Isikiyɛli 7:26 - ALLALA KUMƐ

²⁶ Tɔrɔyɛ do tenbi banna, do ye nala. Yisi-tinya-kumɛ ye nala dɛɛ! Wo si to wola nɛbinu madiyala alako anu ni to yarɔ-koenu fɔla wo ye kɔnɔ anu ti wo kɔntɔ-diya-kuma fenfen fɔ. Wo karan-fen fenfen ti taran wola saraka-masɔlɛnu bolo. Hɛnkili-wo-hɛnkili ti taran wola kun-tiginu na.

Isikiyɛli 7:26 ပူးပေါင်းရင်းမြစ်များ

Yaburi 74:9

Mala kabana-ko-tamasere bɛɛ ara tunu don! Hali mala nɛbinu, anu ma anu to anu kɔma, ado mɔgɔ ma kɛ laban-wati lɔn.

Aiseya 47:11

Kasarɛ si na i ma. Ila duruya fenfen ti a lasɛgi. Tɔrɔyɛ si na i ma fenfen ti ke i kunyɛ bɔla min tɔ. Halakiyi si na i ma tiriya, i ma kiyo wɛ halakiyi min sufa la wɛ, kɔni.

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 21:2

Anu ko n ni Mari madiya anu ye bawo Babilɔn mansɛ Nɛbukanasa ara na bui mala so-karantan ma. Anu ko tumado Mari si kabana-koe do kɛ ma ye min si a ma, Nɛbukanasa ni sɛgi a kɔma.

Yɛrɛmaya 37:17

Wati-tenbinɛ, Mansa Sɛdɛkaya ya n kele ala bolɔn la. N ke, a ya n kele n dan na ka n manyinika ni Marita sarakanɛ ye n bolo. N ya a fɔ a ye, n ko, “Ɔn. Mari si a ma, Babilɔn mansɛ ni i bira.”

Yɛrɛmaya 4:20

Kasarɛ ara sa kasarɛ kuma. Nyamanɛ bɛɛ ara halaki pɔ! Mata fani-bɔnnu bara halaki nya-kun-kelen. Fani-bɔn-yorolannu bara fogbɔ.

Nimisa Koe 2:9

Tarɛ wo don-da-wɛnu tora sani yefe-gbalɛ rɔ. A dɛ-balan-kɔnnu ta ara kerikeri. Nna mansɛ anubɛ nna mɔgɔ-banu bi biralɛ rɔ nyamani-gbɛrɛkɛnu tɔ. Nta saraka-masɔlɛnu sa mɔgɛnu karanna tɔn ma tun. Mari sa wɔlɔyiya-kumɛnu yirala nta nɛbinu ma tun.

Isikiyɛli 11:2

Mari ya a fɔ n ye ko, “Ile hadama-dan, kɛnu denu bi miriya-yogomɛnu tabɛnna ka Yerusalɛm kɛnu makawandi boloko-yogomɛ-kɛ.

Isikiyɛli 12:22

“Ile hadama-dan, nfenna mɔgɛnu bi sarandɛ kɛ sala ko, ‘Yanni wati kɛ ni ke, koe kɛ ye mala kɔnɔ anu kuman-kan ti bɔ anuna ko-rayirɛ rɔ’?

Isikiyɛli 14:1

Isirɛla mɔgɔ-ba donu nara sigi nde, Isikiyɛli dafɛ alako anu ni Mari sako lɔn.

Isikiyɛli 21:7

Anu ba i manyinika ko, ‘Nfen mara?’ I ni a fɔ ko, ‘N bara kuman-kan min namɔɛn, a tɛgɛnɛ wo le ma. Tɔrɔyɛ wo wa na tumɛ min, kilan si anu kumakɔ, anu bole si faga a la, anuna kerinteyɛ si anu baya, anu kian si to yɛrɛyɛrɛnna anu kɔrɔ, ado wo wati ara ke.’ ” Ale n Tigi Mari kan le kɛ la.

Isikiyɛli 22:26

Anuna saraka-masɔlɛnu bi tɔnnu tinyana ka ko-sɛnimɛnu nafɛya. Dan-nafara ma taran fen-sɛninyanɛ anubɛ fen-sɛninyabɛlɛnu tɛma anu yala. Anu sa mɔgɛnu karanna ka a lɔn ni Allatɛ ye min na anubɛ ni mɔgɛnutɛ ye min na. Sulen-Tele bira-koe bɔrɔ-wo-bɔrɔ sa anu ye. Ka a tɛgɛ anu sɔn wonu ma, n ma gbili Isirɛla mɔgɛnu ma tun.

Isikiyɛli 33:31

Woletɔ nta mɔgɛnu bi nala a kinkila nta kumɛ lamɔɛn-koe la i bolo. Kɔnɔ n bi min fɔla anu ye, anu ti wo ma. Keninteyɛ ye anu da-yanbɛ le la kɔnɔ fɔ anu bi kensunyɛ min kɛla darɔ-diyɛ la.

Isikiyɛli 8:1

Mala biralɛ san wɔrɔ nyɔgɛ a karɛ wɔrɔ nyɔgɛ wo tele loli nyɔgɛ ma, wulɔn tele ma, mabɛ Yuda mɔgɔ-biranɛnuna kun-tiginu siginɛ n barɛ bɔn la nyɔ. Tiriyante wo rɔ, n Tigi Mari Allata Sɛnbɛ yigira n kuma.

Saraka-Masɔlɛnuta Tɔnnu 26:18

“Hali n bi kɛ dama mala wo la, ni wo ma nna sereyanu natɔnbagaya, n si wo tɔrɔya ka tenbi a fɔlɔtɛ la.

Saraka-Masɔlɛnuta Tɔnnu 26:21

“Hali wo, ni wo ma wo kɛ-nya yɛlɛma n bara la, wo ma sɔn ka nna tɔnnu bira mumɛ, n si wota tɔrɔyɛ lagbɛlɛya ka tenbi a fila nyɔgɛ la.

Saraka-Masɔlɛnuta Tɔnnu 26:24

n si ma wo yoge la. N si n yɛ lamunun wo la ka kɛ wo ma taragba ka a lagbɛlɛya wo kuma gben! N si wo tɔrɔya kɛ rɔ ka tenbi a sawa nyɔgɛ la.

Saraka-Masɔlɛnuta Tɔnnu 26:28

n fonde si bɔ wo kuma ka tenbi a nani nyɔgɛ wo la.

Maika 3:6

a ara to doni, wole nɛbi-su kɛnuna wati ni ban. Bawo wo le ye ata mɔgɛnu nabilala ko-yogomɛ la min kɛ, woletɔ a ti ko-rayirɛ kɛ wo ye tun. Wo ti ke wɔlɔyiya-kumɛnu fɔla tun.

Malakayi 2:7

A ko ka mɔgɛnu karan ale Alla lɔn-koe ma, wole saraka-masɔlɛnuta wɔlɛ le wo la. A bɛnta, mɔgɛnu ni ta saraka-masɔlɛnu bara, ale Alla sako-lɔn-koe rɔ bawo ale Mari Sɛnbɛ-Bɛɛ-Tigita kilayɛ le wole la.

Malakayi 2:9

Mari ko wo si a ma, wo sɔgɛ la ni bɔ Isirɛla mɔgɛnu na bawo wo sa a sako kɛla. Min sanɛ wo kuma, a ko wo tenbi ala mɔgɛnu karanna, wo sa anu bira-bole rakɛnyana. Wo ye lafisayalɛ kɛla.

Tɔn-Fɔɛ-Fila-Nyɔgɛ 32:23

“Mari si yakɔrɔ-mamɔɛ anubɛ masiba-koenu nana wo kuma.

1 Samuwɛli 3:1

Samuwɛli ye Marita wɔlɛ kɛla Ilayi kɔrɔ wati min, Mari sa kuma-siyaman fɔla mɔgɛnu ye wo wati rɔ nun, ado ala ko-rayirɛ fanan ma siya mɔgɛnu ye.