Isikiyɛli 7:20 - ALLALA KUMƐ

²⁰ Wati donu tɔ nun, anu wasinɛ anuna dugu-kɔrɔ-nɔnfulinu tɔ kɔnɔ anu ya wonu denu bi ka wonu ma anuna bɛsi-yogoyanɛnu makiri-fan la. Woletɔ Mari ara a ma, anuna fen-kolomɛnu bara gboya anu ye.”

Isikiyɛli 7:20 ပူးပေါင်းရင်းမြစ်များ

2 Mansɛnu 21:4

Bato-Bɔn min sɔnɛ Mari nyɛrɛ-nyɛrɛ ye, a ya Alla-batobɛlɛnuna kɔ tinɛnu nadan nyɔ, ado Mari ko nyɔ sɔnɛ a kelen pe le ye.

2 Mansɛnu 21:7

A ara bɛsi-musumɛ min nadan kɔlɔma la min tɔgɛ Asura, a ya wo bi ka wo sigi Mari Bato-Bɔn la. Mari ara a fɔ Mansa Dawuda anubɛ ala den Mansa Silamɛni ye nyɔla ko la nun ko, “N bara Yerusalɛm soe kan-tina-kelan kɛ le yabɔ Isirɛla bɔnsɔn tan-ni-filɛ tɛma anu si to n batola kan min.

2 Ko-Kɔrɔta-Karan 2:9

alako anu ni kɔlɔma-siyaman sɔrɔn bawo n bi nala Bato-Bɔn min nadanna kɛ la, wo si koloya, a mafɛlɛn si kinya!

2 Ko-Kɔrɔta-Karan 36:14

Min sanɛ wo kuma, kun-tiginu anubɛ saraka-masɔlɛnu anubɛ Isirɛla mɔgɛnu tora ko yogomɛ mala iko sibolo-gbɛrɛ minnu bi anuna foolɛnu tɔ. Mari nyɛrɛ ara a Bato-Bɔn min sɛninya nun, anu ya wo latinya.

Ɛsira 3:12

Kina min bɛɛ ya Silamɛnita Bato-Bɔn yen, a saraka-masɔla wo, a Lifayi mɔgɔ wo, a kebila-kun wo, wonu bɛɛ dira anu sɛbɛ-kuna-wɛ la bawo Bato-Bon-kurɛ kɛ ma ke iko Mansa Silamɛnitɛ. Kɔnɔ min hɛnkili ma to Mansa Silamɛnita Bato-Bɔn ko, wonu ya a lawɔyɔ sewɛ bolo.

Yaburi 48:2

Allata kɔnkɛ kin, ado a layan. Mansa-makawanɛta soe ye sewɛ lanala duninya bɛɛ ma.

Yaburi 50:2

Yerusalɛm soe min kin, Allata waan ye malanna wo kuma.

Aiseya 30:22

Wola bɛsɛ minnu makirinɛ sɛnɛ anubɛ wodi-gbɛ la, wo si wonu nafili a rɔ iko fen-gbalɛ ka a fɔ ko, “Bɔ n yakɔrɔ.”

Aiseya 64:11

Ma benbanu taranta i batola ita bon-sɛnimɛ la kɔnɔ nyɔ ara mintan tɛ la gburr! Mala fen-kolomɛnu bara halaki pɔ!

Yɛrɛmaya 7:14

Woletɔ ale ara kan-tinɛ min yabɔ a bato-tinayɛ la Yerusalɛm, a si na nyɔ tinya pɔ, ado wo lara kan-tinɛ wo la dɔgɔma-ma-de! A ya nyɔ di wobɛ wo benbanu ma. Kɔnɔ hali wo, a ko a si nyɔ kasara iko a ya Sailo soe kasara nya min.

Yɛrɛmaya 7:30

Mari ko fenfen min yogo, wole Yuda kɛnu diyana-koe le wo la. Ale ya a bato-tinɛ min yabɔ wole, ata mɔgɛnu ye, wo ara ta wola kisimiriya-bɛsɛnu sɔla nyɔ. Wo ara kan-tinɛ wo latinya feu!

Nimisa Koe 1:10

Alla ara a fɔ Alla-lɔnbɛlɛ minnu ma ko anu kana don Bato-Bɔn la, Yerusalɛm kɛnu ya wonu yen donna nyɔ. Fen-kolomɛ minnu bi Bato-Bɔn la, Yerusalɛm yogenu bara ta wo bɛɛ la.

Nimisa Koe 2:1

N Tigi Mari ya ala diminyɛ burun Yerusalɛm kuma iko banda-finyɛ. A ara Isirɛla mɔgɛnuna fen-kolomɛ bɛɛ to fu! Ata diminyɛ ara a ma, hali a Bato-Bɔn, a ara a kɔɛn bɔ wo wara-koe rɔ feufeu!

Nimisa Koe 2:7

N Tigi Mari ya a kan-kɔ sɔ aleta saraka-mintan-tinɛ anubɛ a Bato-Bɔn la. A ya a ma, ma yogenu ya Bato-Bon-dandan labui. Male ye batoli kɛla kan min nun sewɛ la, ma yogenu bi wasawasɛ layɛlɛla nyɔ.

Isikiyɛli 11:18

Anu ba sɛgi Isirɛla nyamanɛ rɔ tumɛ min, anu bi bɛsi-makɔsɔnɛ minnu taranna nyɔ rɔ, fɔ anu ni wo bɛɛ kasara pɔ!

Isikiyɛli 16:16

I ya ila fɛrɛya-bɔɛ do bi ka a ma ila kɔnkɛ-kuma-bɛsi-kɔ-tinɛ rabɛn-fan la. I wara i nyɛrɛ latenbi kei bɛɛ ma iko musi-yɛlan. Kɛ ko-sufanu ma bɛn mumɛ!

Isikiyɛli 16:19

N ya dɔn-fen di i ma min nadannɛ dɛgɛ-munku-hakikɛ anubɛ tulu-hakikɛ anubɛ liyi la. Kɔnɔ i ya wonu ma bɛsɛ wonu nadiya-fan la. Nde, i Tigi Mari kan le kɛ la.

Isikiyɛli 23:38

Anu ma dan wo dɔrɔn ma. Anu ya nna Bato-Bɔn wo bɔrɔbɔ ka a latinya. N ya Sulen-Tele min natɛgɛ n nyɛrɛ ye, anu ya anu ban wo birɛ ma.

Isikiyɛli 24:21

a ko n ni sarakanɛ kɛ latenbi wo ma. A ko wole wasinɛ Bato-Bɔn sɛnbɛ le tɔ. A ko nyɔ di wo ye ka a mafɛlɛn kɔnɔ hali wo, a ko ale le si sɔn nyɔ-latinya-koe ma. A ko wola dan minnu tonɛ Yerusalɛm, wonu kunyɛ bɛɛ si to kɛlɛ rɔ terr!

Isikiyɛli 5:11

“Woletɔ nde, wo Tigi Mari ko wo ara n Bato-Tinɛ latinya kisimiriya-ko-ladan la. Fananta n bi n niyi la, fɔ n ba wo malanfan de serr! Hali wola hinɛ pe, a ti don n tɔ!

Isikiyɛli 7:22

Hali sundan wonu ba n Bato-Bɔn konko-don-dɛ keri ka nyɔ latinya, n ya lata tina ma.

Isikiyɛli 9:7

Alla ya a fɔ anu ye ko, “Wo ni Bato-Bɔn latinya. Wo ni kata-burɛ lafa hadama-den-suyi la. Wo ta gbɛ!” Woletɔ anu ya mɔgɛnu fagɛ dabira soe burɔ.

Hegayi 2:3

“Mɔgɛ do si taran wo tɛma min si ke ka a miri Bato-Bɔn fɔlɔtɛ sɔ-nya ma tun, wa? Fɔlɔ nun, a kin kosɛbɛ! Kɔnɔ kɛ ye wole yala kama kaka? Kɛ mani de iko fufafuyi wole yala, wa?

Kɛlɛ-Kurugbɛnu 8:24

Wo kɔma, Kidiyɔn ya anu manyinika ko kelen ma, a ko, “Min sɔgɛ ye n na dɔrɔn, wo ya sɛnɛ-fore minnu bi ma yogenu bolo, wo kelen-kelennamɛ-bɛɛ ni wotɛ di n ma.” (Midiyan keinu si sɛnɛ-fore le don anu tole la iko anu sigi-nyɔgɛnu si a ma nya min.)

Kɛlɛ-Kurugbɛnu 8:27

Kidiyɔn ya sɛnɛ wonu nalee ka a ma fɔlɔnfalan-kundi la. A tara wo la a warɛ Ɔfara soe burɔ. Isirɛla mɔgɔ damasi ya hakɛ kɛ ka don sɛnɛ-fɔlɔnfalan-kundi wo batoe rɔ. Sɛnɛ min manɛ fɔlɔnfalan-kundi wo la, wo mara gbɛrɛ la Kidiyɔn anubɛ ala denbayɛ ye.