Isikiyɛli 47:19 - ALLALA KUMƐ

¹⁹ “Dugula-dan ya a dabira Tama soe ma ka ta tele-yigi wara la ha ka a sigi Sɔnkɔ-sɔnkɔ tenke la min bi Kɛdɛsi-Mɛriba soe dala. Wo kɔma, a bilara Iyipiti dan fɛ yɛlɛla ha ka ta sigi Mɛdetereniyan kɔgɔ-yi ma.

Isikiyɛli 47:19 ပူးပေါင်းရင်းမြစ်များ

1 Mansɛnu 8:65

Anu ban Bato-Bɔn wo dantɛgɛla tele wɔrɔnfila kɔrɔ, Mansa Silamɛni anubɛ ala nyamanita-mɔgɛ minnu bɔra Isirɛla nyamanɛ tɔnkɔn nani bɛɛ rɔ, wonu ya Lele-Sɔɛ-Ladɛn kɛ Bato-Bɔn dafɛ a nyɔgɔn tele wɔrɔnfila kɔrɔ tun.

1 Mansɛnu 9:18

Wo kɔma, anu ya Beyali-Ati soe sɔ anubɛ Tama soe min bi wula-da-rakolɔn rɔ Yuda nyamanɛ rɔ.

2 Ko-Kɔrɔta-Karan 20:2

Kilayɛ donu nara Mansa Yɛhosafati wara ka a fɔ a ye ko, “Kɛlɛ-den-siyaman bara na ile kɛlɛ tinɛ ka bɔ Dalɛ Faganɛ kɔma. Anu bara ban Hasɛsɔn-Tema soe birala-a-la.” (Soe wo tɔgɛ do le Ɛngidi.)

Yaburi 81:7

Wo ye kɔndɔfili rɔ tumɛ min, wo ya n takele. N ya wo lakisi.” Alla ko, “N dogonnɛ ya a labira banda-fin-gbɛ rɔ. N ya wo kɔrɔbɔ wulɔn kan tinɛ do rɔ anu bi min kelela Sɔnkɔ-Sɔnkɔ tenke.”

Aiseya 27:12

Wo tele-nyɛrɛ rɔ, ka a bi Yufereti bɛ ma ha ka ta a sigi Iyipiti dan la, Mari ko a si ala mɔgɛnu tɔnbɔn kelen-kelenyɛ ma iko mɔgɛ ye dɔn-fan tɔnbɔnna a fofe ya la nya min.

Isikiyɛli 47:10

Ka a bi Ɛngidi tenke ma, ha ka ta sigi Ɛnɛgilayim tenke la, nyɔ ra ti kolonya yɛgɛ-biralɛnu na. Anu si anuta yalɛnu tagbala nyɔ. Yɛgɛ-subolo-siyamɛ minnu bi Mɛdetereniyan kɔgɔ-yi rɔ, wonu subole bɛɛ si taran Dalɛ Faganɛ rɔ fanan.

Isikiyɛli 47:15

“Nyamanɛ-kantɔɛ-dan si a fɔlɔ Mɛdetereniyan kɔgɔ-yi ma ka ta tele-bɔɛ wara la ka a sigi Hɛtilɔn soe la ka tenbi Hamati kɔnkɔ-gbɛran rɔ ha ka ke Sidadi soe ma.

Isikiyɛli 48:28

“Kadi bɔnsɔn dugula-dan-dabirɛ le Tama soe la. Dan wo le tara furr, ha Sɔnkɔ-Sɔnkɔ-Tenke min bi Kɛdɛsi soe dala. Wo kɔma, wo le bilara Iyipiti kɛnuna dan fɛ ka ta ke Mɛdetereniyan kɔgɔ-yi ma.”

Yilan-Yilan Koe 20:1

Isirɛla mɔgɛnu bɔɛ Iyipiti san bi-sawa ani san kɔnɔntɔ (39) tenbira min kɛ, a san bi-nani nyɔgɛ (40) karɛ fɔlɛ ma, anu kera Sini wulɛ rɔ. Anu ya anu daga makɛ kan tinɛ do rɔ min tɔgɔ Kɛdɛsi. Musa tirisan-musi Miriyam fagara nyɔ le. Anu ya a togon.

Yilan-Yilan Koe 20:13

Mari ya ata telenbagayɛ yira anu na nyɔ. Anu ya yi kɛ tɔgɔ sa “Sɔnkɔ-Sɔnkɔ Tenke” bawo Isirɛla mɔgɛnu kumara Mari ma nyɔ.

Yilan-Yilan Koe 34:3

Ka a fɔlɔ dugula wara la, wola nyamani-dan si a dabira Dalɛ-Faganɛ ma ha ka ke Akiribin Don-Dɛ ma ka tenbi Sin wulɛ rɔ ka ta a labila Idɔm nyamani-dan ma min bi Kɛdɛsi-Baniya dugula-waralɛ rɔ. Dan wo le ye tala ha kan tinɛ do anu bi a fɔla min ma ko Hasa-Ada, tarɛnu bi kan min. Dan wo le ye tala tun ka bila yi-dɔgɔmɛ do fɛ min bi Iyipiti dan la ka ke kɔgɔ-yi ma.

Tɔn-Fɔɛ-Fila-Nyɔgɛ 32:51

Min ya a to, ile nyɛrɛ fanan ye so-sɛgi-kɛla iko Aruna bawo ile fanan ma i telen n ye Isirɛla mɔgɛnu tɛma. Wo ye Sɔnkɔ-Sɔnkɔ Tenke dafɛ tumɛ min Kɛdɛsi soe da kɔrɔ Sini wulɛ rɔ, i ya n nafɛya Isirɛla mɔgɛnu yakɔrɔ nyɔ.

Tɔn-Fɔɛ-Fila-Nyɔgɛ 33:8

Musa duwara Lifayi bɔnsɔn-mɔgɛnu fanan ye ka le ko, “Kuru filɛ min tɔgɛ Yurim anubɛ Tumin min bi saraka-masɔla-kun-tigi kɔgɔ-dala-kurɛ ma, ma si Mari sako lɔn wonu fɛ tuma-wo-tuma bawo i ya male Lifayi mɔgɛnu yabɔ i nyɛrɛ ye ila wɔlɛla ko la. I ya Lifayi mɔgɛnu nakɔrɔsi nde, Musa rɔ Kɔrɔbɔ Tinɛ rɔ. Lifayi mɔgɛnu ya yakɔrɔ-mamɔɛ sɔrɔn nde, Musala ko la Sɔnkɔ-Sɔnkɔ Tenke dafɛ.

Yasowa 12:3

Ata nyamanɛ-dan tele-yigi, wo le Yorodan bɛ la ka a bi Kalili dalɛ ma min bi Dalɛ-Faganɛ wara la, ka ta ha Bɛti-Yɛsimoti soe ma ka ke Nibɔ kɔnkɛ ma.