Isikiyɛli 6:6 - ALLALA KUMƐ

⁶ Isirɛla soe bɛɛ si halaki pɔ! Wo si a ma, saraka-mintan-tinɛnu anubɛ bɛsɛnu si tinya pɔ! Anuna isɛnti mintan tinɛnu si tii mɛmɛ! Anu bara min bɛɛsi ladan, wonu si tunu yen!

Isikiyɛli 6:6 ပူးပေါင်းရင်းမြစ်များ

1 Mansɛnu 14:23

Anu ya kan tinɛnu nadan anuna Asura bɛsɛ ye min nadannɛ musila muninyɛ la ka kurinu lɛsɛ ka ta wonu sɔ kɔnkɛnu kun tɛma anubɛ kɔlɔma-kuru-wɛ donu kɔrɔ.

Yaburi 115:8

Min bɛɛ ya a bole don bɛsɛ kɛnu nadan-koe rɔ anubɛ min bɛɛ lara anu na, alamɛ mɔgɛ wonu mara iko anuta bɛsi-ladannɛ wonu.

Aiseya 1:31

Wola kun-tigi-makawanɛnu si ma sɔgɔ-gbalɛ la. Anu kɛ-nya si ma iko ta-kundi. Anu ba bira anu nyɔgɔn na, tɛ si wuli anu tɔ, ado anuna dufenna ti taran.

Aiseya 2:20

Tele wo wa ke tumɛ min, anuna bɛsɛ minnu nadannɛ sɛnɛ anubɛ wodi-gbɛ la, mɔgɛnu si wonu nakɛ a rɔ. Anu si wonu to tula-gbɛnu anubɛ tosɛnu ye.

Aiseya 27:9

Alla-lɔnbɛlɛnuna saraka-mintan-tinɛnu ba ma gbangban la tumɛ min Isirɛla mɔgɛnu bolo, Mari si Isirɛla mɔgɛnu makoto anu hakɛ la wo wati le tɔ. A ti anu makoto fɔ wusura mintan tinɛnu ba ban. A sa nyinina fenfen-lɛsɛni ma tun iko anuna bɛsi-musumɛ Asura manɛ nya min.

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Aiseya 64:10

Ila so-sɛnimɛnu ta ara kolonya iko wula-da-rakolɔn ye nya min. Yerusalɛm ra ara kolonya filili, ka ma tonbɔn la.

Yɛrɛmaya 10:22

Wole Yuda kɛnu, wo ni wo tole rabalan. Kɛlɛ-mankan ye nala. Kɛlɛ-sɔnkɔ-sɔnkɛ ye nala ka bɔ kantɔ-wara la. Wo yogenu si wola soenu ma tonbɔn la iko wula-da-rakolɔn. Nyɔ si ma fira-wulinu barɛ la.

Yɛrɛmaya 17:3

Mari ko bɛsi-kɔ-tinɛ minnu bi kɔnkɛnu ma wo, anubɛ wola nɔnfuli anubɛ wola fen-kolomɛnu wo, a ko a si wonu toronde wo la ka wonu natenbi wo yogenu ma bawo wo ara hakɛ kɛ ka a dan-natenbi wola nyamanɛ bɛɛ rɔ.

Yɛrɛmaya 2:15

Wole Isirɛla mɔgɛnu, wo yogenu bi bɔrɔndɔ-bɔrɔndɔla wo la iko yarɛ. Wo yogenu bi wo rakilanna. Anu bara Isirɛla nyamanɛ tii. Isirɛla soe bɛɛ ara mintan. Anu tonɛ tonbonyɛ la.

Yɛrɛmaya 34:22

A ko a wa wo kɛlɛ-koe fɔ wo yogenu ye tumɛ min, wonu si ta wo kɛlɛ-tinɛ ka wola soe bira ka a mintan gburr! A ko a si Yuda soenu ma wula-da-rakolɔn la, mɔgɔ sa kan min. Ale Mari kan le kɛ la.

Yɛrɛmaya 51:18

Fufafuyi le anu na. Anu ti ko-wo-ko nyinya. Yɛlɛnma-fan le anu na. Kiti-tɛgɛ-lunyɛ wa ke, bɛsɛ wonu si kasara.

Yɛrɛmaya 9:10

Nde, Yɛrɛmaya si di biribiri kɔnkɛnuna ko la. N si saya-sigi sa dugu-da-rakolɔnla ko la. Wola wɔli-kɛ-tinɛnu bara tinya. Hali mɔgɛ, a sa tenbila nyɔ. Hali ninki kan la sa mɔɛnna nyɔ. Konanu bara anu gban ka ta pon! Sogo bɛɛ ara tunu nyɔ yen!

Yɛrɛmaya 9:11

Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Yɛrɛmaya 9:19

Mɔgɛnu bi worondo-kan lamɔɛnna Yerusalɛm soe burɔ. Anu bi a fɔla ko, “Ma ara halaki pɔ! Ma ara miliya dɔgɔma-ma-de! Fɔ ma ni mala nyamanɛ kɛ boloka le bawo mala bɔnnu bara tii mɛmɛ!”

Isikiyɛli 12:19

A fɔ Isirɛla mɔgɛ bɛɛ ye ko kilayɛ kɛ ye bɔla wo Tigi Mari le bolo Isirɛla mɔgɛnu denu ye minnu bi anu niyi la Yerusalɛm soe burɔ. Anu si yɛrɛyɛrɛn fen-dɔn-tinɛ. Anu tenbi anu minna, anu kun ma si kɔ kilan bolo. Fenfen ti taran anuna nyamanɛ rɔ ka a tɛgɛ anuna karagbɛlɛyɛ ma.

Isikiyɛli 16:39

N si i don i sa-nyɔgɛnu sɛnbɛ kɔrɔ. Wonu si ila yɛlɛnya-kɛ-tinɛ anubɛ ila bɛsi-kɔ-tinɛnu kasara. Anu si ila fɛrɛya-bɔɛ anubɛ ila fen-kolomɛnu bi i bolo ka i mɛlan to sɔni.

Isikiyɛli 30:13

“Nde, i Tigi Mari ya a fɔ ko a bɛsi wo, a batoli-fen wo, n si wo bɛɛ kasara Mɛmfisi soe burɔ pɔ! Mɔgɔ-wo-mɔgɔ ti taran tun min si Iyipiti mara. N si bɛɛ rakilan.

Isikiyɛli 35:4

N si Idɔm so-kunbɛnu ma tonbɔn la. N si ale nyamanɛ kasara pɔ! Wo wa ma tumɛ min, anu bi a lɔnna wo le ma ko Mari le nde la.

Isikiyɛli 5:14

Sibolo-gbɛrɛ minnu tenbi tenbila wo la, wonu bi nyimala wo rɔ ka anu masɛgi wo la.

Isikiyɛli 6:4

Anuna saraka-mintan-tinɛnu si tii mɛmɛ! Hali isɛnti mintan tinɛ, wonu fanan si tii. A kɔlɛnu fanan si faga anuna bɛsɛ wonu yakɔrɔ.

Isikiyɛli 6:7

Mɔgɛnu si faga da-wo-da. Minnu bi tola anu niyi la, wonu si n lɔn Mari la yati!

Hoseya 10:2

Yanfante-kɔrɛnu de wole la. Fɔ wo wa tɔrɔ wo hakɛla ko la. Mari si wola saraka-mintan-tinɛnu anubɛ kuru-malɛsɛnɛnu tinya feufeu!

Hoseya 10:8

Wola bɛsi-kɔ-tinɛ minnu bi kɔnkɛ kuma Bɛti-Efɛn soe dafɛ, wo si hakɛ kɛ kan min, wonu si kasara pɔ! Nyɔnu si ma wɔnɔ-firɛ anubɛ binyɛ la. Wo ye nala a fɔla kɔnkɛnu ma ko, “Wo ni wo keri ma kuma alako ma wara-koe ni ka-a-la.”

Saraka-Masɔlɛnuta Tɔnnu 26:30

Wo si wola isɛnti mintan wola bɛsɛnu bi kan min, nde si kan tinɛ wonu tinya ka wo furinu nakɛ wola bɛsi-tinyanɛ wonu kuma. Wo wara-koe si gboya n ye.

Saraka-Masɔlɛnuta Tɔnnu 26:31

N si wola soenu bira ka anu kasara. N si wola bɛsi-kɔ-tinɛ bɛɛsi tinya fanan. Hali wo ya sarakɛnu bɔ n ye, n ti sɔn anu na. Anu mintan-sumɛ ti diya n ye muk!

Maika 1:7

Wola bɛsi-da-gbɛlɛmɛ wonu ta si bunden. Wo ye wola kɔlɔma-malɛsɛnɛ anubɛ wola kuru-malɛsɛnɛ minnu kɔla, wonu bolokanɛ si belenna sundu-kunyɛnu ma. Wole Samariya mɔgɛnu ya fan minnu di wola yɛlannu ma minnu bi wola bɛsi-bɔnnu na, fan wo donu si mintan gburr! Ni wo bolo-fan minnu ma mintan, wo yogenu si na wonu bi ka ta anu na anuna yɛlannu ye anuna bɛsi-kɔ-tinɛnu tɔ.”

Maika 3:12

“Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”

Maika 5:13

Wo ye bɛsɛ minnu kɔla, a si wonu kasara. Woletɔ wo si fan minnu nadan wo nyɛrɛ bole la, wo ti wonu kɔ tun!

Habakuku 2:18

Tɔnɔ-nyamintan ye bɛsɛnu na? Mɔgɛnu denu ya bɛsɛ wonu nadan. Bɛsɛ wonu bi foninyɛ le dɔrɔn fɔla wo ye. Ni bɛsi-tigi ya a yigi sa ala bɛsi-kumabɛlɛ wo rɔ, wo si tɔnɔ-nyamintan di a ma?

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Sakaraya 13:2

Wo wati rɔ, bɛsɛnu tɔgɛ si tunu nyamanɛ wo rɔ yen! Mɔgɔ-wo-mɔgɔ ti a miri anu ma tun! A ko a si foninya-nɛbinu wara-koe ka-a-la nyamanɛ wo rɔ. Hali bɛsi-kɔ-miriya si bɔ mɔgɛnu burɔ.

1 Samuwɛli 5:4

Wo fanan banda kɛ tun, anu ya a taran tun, a buinɛ tɔn-kenkirɛ wo kɔrɔ. Kɔnɔ a bui kɛ rɔ, anu ya a taran, a kunyɛ anubɛ a bolenu kerinɛ a la. Wonu sanɛ bonda-dɛ kɔrɔ. A mununkulɔn tora sani Allata tɔn-kenkirɛ kɔrɔ.