Isikiyɛli 48:11 - ALLALA KUMƐ

¹¹ Dugu-sɛnimɛ kɛ ye Sedoki kebilɛ saraka-masɔlɛnu denu ye. Isirɛla mɔgɛ toenu ya ko-yogomɛ ma tumɛ min, anubɛ Lifayi bɔnsɔn toenu, Sedoki kebilɛ kɛ le dɔrɔn ya anu natelen n ye. Anu ma kofu doinu ma wulɔn.

Isikiyɛli 48:11 ပူးပေါင်းရင်းမြစ်များ

Isikiyɛli 14:11

N bi wo mala le woletɔ Isirɛla mɔgɛnu ti n boloka ka anu nyɛrɛ kɔsɔ anu hakɛ bolo. Nta mɔgɛ le Isirɛla mɔgɛ kɛnu na. Anuta Alla le nde la. Nde, wo Tigi Mari le wara kɛ fɔ.”

Isikiyɛli 40:46

A ko bon-nɛ min yɛ lamununnɛ kantɔɛ la, wo ye saraka-masɔlɛnu denuna ko la minnu bi saraka-mintan-wɔli kɛla. Saraka-masɔlɛ kɛ bɛɛ bɔra Sedoki kebilɛ le tɔ. Anu denu denu dɔrɔn bi Lifayi kebilɛ rɔ minnu bɛnnɛ ka sɔ Mari yakɔrɔ wɔli-kɛ-tinɛ.

Isikiyɛli 43:19

Lifayi saraka-masɔlɛ minnu bɔra Sedoki kebilɛ rɔ, wonu denu dɔrɔn si na n yakɔrɔ ka nta wɔlɛ kɛ. Nde, Isirɛla Tigi Mari kan le kɛ la. Ile si tura-bulan di anu ma ka wo ma hakɛ-sarakɛ la.

Isikiyɛli 44:10

Mari ya a fɔ n ye ko, “N bi Lifayi bɔnsɔn kɛnu tɔrɔla anubɛ Isirɛla mɔgɛ minnu bara anu ban nde la ka don bɛsi-kɔ-koe rɔ.

Isikiyɛli 44:12

Kɔnɔ anu ya Isirɛla mɔgɛnu nadon hakɛ rɔ ka anu don bɛsi-kɔ-koenu tɔ min kɛ, woletɔ nde, anu Tigi Mari wara ban a latɛgɛla ko fɔ anu ba tɔrɔ.

Isikiyɛli 45:4

Nyɔ si ma kan-tina-sɛnimɛ do la nyamanɛ wo rɔ. A talɛ wo si ma kan-tina-yabɔnɛ la saraka-masɔlɛnu ye minnu bi wɔli kɛla Mari ye Bato-Bɔn la. Anuna bɔnnu anubɛ Mari Bato-Bɔn si taran nyɔ.

Isikiyɛli 48:12

Anuta dugi si tugun Lifayi bɔnsɔntɛ la, ado wo si sɛninya ka tenbi dugi toe bɛɛ la.

Saraka-Masɔlɛnuta Tɔnnu 8:35

Wo ni to siginɛ tenbi-bolon-dɛ la su-ke banda-ka ha tele wɔrɔnfilɛ da si fa. Ni wo ya wo tinya, wo si faga. Wo le kɛ la Mari ya min fɔ n ye ka a gbɛlɛya gben!”

1 Pita 5:4

Saga-Fɛ-Birala-kun-tigi wa bɔ gbɛ rɔ tumɛ min, a si mansaya-fulɛ di wo ma minna kinyɛ ti bɔ a su la mumɛ!

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.