Isikiyɛli 48:28 - ALLALA KUMƐ

²⁸ “Kadi bɔnsɔn dugula-dan-dabirɛ le Tama soe la. Dan wo le tara furr, ha Sɔnkɔ-Sɔnkɔ-Tenke min bi Kɛdɛsi soe dala. Wo kɔma, wo le bilara Iyipiti kɛnuna dan fɛ ka ta ke Mɛdetereniyan kɔgɔ-yi ma.”

Isikiyɛli 48:28 ပူးပေါင်းရင်းမြစ်များ

Ko-Dabirɛnu 14:7

Anu sɛgira anu kɔma kilɛ la ka ta ke Kɛdɛsi soe ma (min tɔgɛ fanan Emisipati), ka Amalɛkinu kɛlɛ ka anuna nyamanɛ bi anu bolo. Anu ya Amoranu kɛlɛ fanan minnu siginɛ Hasason-tama soe burɔ.

Ko-Dabirɛnu 15:18

Tamasere le wo la Mari ya lanyiri min kiri anubɛ Burama tɛma tele wo nyɛrɛ rɔ ko, “N bara nyamanɛ kɛ di i bɔnsɔn ma. Kenanuna nyamanɛ anubɛ Kɛnasinuna nyamanɛ anubɛ Kadimɔnanuna nyamanɛ anubɛ Hɛtinuna nyamanɛ, anubɛ Perasanuna nyamanɛ anubɛ mɔgɔ-layan-bɛnuta nyamanɛ anubɛ Amoranuna nyamanɛ anubɛ Kenannuna nyamanɛ anubɛ Kagasanuna nyamanɛ anubɛ Yebusinuna nyamanɛ, ka a dabira Iyipiti bɛ ma ha ka ta ke Yufereti bɛ ma, n si wo bɛɛsi latenbi ile bɔnsɔnnu ma.”

2 Ko-Kɔrɔta-Karan 20:2

Kilayɛ donu nara Mansa Yɛhosafati wara ka a fɔ a ye ko, “Kɛlɛ-den-siyaman bara na ile kɛlɛ tinɛ ka bɔ Dalɛ Faganɛ kɔma. Anu bara ban Hasɛsɔn-Tema soe birala-a-la.” (Soe wo tɔgɛ do le Ɛngidi.)

Yaburi 106:32

Mɔgɛnu ya a ma, Mari fonde bɔra Sɔnkɔ-Sɔnkɔ-Tenke dafɛ ha anu ya Musa don nanparan rɔ.

Aiseya 27:12

Wo tele-nyɛrɛ rɔ, ka a bi Yufereti bɛ ma ha ka ta a sigi Iyipiti dan la, Mari ko a si ala mɔgɛnu tɔnbɔn kelen-kelenyɛ ma iko mɔgɛ ye dɔn-fan tɔnbɔnna a fofe ya la nya min.

Isikiyɛli 47:10

Ka a bi Ɛngidi tenke ma, ha ka ta sigi Ɛnɛgilayim tenke la, nyɔ ra ti kolonya yɛgɛ-biralɛnu na. Anu si anuta yalɛnu tagbala nyɔ. Yɛgɛ-subolo-siyamɛ minnu bi Mɛdetereniyan kɔgɔ-yi rɔ, wonu subole bɛɛ si taran Dalɛ Faganɛ rɔ fanan.

Isikiyɛli 47:15

“Nyamanɛ-kantɔɛ-dan si a fɔlɔ Mɛdetereniyan kɔgɔ-yi ma ka ta tele-bɔɛ wara la ka a sigi Hɛtilɔn soe la ka tenbi Hamati kɔnkɔ-gbɛran rɔ ha ka ke Sidadi soe ma.

Yilan-Yilan Koe 20:1

Isirɛla mɔgɛnu bɔɛ Iyipiti san bi-sawa ani san kɔnɔntɔ (39) tenbira min kɛ, a san bi-nani nyɔgɛ (40) karɛ fɔlɛ ma, anu kera Sini wulɛ rɔ. Anu ya anu daga makɛ kan tinɛ do rɔ min tɔgɔ Kɛdɛsi. Musa tirisan-musi Miriyam fagara nyɔ le. Anu ya a togon.

Yilan-Yilan Koe 20:13

Mari ya ata telenbagayɛ yira anu na nyɔ. Anu ya yi kɛ tɔgɔ sa “Sɔnkɔ-Sɔnkɔ Tenke” bawo Isirɛla mɔgɛnu kumara Mari ma nyɔ.