Isikiyɛli 48:30 - ALLALA KUMƐ

^30-34 Mari ko, “Tarɛ mininɛ Yerusalɛm soe tɔnkɔn nanɛ bɛɛ ma. A tɔnkɔn nanɛ kɛ bɛɛ nunkan-nya waga nani ani kɛmɛ fila. Don-da tan-ni-fila le ye tarɛ wo ma. Don-da sawa-sawa ye a tɔnkɔn bɛɛ ma. Isirɛla bɔnsɔn tan-ni-fila tɔgɛ le sɛbɛnɛ don-dɛ kɛ bɛɛ ma. Don-da sawɛ minnu bi kantɔɛ, wonu tɔgɛ le kɛnu na, Rubɛn, Yuda anubɛ Lifayi. Don-da sawɛ minnu bi tele-bɔɛ, wonu tɔgɛ le kɛnu na, Yusufu, Bɛnyamɛ anubɛ Dan. Don-da sawɛ minnu bi dugula wara la, wonu tɔgɛ le kɛnu na, Simiyɔn, Isakari anubɛ Sɛbulɔn. Don-da sawɛ minnu bi tele-yigi wara la, wonu tɔgɛ le kɛnu na, Kadi, Asɛra anubɛ Nafatali.

Isikiyɛli 48:30 ပူးပေါင်းရင်းမြစ်များ

Isikiyɛli 42:11

Kilɛ ye bɔn kɛ konkonu yarɔ tala iko kantɔ-warala-bɔntɛ ye nya min. Anu kantɔtɛ warala bɔn suman-nya kelen, a sɔ-nya kelen, a don-dɛ sɔ-nya fanan kelen.

Isikiyɛli 45:6

Dugi min tugunnɛ Marita dugu-sɛnimɛ wo la, wo lɔngbɔn mɛli tan, a kɔnɛ, mɛli fila. Nyɔ si ma Isirɛla mɔgɛ donuna sigi tinɛ la.

Isikiyɛli 48:16

A tonko nanɛ kelen-kelennamɛ-bɛɛ bɛnnɛ nunkan-nya waga nani, ani nunkan-nya kɛmɛ loli (4,500).

Lankɛnimayɛ 21:16

Soe wo tɔnkɔn nanɛ bɛɛ rakɛn. A lɔngbɔn anubɛ a kɔnɛ rakɛn. Melika ya soe suman ala fen-suman-kɔlɔma la. A sɔɛ mɛli waga kelen mɛli kɛmɛ loli (1,500). A kɔnɛ anubɛ a lɔngbɔn anubɛ a sɔɛ bɛɛ rakɛn.