Isikiyɛli 48:21 - ALLALA KUMƐ

^21-22 “Bato-Bɔn dugi wo, saraka-masɔlɛnuta dugi wo, Lifayi bɔnsɔnnuta dugi wo, soe ye dugi min tɔ wo, wonu bɔnɛ dugu-latankanɛ wo ma, a toe, mansɛtɛ le wo la. Dugi wo ye tala tele-bɔɛ wara la ha ka ke a dan ma. Dugi wo ye tala tele-yigi wara la ha ka a labila Mɛdetereniyan kɔgɔ-yi ma. Yuda bɔnsɔn ye nyɔ-kantɔɛ-waralɛ rɔ. Bɛnyamɛ bɔnsɔn ye nyɔ-dugula-waralɛ rɔ.”

Isikiyɛli 48:21 ပူးပေါင်းရင်းမြစ်များ

Isikiyɛli 37:24

Mansɛ si taran anu kun na min si bɔ nta wɔli-kɛla Dawuda bɔnsɔn rɔ. Anu dama si taran mansa kelan wo kɔrɔ, ado anu si nta tɔnnu bira a kila bɛrɛbɛrɛ fɛ. N ya nyamanɛ min di anu benba Yakoba ma, anu si sigi nyɔ rɔ. Anu denu wo, anuna dannu wo, anu kebilɛ wo, bɛɛ si sigi nyɔ rɔ tolon!

Isikiyɛli 48:10

Saraka-masɔlɛnu si anutɛ sɔrɔn dugu-sɛnimɛ kɛ rɔ. Ka a bi tele-yigi waralɛ ma ka ta a sigi tele-bɔɛ waralɛ la, anuna dugi si ma mɛli tan. Ka a bi kantɔ-waralɛ ma ka ta a sigi dugula-waralɛ la, anuna dugi si ma mɛli nani na. Nta Bato-Bɔn ye tola dugi kɛ le tɛma den!

Isikiyɛli 48:20

“Woletɔ dugu-latankanɛ wo si to sigisɔn wo tɛma den! A lɔngbɔn anubɛ a kɔnɛ, mɛli tan, ado Yerusalɛm soe wo ye sigisɔn wo le tɔ.

Isikiyɛli 48:8

“Dugi min tugunnɛ Yuda bɔnsɔntɛ la, dugu-latankanɛ le wo la. Wo kɔnɛ ni ma mɛli tan. Nyɔ-lɔngbɔn anubɛ Isirɛla bɔnsɔn toetɛ rakɛn de! Bato-Bɔn ye sɔla dugu-latankanɛ kɛ le tɔ.

Hoseya 1:11

Yuda bɔnsɔn-mɔgɛnu anubɛ Isirɛla bɔnsɔn-mɔgɛnu si na ma kelen na tun. Bɔnsɔn filɛ wonu si kun-tigi kelen yabɔ anu tɔ. Wo kɔma, anu si sabati ka ta yarɔ anuna nyamanɛ wo rɔ tun. Wasalɛ ye nala kɛla Yɛsɛreli tele min ma, tele wo si ma tele-makawanɛ la anu bolo.