Isikiyɛli 7:19 - ALLALA KUMƐ

¹⁹ Anu si anuna sɛnɛ anubɛ anuna wodi-gbɛnu nakɛ a rɔ luyinu ma iko bin-gbalɛ bawo nde, Mari wa wuli anu tɔrɔla, wo fenfen ti ke anu kunyɛ bɔla a rɔ. Fen-kolomɛ wonu ti anu mako nyinya. Anu buyi la ti fa wonu na, ado anuna sɛnɛ anubɛ anuna wodi-gbɛ, wonu denu ya anu nadon hakɛ rɔ.

Isikiyɛli 7:19 ပူးပေါင်းရင်းမြစ်များ

2 Mansɛnu 7:15

Keminɛ wonu ya Siriya wonu bolo-fannu yuluyulunɛ yen tala kilɛ la ha ka ta ke Yorodan bɛ ma. Wonu fanan sɛgira ka anu dantɛgɛ Isirɛla mansɛ ye.

Hɛnkilimaya-Kumɛnu 10:2

Mɔgɔ ye nɔnfuli minnu sɔrɔnna kensunyɛ rɔ, wo ti a munanfaga kɔnɔ ko-latelennɛ si mɔgɛ matanka siyi-matɛn ma.

Hɛnkilimaya-Kumɛnu 11:4

Mari wa wuli mɔgɔ kitila, nɔnfuli ti a dɛnbɛ wulɔn kɔnɔ ko-telenni-kɛ si mɔgɔ kisi sayɛ ma.

Makawandili Kumɛnu 5:10

Ni nɔnfuli diyara mɔgɔ-wo-mɔgɔ ye bɛrɛkɛ, nɔnfuli ti wo wasa mumɛ! Nɔnfulu-tigiyɛ diyara mɔgɛ min ye wɛ kɛ, hali wo ya nɔnfuli sɔrɔn duk, wo ti a wasa. Kɛ bɛrɛn tagbɛlɛ.

Aiseya 2:20

Tele wo wa ke tumɛ min, anuna bɛsɛ minnu nadannɛ sɛnɛ anubɛ wodi-gbɛ la, mɔgɛnu si wonu nakɛ a rɔ. Anu si wonu to tula-gbɛnu anubɛ tosɛnu ye.

Aiseya 30:22

Wola bɛsɛ minnu makirinɛ sɛnɛ anubɛ wodi-gbɛ la, wo si wonu nafili a rɔ iko fen-gbalɛ ka a fɔ ko, “Bɔ n yakɔrɔ.”

Aiseya 55:2

I si wodi labɔ fan dola ko rɔ min ti i fa? I si i sara-kunyɛ lagbana, kɔnkɛ ni to i niginigila? Ni wo ya wo tole masɔ ale Mari la, wo si to fen-diyamɛnu dɔnna. Dɔn-fan min bi i sɔndɔmɛ wasala, i si to wo dɔnna.

Nimisa Koe 4:1

Mala sɛnɛ min bi malan-malanna nun, wo ara tinya. Mala Bato-Bon-sɛnima-kurinu ta ara nyɛnsɛn Yerusalɛm lu-kole bɛɛ ma.

Isikiyɛli 13:5

Iko fira-wuli wonu, anuna foninya-wɔlɔyiya-kuma-fɔlɛnu sa tara-kerinɛ kandanna. Ni anu sa tarɛ wo sɔla tun alako nde, Mari si anu yogenu natugu anu kan ma tele min ma, soe wo ti kanan.

Isikiyɛli 14:7

“Isirɛla mɔgɛ fenfen, ni wo ma, sibolo-gbɛrɛ minnu bi anu tɛma, ni anu ya anu kan-kɔ sɔ nde la ka bɛsɛnu kɔ, wo kɔma, a ni sɛgi nta nɛbi do manyinikala n sako-lɔn-koe rɔ, nde, Mari si wo tigi yabi boloko-yogomɛ-kɛ!

Isikiyɛli 30:3

ado nde, Mari ye anu tɔrɔla tele min ma, wo ara gbɛrɛn. Wo si ma tele-finyɛ la sibole bɛɛ ye.

Isikiyɛli 44:12

Kɔnɔ anu ya Isirɛla mɔgɛnu nadon hakɛ rɔ ka anu don bɛsi-kɔ-koenu tɔ min kɛ, woletɔ nde, anu Tigi Mari wara ban a latɛgɛla ko fɔ anu ba tɔrɔ.

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Sɛfanaya 1:3

A ko a si nima-fan bɛɛ ban fegba, a hadama-den wo, a sogo wo, a koni wo, anubɛ a yɛgɛnu. A ko a si karagbɛlɛnu wara-koe ka-a-la. Hali mɔgɔ-den-kelen ti to a niyi la. Ale Mari kuman-kan le kɛ la.

Matiyu 16:26

Ni mɔgɛ ya duninya fan bɛɛ sɔrɔn kɔnɔ a ni bɔnɔ a niyi la, a ya nfen tɔnɛ sɔrɔn wo la? Mɔgɔ ti ke fenfen dila a niyila ko la,

Romu 11:9

Mansa Dawuda ya a fɔ ko, “Anu tenbi fen-dɔn kun na ladiyɛ rɔ, alamɛ ladiyɛ mara anu tabunden-fan la. Alamɛ wo mara anu bui-kunya la.