, Allala dan kan lamɔɛn. Minnu ba n kan lamɔɛn, wonu niyi si sɛgi anu tɔ tun.

Yɔni 8:12

Yisa kumara Farisinu ye tun ko, “Duninya-waan le nde la. Min ba bila n fɛ, wo si waan sɔrɔn min si niyi di mɔgɛnu ma. A ti tagama pinpi rɔ tun mumɛ!”

Yɔni 8:43

N bi min fɔla, nfenna wo sa wo nya-yenna? Ado nfan, wo ti ke wo nya-yenna bawo wo sa sɔnna nna kumɛ lamɔɛnna.

Kɛwɔlɛnu 3:23

A ko fanan ko ni mɔgɔ-wo-mɔgɔ ma a tole masɔ nɛbi wo la, Alla si wo tigi bɔ ata mɔgɛnu tɛma ka a halaki pɔ!

1 Kɔrɛnti 8:3

Kɔnɔ Alla keninɛ minnu bolo, a ya wonu lɔn.

Kalesiya 4:9

Nba kaka, wo ya Alla lɔn, ado min fisa, n ni a fɔ ko Alla ya wole le lɔn ata dannu na. Nfenna worɔ, wo ye a fɛ ka sɛgi nyina-sɛnbɛbɔnɔ-fuyi wonu ma tun? Nfenna wo ye a fɛ ka ma wonuna yɔɔn la tun?

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”

Hiburunu 3:7

Iko Allata Ni-Sɛnimɛ ya a fɔ nya min, a ko, “Ni wo ya nna kuman-kan lamɔɛn bi,

Lankɛnimayɛ 14:4

Mɔgɛ wonu ma anu nyɛrɛ latinya musinu fɛ. Kei-lasolonnɛ le anu dama la. Saga-dan tara kan-bo-kan, anu si bila a fɛ nyɔ. Anu kunkara mɔgɔ-toenu tɛma, ado anu denu fɔlɔn mara Alla anubɛ saga-dantɛ la.

Lankɛnimayɛ 3:20

Wo ni wo tole masɔ! N sɔnɛ dɛ la ka a matugu. Ni mɔgɔ-wo-mɔgɔ ya n kan lamɔɛn ka dɛ laka n ye, n si don wola bɔn la ka fen-dɔn-kɛ a fɛ. Ale fanan si fen-dɔn-kɛ n fɛ.