Isikiyɛli 5:15 - ALLALA KUMƐ

¹⁵ “Nde, Mari wa diminya wo ma ka wo tɔrɔ, sibolo-gbɛrɛ minnu bi wola foolɛ rɔ, wonu kun ma si kɔ. Anu si nyima wo rɔ ka wo rasɛ.

Isikiyɛli 5:15 ပူးပေါင်းရင်းမြစ်များ

1 Mansɛnu 9:7

n si Isirɛla mɔgɛnu gben ka anu bɔ nyamanɛ kɛ rɔ n ya min di anu ma. N bara Bato-Bɔn min ma ntɛ la kɛ la, n si n ban wo la fanan. Mɔgɔ yigi ti taran Isirɛla mɔgɛnu na worɔ tun!

2 Ko-Kɔrɔta-Karan 29:8

Ka a tɛgɛ wo ma, Mari fonde bɔra Yuda kɛnu anubɛ Yerusalɛm kɛnu kuma. Mari ya min sigi anu ma, wo ara anu dama kumakɔ. Anu mara yɛlɛnma-fan la mɔgɛnu yala, ado wo ya wo lɔn bɛrɛkɛ!

Yaburi 39:11

I ye mɔgɔ makumala ala hakɛla ko la. Alla si mɔgɛ diyana-koe ban iko tunbinu si kɔn-gbɔɛ dɔn nya min. Hadama-dan bɛɛ niyi mani de iko ni-lafɛ kelan i yala.

Yaburi 79:4

Sibolo-gbɛrɛ minnu bi mala foolɛ rɔ, wonu bi ma mɔɛnna. Anu bi yɛlɛnna ma ma ka ma manyini.

Aiseya 26:9

A la wa fin, i sɔgɛ si n tabɔ dɔgɔma-ma-de! Banda wa ka, a ni ma iko ma ni taran ma nyɔgɔn fɛ. Ni ile ya duninya-mɔgɛ bɛɛ kiti, anu si a lɔn telenbagayɛ ye nya min.

Aiseya 43:28

Mala mɔgɔ-banu ya a bato tinɛ latinya. Ka a tɛgɛ koe wonu ma, a ya kasarɛ lana male Isirɛla mɔgɛnu kuma. A ya a ma, male ala mɔgɛnu tora yarabiyi rɔ.

Yɛrɛmaya 23:40

A ko a si wo to habadan-miliyɛ rɔ. Mɔgɔ-wo-mɔgɔ yili ti bɔ wo yarabi-nya wo ko tun.

Yɛrɛmaya 29:18

A ko a si kɛlɛ anubɛ kɔnkɛ anubɛ kirayɛ ma anu gben-fan la, ado sibolo-gbɛrɛnu ba anu yen tumɛ min, anu kuma si tɛgɛ wao! Mɔgɛnu si anu manyini ka anu tɔgɛ ma dankali-kɛ-fan la.

Nimisa Koe 2:15

Mɔgɛ min tenbi tenbila, wo ye a dɛ bosila a kɔrɔ Yerusalɛm soe ma. Min ba ke Yerusalɛm tinyanɛ ma, wo si a bole sa a dɛ la ka kawa. Anu bi a fɔla ko, “So-kinyɛ wo le ma kɛ la nun? Duninya sa anu diyala kɛ le la nun?”

Nimisa Koe 2:16

I yoge bɛɛ ye i mayɛlɛnna. Anu bi i lafɛyala ka i rasɛ. Anu bi a fɔla ko, “Male le ya a kasara. Nba, ma ara mɛ tele min makɔnɔna, wo le kɛ la, yɔ!”

Isikiyɛli 11:9

A ko a si wo labɔ soe kɛ burɔ ka wo don sibolo-gbɛrɛnu bolo. A ara wo faga-koe latɛgɛ,

Isikiyɛli 14:8

N si taran wo tigi kan ma. N si a ma misalɛ la mɔgɛnu yala. N si a wurun nta mɔgɛnu tɛma. Wo ye a lɔnna wo le ma ko nde le Mari la.

Isikiyɛli 16:41

Anu si ila bɔnnu mintan gburr, ado i tɔrɛ kɛ si kɛ musi siyaman yala. N si a ma, i ni yɛlɛnyɛ boloka feufeu! N si a ma, i ni fara kemini-san la.

Isikiyɛli 16:57

Yanni ile sɔn-yogomɛ ni bɔ gbɛ rɔ, i ma yɛlɛn anu ma nun, ba? Ile fanan bara ma yɛlɛnma-fan la iko anu denu. I gbo minnu ye iko Idɔm kɛnu anubɛ Filisitinu anubɛ sibolo-gbɛrɛ minnu bi wola foolɛ rɔ, i wara ma yɛlɛnma-fan la wonu fanan ye.

Isikiyɛli 22:4

A yilikinɛ mɔgɔ-fagɛ kɛla ko la. A ara a nyɛrɛ latinya bɛsi-kɔ-koe la. Woletɔ ale fananta wati ara ke. Wo le ya a ma, sibole doinu donta a manyinɛ rɔ. Nyamani-gbɛrɛkɛ-mɔgɛnu bi a rasɛla.

Isikiyɛli 23:32

I kɔrɔta kumakɔɛ mani de iko a kɛnɛ yi-lafɛ le tɔ. Kɔpu wo kolo, a rayan, ado ile fanan bi wo le nyɔgɔn tɔrɔya sufa minna. Mɔgɛ bɛɛ si i rasɛ ka i lafɛya bawo ita yi-lafɛ wo lafanɛ i kɔrɔtɛ ko.

Isikiyɛli 25:17

N si anu tɔrɔ kosɛbɛ ka n tayili sara anu na. Anu si nna yisi-bɔɛ lɔn. Wo kɔma, anu si n lɔn Mari la, yɔ!”

Isikiyɛli 30:19

N ba Iyipiti nyamanɛ tɔrɔ ka tumɛ min, anu bi a lɔnna wo le ma ko Mari le nde la.”

Isikiyɛli 5:16

N si kilɛ tɛgɛ wola dɔn-fen-koe ma ka wo lakɔnkɔ. Kɔnkɛ si wo dumɛ wo buyi rɔ iko kalabɛn tenbi mɔgɛ rɔ wo ye tɔrɔla nya min.

Isikiyɛli 5:8

Woletɔ nde, wo Tigi Mari Alla ye a fɔla wo ye ko wo yoge le nde la gbɛ! N bi wo kitila duninya tɛma le.

Saraka-Masɔlɛnuta Tɔnnu 26:32

N si wola nyamanɛ duginu tinya, hali wo yogo minnu bi nala anu sigila wo gbɛ rɔ, wola dugi wo tinya-nya si ma latɛrɛna-koe la anu fanan bolo.

Nehami 1:2

Mari Alla ti sɔn a senɛ ma. Minnu bi a rasɛla, a si wonu tɔrɔ. A fonde bɔnɛ si a tayili sara.

1 Kɔrɛnti 10:11

Koe kɛ bɛɛ mara anu na alako a ni ma misalɛ la mɔgɛ doinu ye. Koe kɛnu sɛbɛra ma ye alako ka ma lalɔn bawo male ye wati-laban tɔ.

Tɔn-Fɔɛ-Fila-Nyɔgɛ 28:37

Ni nyɔ-mɔgɛnu ya wo tɔrɔ-nya yen, anu ti sisi wo mafɛlɛnna. Anu si wo manyini ka wo lafɛya bɛrɛkɛ!

Tɔn-Fɔɛ-Fila-Nyɔgɛ 28:46

Tɔrɔyɛ wo si ma Allata-kiti-misalɛ la wo kegeyɛnu ye burubukai!