Isikiyɛli 47:22 - ALLALA KUMƐ

²² A ni ma wo halala-nyamanɛnu na tolon! Sibolo-gbɛrɛ minnu siginɛ wo tɛma, ado min bara dannu sɔrɔn wo tɛma nyɔ, wonu fanan ni anuta nyamanɛ sɔrɔn. Wo ni anu bira iko wo ye Isirɛla mɔgɛnu birala nya min. Wonubɛ Isirɛla mɔgɛnu ni korɔn lakɛ wo nyɔgɔn tɛma ka dugi ratala.

Isikiyɛli 47:22 ပူးပေါင်းရင်းမြစ်များ

Aiseya 14:1

Mari si kinikini Isirɛla mɔgɛnu ma tun ka anu ma atɛ la. A si a ma, anu ni sigi anu halala-nyamanɛ rɔ tun baff! Sibolo-gbɛrɛnu si sigi anu tɛma.

Isikiyɛli 45:1

Isirɛla nyamanɛ wa tala tumɛ min, bɔnsɔn bɛɛ ni atɛ sɔrɔn. Mari fanan ni atɛ sɔrɔn. Kan-tinɛ min bi tola Mari ye, wo lɔngbɔn mɛli tan, a kɔnɛ, mɛli segin. Marita dugi wo si ma kan-tina-sɛnimɛ la.

Isikiyɛli 47:21

“Wo ni dugi kɛ fara wo nyɔgɔn tɛma iko wola sibolenu bi nya min.

Isikiyɛli 47:23

Sibolo-gbɛrɛ minnu bi wo tɛma, wonu ni anuta dugi sɔrɔn wole dugurannu tɛma anu siginɛ bɔnsɔn-mɔgɛ minnu fɛ.” Ale ma Tigi Mari kan le kɛ la.

Isikiyɛli 48:29

Ma Tigi Mari ko dugi kɛ tala-nya le kɛ la Isirɛla bɔnsɔnnu na.

Saraka-Masɔlɛnuta Tɔnnu 19:34

Wo ni anu bira iko wo ye wo nyɔgɔn birala nya min. Wo ni anu keni iko wo nyɛrɛ. Wo ni a lɔn yati, ko wole fanan bi sundanyɛ la Iyipiti nyamanɛ rɔ nun. Nde, wota Mari Alla ya kɛ le fɔ wo ye.

Kɛwɔlɛnu 11:18

Anu ya kɛ lamɔɛn tumɛ min, anu ya a makumɛ boloka ka Alla tanto. Anu ko, “Nba, Alla ara fɛrɛ di sibolo-gbɛrɛnu fanan ma ko anu ni tubi ka habadan-nimayɛ sɔrɔn!”

Kɛwɔlɛnu 15:9

A ma dan-nafarɛ don mabɛ anu tɛma hali! Anu dɛnkɛninyara min kɛ, woletɔ a ya anu makoto anu hakɛ ma.

Romu 10:12

a Yahudiya wo, a sibolo-gbɛrɛ wo. Ma damasi kelen. Alla kelen pe le Mari la mɔgɛ bɛɛ ye. Minnu ba Mari rakele, a si ata duwɛ layigi wonu kuma foninsereyɛ rɔ.

Ɛfɛsa 3:6

Gbundu-koe wo le kɛ la. Wole sibolo-gbɛrɛnu bara wotɛ sɔrɔn Allala duwɛ rɔ iko male Isirɛla mɔgɛnu. Kibara-nyimɛ le ya a ma, wo ya a sɔrɔn. Ma bɛɛsi ara ma bagbu kelen na, ado Alla ya lanyiri min kiri Kirasiti Yisala ko la, wo ara wotɛ sɔrɔn lanyiri kelan wo rɔ.

Tɔn-Fɔɛ-Fila-Nyɔgɛ 10:19

Wole fanan ni keninteyɛ yira sundannu na bawo wo ye sundanyɛ le la Iyipiti nun.

Kɔlɔsi 3:11

Yahudiya wo, Yahudiya ma minnu na wo, kemininya wo, kemininyabɛli wo, mɔgɔ-gbɛrɛkɛ wo, ko-lɔnbɛli wo, hɔrɔ wo, yɔɔn wo, dan-nafarɛ sa wo fenfen tɔ ni-kurɛ kɛ rɔ. Kirasiti tenbira koe kɛ bɛɛsi la, ado ale siginɛ wo bɛɛ yisi rɔ!