Isikiyɛli 7:27 - ALLALA KUMƐ

²⁷ Wola mansɛnu si to dila. Anuna dannu kumakɔnɛ si to. Mɔgɛ bɛɛ ra si maga kilan bolo. N si wo tɔrɔ ka a tɛgɛ wo ara minnu ma. N si wo kiti iko wo duruta doinu kitila nya min. Wo si a yira wo la wo rɔ ko Mari le nde la.”

Isikiyɛli 7:27 ပူးပေါင်းရင်းမြစ်များ

1 Mansɛnu 20:28

Nɛbi do tara a fɔ Mansa Ehabu ye ko, “Mari ko bawo Siriyanu bi a fɔla ko Isirɛlata Alla ye kɔnkɛnu dɔrɔn kuma, a sa lɛɛnu tɔ, wo le ye a mala, a ye sɛnbɛ dila Isirɛla mɔgɛnu ma Siriyanu kuma. Mari ko wo si a ma, wobɛ ila mɔgɛnu ni a lɔn ko Mari le ale la.”

Yobu 8:22

Ila ko-gboyanɛ minnu ye, a si wonu nayarabi. Kɔnɔ karagbɛlɛnuna bɔnnu si kasara pɔ!

Yaburi 109:18

Dankalɛ namanɛ a da rɔ iko a nyɛrɛ kan-na-duruki si bɔ a kan na nya min. Alamɛ ata dankɛ wonu ya a nyɛrɛ kimɛ iko yi yɔgbɔ! Alamɛ anu donta a kole rɔ iko tuli.

Yaburi 109:19

Alamɛ dankalɛ wonu mara fɛrɛya-bɔɛ la a ye. Alamɛ anu mara butɛ-kiri la a ye.

Yaburi 109:29

Alamɛ n yogenu miliyara kɔgɔrɔyɔlɔ! Alamɛ miliyɛ wo mara anu kan-ma-duruki la.

Yaburi 35:26

Minnu sewanɛ nta tɔrɔyɛla ko la, alamɛ wonu ya nanparan sɔrɔn ka yarabi. Minnu bi anu nyɛrɛ kɔrɔbila ka tenbi nde la, alamɛ miliyɛ donta wonu kun na yorobi!

Yaburi 9:16

Mari ye a kɛ-nya yirala ala mɔgɛnu na iko a ye kiti tɛgɛla a kilɛ fɛ nya min. Karagbɛlɛnu fanan si bira anu nyɛrɛta yili-lasiginɛ la.

Aiseya 3:11

Kɔnɔ ko-yogoma-kɛlɛnu tinya-koe ara to a ma. Anu ya koe min sigi mɔgɛnu na fɔ wo wa sigi anu denu fanan ma.

Isikiyɛli 14:23

I ye a lɔnna wo wati le tɔ ko wo ma-kɔrɛ ye n bolo. Nde, wo Tigi Mari kan le kɛ la.”

Isikiyɛli 18:30

“Woletɔ nde, wo Tigi Mari ye a fɔla Isirɛla mɔgɛnu ye ko n si anu dama kiti kelen-kelenyɛ ma iko bɛɛta kɛwɔlɛ ye nya min. Anu ni anu kan-kɔ sɔ anuna karagbɛlɛyɛ bɛɛ la. Anu ka a ma, anuna hakɛ ni anu halaki.

Isikiyɛli 21:25

“I ni a fɔ Isirɛla mansɛ ye ko nde, wo Tigi Mari kan le kɛ la. Ale Isirɛla mansa-yogomɛ, min sɛninyabɛlɛ ni a makɔnɔ tun. Ata tɔrɔyɛ ye a kɔma. Ale nyɛrɛ ni ala mansaya-fulɛ wo pope a kunyɛ la. Fenfen ra ti kɛnya tun! Bolo-kolɔnnu si ma sɛnbɛ-tiginu na. Sɛnbɛ-tiginu si ma yɔɔnnu na.

Isikiyɛli 26:16

Sibolo-gbɛrɛ-mansɛ minnu siginɛ yi dala, wonu si bɔ anuna mansaya-sigi-fannu tɔ ka anuna mansaya-durukinu bɔ anu kan na. Anu si anuna duruku-bonnɛnu bɔ anu kan na ka to yɛrɛyɛrɛnna dugu-kole kuma. Dan ti taran anuna yɛrɛyɛran la ka a tɛgɛ Taya kɛnu kasara nya ma.

Isikiyɛli 7:3

“Wole Isirɛla mɔgɛnu laban-wati ara ke. Wo si nna yisi-bɔɛ lɔn ka a tɛgɛ wo ara min ma. Wo ara kisimiriya-koe minnu nadan, n bi wo sarala wonuna ko la.

Isikiyɛli 8:1

Mala biralɛ san wɔrɔ nyɔgɛ a karɛ wɔrɔ nyɔgɛ wo tele loli nyɔgɛ ma, wulɔn tele ma, mabɛ Yuda mɔgɔ-biranɛnuna kun-tiginu siginɛ n barɛ bɔn la nyɔ. Tiriyante wo rɔ, n Tigi Mari Allata Sɛnbɛ yigira n kuma.

Yowɛli 3:17

A ko wole, Isirɛla mɔgɛnu si a lɔn wati wo rɔ ko wota Mari Alla le ale la. A ko ale le ye a mayigila ata kɔnkɔ-sɛnimɛ kuma. A ko Yerusalɛm soe si ma so-sɛnimɛ la. Sibolo-gbɛrɛnu ti nɔ-ko sɔrɔn a ma tun!

Matiyu 7:2

bawo wo ye mɔgɛnu yilikila nya min, Alla ye wole fanan yilikila wo nya na le. Wo wa a ma mɔgɛnu ye nya min, Alla si a ma wole fanan ye wo nya na le.

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.